The Phnom Penh Post Search

Search form




Logo of Phnom Penh Post newspaper Phnom Penh Post - សហជីព ៤ ស្នើ​​​ដោះ​ស្រាយ​​​បន្ទាន់​លើ​ការ​តំឡើង​ប្រាក់​ឈ្នួល​កម្មករ

សហជីព ៤ ស្នើ​​​ដោះ​ស្រាយ​​​បន្ទាន់​លើ​ការ​តំឡើង​ប្រាក់​ឈ្នួល​កម្មករ

សហជីព ៤ ស្នើ​​​ដោះ​ស្រាយ​​​បន្ទាន់​លើ​ការ​តំឡើង​ប្រាក់​ឈ្នួល​កម្មករ

IMG_9996
កម្មករដើរក្បួន តវ៉ាសុំតំឡើងប្រាក់ខែពេលកន្លងមក ផា លីណា

ភ្នំពេញៈ សម្ព័ន្ធសហជីពចំនួន ៤ បាន​ដាក់លិខិតស្នើ​ឲ្យ​មានការ​ដោះស្រាយជា​បន្ទាន់លើ​ការ​តំឡើង​ប្រាក់​ឈ្នួល​របស់​កម្មករ​ និង​ប្រាក់​អត្ថប្រយោជន៌​មួយ​ចំនួន​ទៀត​ទៅ​ដល់​សមាគម​រោង​ចក្រ​កាត់​ដេរ​កម្ពុជា​ (GMAC) និង​រាជ​រដ្ឋា​ភិបាល​ដែល​ជា​ស្ថាប័ន​ពាក់​ព័ន្ធ​ នៅ​​ថ្ងៃ​ចន្ទ​នេះ​។

តំណាង​សម្ព័ន្ធ​ទាំង ​៤ ​នេះ​បាន​គំរាម​ធ្វើ​ការ​តវ៉ា​ដ៏​ធំ​មួយទូទាំង​ប្រទេស​ប្រសិន​បើ​គ្មាន​ការ​ដោះ​ស្រាយ​ណា​មួយ​លេច​ចេញ​ជា​រូប​រាង​ទេនោះ។​

លោក​ អាត់​ ធន់ ប្រធាន​សម្ព័ន្ធសហជីពប្រជា​ធិប​តេយ្យ​កម្មករ​កាត់​ដេរ​កម្ពុជា​ (ស៊ី​ខៅ​ឌូ​)​បាន​និយាយ​ក្នុង​សន្និសីទ​កាសែត​ នៅ​​ព្រឹក​ថ្ងៃ​ចន្ទទី ២៥ ខែ​វិច្ឆិកា​នេះ​ថា​ សំណើដែល​សហជីព​បាន​ដាក់​ជូន​ទៅ​សមាគម​កាត់​ដេរ និង​ស្ថាប័ន​រាជ​រដ្ឋា​ភិបាល​មាន​ចំនួន​ ៦​ ចំណុច​​រួម​មាន​ សុំ​តំឡើង​​ប្រាក់​ឈ្នួល​ ១៥៤ ​ដុល្លារ​ ផ្តល់​ប្រាក់​បាយ ​៣ ​ដុល្លារ​ក្នុងមួយ​ថ្ងៃ​ និយោជក​ដាក់​ប្រាក់​អតីត​ភាព​ការងារ​កម្មករ​តម្កល់​ទុក​ក្នុង​រតនាគារ​ជាតិ ​ដើម្បី​បើក​ឲ្យ​កម្មករ​ពេល​ក្រុម​ហ៊ុន​បិទ​ទ្វារ​ បញ្ឈប់​ការ​ប្រើ​ប្រាស់​កិច្ច​សន្យា​ខ្លីៗ​ខុស​ច្បាប់​ បញ្ឈប់​ឲ្យ​មាន​អ្នក​ធំ​ មាន​អំណាច​កាង​ពី​ក្រោយ​ក្រុម​ហ៊ុន និង​សុំ​ឲ្យ​មាន​ការ​ដោះ​ស្រាយ​រឿង​រោងចក្រ​ SL ។​

លោក​បាន​ថ្លែង​ថា​៖ «ប្រសិន​បើ​មិន​ការ​ដោះ​ស្រាយ​លើ​ចំណុច​ដែល​បាន​ស្នើ​សុំ​នេះ​ទេ​ ការ​តវ៉ា​ធំ​ទូ​ទាំង​ប្រទេស​នឹង​កើត​មាន​ក្នុង​ចុង​ខែ​ធ្នូ​នេះ​»។

សហជីព​ទាំង​ ៤ ​នេះ​បាន​ធ្វើ​ការ​ប្រមូល​ស្នាម​មេ​ដៃ ​ដើម្បី​ធ្វើ​ការ​ទាម​ទា​រឲ្យ​មាន​ការ​ដោះ​ស្រាយ​តាម​ការ​ស្នើ​របស់​ពួក​គេ​។

អត្ថបទគួរចាប់អារម្មណ៍