The Phnom Penh Post Search

Search form




Logo of Phnom Penh Post newspaper Phnom Penh Post - សហជីព​៥​ស្នើ​បក្ស​ជាប់​ឆ្នោត​ទាំង​ពីរ​ជួយ​ដោះ​ស្រាយ​បញ្ហា​កម្មករ​សហជីព​ផង

សហជីព​៥​ស្នើ​បក្ស​ជាប់​ឆ្នោត​ទាំង​ពីរ​ជួយ​ដោះ​ស្រាយ​បញ្ហា​កម្មករ​សហជីព​ផង

សហជីព​៥​ស្នើ​បក្ស​ជាប់​ឆ្នោត​ទាំង​ពីរ​ជួយ​ដោះ​ស្រាយ​បញ្ហា​កម្មករ​សហជីព​ផង

ភ្នំពេញៈ សហព័ន្ធ​សហជីព​ចំនួន​ ៥​បាន​ចេញ​សេចក្តី​ថ្លែងការណ៌​ភ្លាមៗ​នៅ​រសៀល​ថ្ងៃ​អង្គារ​នេះ បន្ទាប់​ពី​ថ្នាក់​ដឹក​នាំ​កំពូល​នៃ​គណបក្សជា​ប់​ឆ្នោត​ទាំង​ពីរ​បាន​ស្វែង​រក​ដំណោះ​ស្រាយ និង​បញ្ចប់​ភាព​តាន​តឹង​​ផ្នែក​នយោបាយ​រួច​មក តំណាង​សហព័ន្ធ​សហជីព​បាន​ស្នើ​ឲ្យ​ថ្នាក់​ដឹក​នាំ​គណបក្ស​ទាំង​ពីរ​នេះ​ដោះស្រាយ​នូវ​ចំណុច​មួយ​ចំនួន​ជូន​សហជីព​ និង​កម្មករ។

ក្រុម​តំណាង​សហព័ន្ធ​សហីព​មក​ពី​សម្ព័ន្ធ​សហជីព​ចលនាកម្មករ​ សហព័ន្ធ​សហជីព​មិត្តភាព​កម្មករ សហព័ន្ធ​សហជីព​វាយនភណ្ឌ​កាត់ដេរ​កម្មករ​កម្ពុជា សហព័ន្ធសហជីព​យុវជន​ឯករាជ្យ និង​សម្ព័ន្ធ​សហជីព​ជាតិ បាន​ស្នើ​ឲ្យ​រាជ​រដ្ឋាភិបាល​រៀប​ចំ​ឲ្យ​មាន​ការ​ចរចា​ស្តី​ពី​ការ​ដំឡើង​ប្រាក់​ឈ្នួល​អប្បបរមា​របស់​កម្មករ​និយោជិត​ក្នុង​ឆ្នាំ​២០១៤​នេះ​ ដើម្បី​ធានា​ឲ្យ​មាន​ការ​រស់នៅ​សមរម្យ និង​ថ្លៃថ្នូរ។

សេចក្តិ ថ្លែង​ការណ៌​ក៏​បាន​ស្នើ​សុំ​ឲ្យ​រាជ​រដ្ឋា​ភិបាល​ ជម្រុញ​ឲ្យ​ក្រសួង​ការងារ បញ្ឈប់​ការ​រិត​ត្បិត​ការ​ចុះ​បញ្ជិ​កា​សហជីព ហើយ​សូម​ឲ្យ​អនុវត្ត​ការ​ចុះ​បញ្ជិកា​សហជីព​ដូច​មុន។

មិន​តែប៉ុណ្ណោះ​ក្រុម​សហព័ន្ធ​សហជីព​ទាំង​៥​នេះ ក៏​បាន​ស្នើ​ឲ្យ​រាជ​រដ្ឋាភិបាល ស្វែង​រក​ចាប់​ខ្លួន​ជន​ល្មើស​ដែល​បាន​បាញ់ និង​ប្រើ​អំពើ​ហឹង្សា​មក​លើ​កម្មករ កាល​ពី​ថ្ងៃ​ទី​ ២-៣ ខែ​មករា​កន្លង​មក​នេះ យក​មក​ផ្តន្ទា​ទោស និង​សង​ជម្ងឺ​ចិត្ត​ដល់​ជន​រងគ្រោះ​ឲ្យ​បាន​សម​រម្យ។

មួយ​វិញទៀត​សូម​ឲ្យ​រាជរដ្ឋា​ភិបាល​ផ្តល់​ពេល​វេលាឲ្យ​បាន​ពេញ​លេញ​ដល់​សហជីព និង​អង្គការ​ពាក់ព័ន្ធ​ដើម្បី​ពិនិត្យ និង​ផ្តល់​យោបល់​លើ​សេចក្តី​ព្រាង​ច្បាប់​ស្តី​ពី​សហជីព ដើម្បី​ឲ្យ​ច្បាប់​នេះ​ស្របនិង​រដ្ឋធម្មនុញ្ញ ច្បាប់​ស្តី​ពី​ការងារ និង​អនុសញ្ញា​អន្តរជាតិ​ខាង​ការ​ងារ​លេខ​ ៨៧ និង​៩៨។

តំណាង​សហព័ន្ធ​សហជីព​រំពឹង​យ៉ាង​មុត​មាំ​ទេ រដ្ឋា​ភិបាល រដ្ឋ​សភា ព្រឹទ្ធសភា និង​យក​ចិត្ត​ទុក​ដាក់​ដោះ​ស្រាយ​បញ្ហា​ដែល​នៅ​សេសសល់​ខាង​លើ​ ដើម្បី​ឲ្យ​ស្ថាន​ភាព​ក្នុង​វិស័យ​កាត់​ដេរ និង​ស្បែក​ជើង​នៅកម្ពុជា ងាក​មក​រក​ភាព​ប្រក្រតី​ដូច​ដើម​វិញ។

អត្ថបទគួរចាប់អារម្មណ៍