The Phnom Penh Post Search

Search form

Logo of Phnom Penh Post newspaper Phnom Penh Post - សម្លាប់​ក្មេង​ប្លន់​យក​​ម៉ូតូ​ ត្រូវ​កាត់​ទោស​ជាប់​គុក ១៨​ឆ្នាំ

សម្លាប់​ក្មេង​ប្លន់​យក​​ម៉ូតូ​ ត្រូវ​កាត់​ទោស​ជាប់​គុក ១៨​ឆ្នាំ

សម្លាប់​ក្មេង​ប្លន់​យក​​ម៉ូតូ​ ត្រូវ​កាត់​ទោស​ជាប់​គុក ១៨​ឆ្នាំ

Handcuff
Handcuff

ពោធិ៍សាត់ៈ ជន​សង្ស័​យ​ក្នុង​ករណី​ប្លន់​សម្លាប់​ក្មេងៗ​ចំនួន​ពីរ​នាក់​ យក​ម៉ូ​តូ​មួយ​គ្រឿង​កាល​ពី​ខែ​មករា​កន្លង​មក​នេះ ត្រូវ​បានតុលាការ​ខេត្ត ពោធិ៍សាត់​សម្រេច​ផ្ដន្ទា​ទោស​កាល​ពី​ព្រឹក​ម្សិល​មិញ ​ឲ្យ​ជាប់​ពន្ធ​នាគារ​រយៈ​ពេល​១៨​ឆ្នាំ និង​បង្គាប់​ឲ្យ​បង់​សំណង​ដល់​គ្រួសារ​ជនរង​គ្រោះ ចំនួន២០​លានរៀល។

លោកប៉ង់ ចាន់​សុយុទ្ធារា ព្រះ​រាជ​អាជ្ញា​អម​សាលា​ដំបូង​ខេត្ត​ពោធិ៍សាត់ បាន​ប្រាប់​ភ្នំពេញ​ប៉ុស្តិ៍​កាល​ពី​ម្សិល​មិញថា ជន​សង្ស័យ​ឈ្មោះ ប៊ុន យឺត អាយុ​៣២​ឆ្នាំ ត្រូវ​បាន​សមត្ថកិច្ច​នគរ​បាល​​ចាប់​ខ្លួន​បាន ពីរ​ថ្ងៃ​ក្រោយ​ពីជន​នេះ​បាន​ប្រព្រឹត្ត​​បទ​ល្មើស​វាយ​ប្លន់​​យក​ម៉ូ​តូ​មួយ​គ្រឿង នៅ​ចំណុច​កាច់​កង់ ភូមិ​ក្បាល​ដំរី ឃុំ​អន្សា​ចំបក់ ស្រុក​ក្រគរ ខេត្ត​ពោធិ៍​សាត់​កាល​ពី​ថ្ងៃ ទី​១៣​ខែ​មករា ឆ្នាំ​២០១៣ ដែល​បណ្ដាល​ឲ្យ ​ក្មេង​ប្រុស​ម្នាក់​អាយុ​៦​ឆ្នាំ និង​ក្មេង​ស្រី​ម្នាក់​អាយុ​១០ ឆ្នាំ​​ស្លាប់ និង​យុវត្តី​ម្នាក់​ទៀត​រង​របួស​ធ្ងន់។

លោក​បាន​បន្ត​ថា​នៅ​ពេល​បើក​សវនាការ​កាល​ពី​ព្រឹក​ម្សិល​មិញ​នោះ ជន​សង្ស័យ​បាន​សារ​ភាព​នៅ​មុខ​តុលា​ការ​​ថា​ខ្លួន​ពិត​ជា​បាន​ប្រព្រឹត្ត​អំពើ​មនុស្ស​ឃាត​នោះ​មែន បន្ទាប់​ពី​ជន​រង​គ្រោះ​បាន​ចង្អុល​បង្ហាញ​និង​ឆ្លើយ​ដាក់​បន្ទុក​នៅ​ក្នុង​សវនាការ​នោះ។

លោក​បាន​ថ្លែង​ថា​៖​«​តុលាការ​បាន​សម្រេច​ផ្ដន្ទា​ទោស​ជន​ជាប់​ចោទ​ឲ្យ​ជាប់​ពន្ធ​នា​គារ​រយៈ​ពេល​២០​ឆ្នាំ ពីបទ​ប្លន់​សម្លាប់​មនុស្ស​ដោយ​ចេតនា និង បង្គាប់​ឲ្យ​បង់​សំណង​រដ្ឋ​បវេណី​ដល់​គ្រួសារ​ជន​រង​គ្រោះ​ចំនួន​២០​លាន​រៀល »។

លោក​បាន​បន្ថែម​ថា ក្រោយ​ជន​ជាប់​ចោទ​ត្រូវ​បាន​តុលាការ​បង្គាប់​ឲ្យ​នាំ​យក​ទៅ​អនុវត្ត​ទោស​នៅ​ពន្ធនាគារ​ខេត្ត​ពោធិ៍​សាត់។​

អត្ថបទគួរចាប់អារម្មណ៍