The Phnom Penh Post Search

Search form

Logo of Phnom Penh Post newspaper Phnom Penh Post - អាសាដ​ជំរុញ​ប្រទេស BRICS ជួយ​បញ្ឈប់​ហិង្សា​នៅ​ស៊ីរី




អាសាដ​ជំរុញ​ប្រទេស BRICS ជួយ​បញ្ឈប់​ហិង្សា​នៅ​ស៊ីរី

អាសាដ​ជំរុញ​ប្រទេស BRICS ជួយ​បញ្ឈប់​ហិង្សា​នៅ​ស៊ីរី

SYRIA
SYRIA

ក្រុង​ដាម៉ាសៈ លោក​ប្រធានាធិបតី​ស៊ីរី បាសារ អាល់ អាសាដ​បាន​​ជំរុញ​សមាគមសេដ្ឋប្រជា​ជាតិ​លេចធ្លោ​ដែល​មាន​ប្រេស៊ីល រុស្ស៊ី ឥណ្ឌា ចិន និង​អាហ្វ្រិក​ខាង​ត្បូង​ហៅ​កាត់​ថា BRICS ជួយ​បញ្ឈប់​ហិង្សា​ និង​លុប​បំបាត់​ការ​រង​ទុក្ខ​វេទនា​របស់​ប្រជាជន​ក្នុង​ប្រទេស​​របស់​លោក​ដែលលោក​បាន​ស្តី​បន្ទោស​លើ​ទណ្ឌកម្ម​អន្តរជាតិ​។

ការ​អង្វករ​របស់​លោក​បាន​​កើត​មាន​ឡើង ខណៈ​ពេល​ក្រុម​ឃ្លាំ​មើល​សិទ្ធិ​មនុស្ស​លើក​លែង​ទោស​អន្តរជាតិ​​បានឲ្យ​ដឹង​ថា ពិភព​លោក​គួរ​តែ​ដល់​សម្ពាធ​លើ​ភាគី​ទាំង​អស់​ដែល​ពាក់​ព័ន្ធ​នឹង​ជំលោះ​ដែលបាន​សម្លាប់​មនុស្ស​តាម​ការ​ប៉ាន់​ស្មាន​៧០​ពាន់​នាក់​ចាប់​តាំង​ពី​ខែ​មីនា ឆ្នាំ​២០១១​​ដើម្បី​បញ្ឈប់​ឧក្រិដ្ឋកម្ម​សង្គ្រាម និង​ឧក្រិដ្ឋ​កម្ម​ប្រឆាំង​នឹង​មនុស្ស​ជាតិ​។

លោក​អាសាដ បាន​និយាយ​នៅ​ក្នុង​លិខិត​មួយ​ច្បាប់​ទៅ​លោក​ប្រធានាធិបតីអាហ្វ្រិក​ខាង​ត្បូង ចាខុប ហ្សាម៉ា​ថា ៖«​ខ្ញុំ​សូម​អំពាវ​នាវ​មេដឹកនាំ BRICS ធ្វើ​ការ​រួម​គ្នា​ដើម្បី​បញ្ឈប់​ជា​បន្ទាន់​នូវ​អំពើ​ហិង្សា​ក្នុង​ប្រទេស​ស៊ីរី​ដើម្បី​ធានានូវ​ភាព​ជោគជ័យ​នៃ​ដំណោះ​ស្រាយ​នយោបាយ​»។

សំដី​របស់​លោក​ក្នុង​លិខិត​ដែល​ចេញ​ផ្សាយ​ដោយ​ទី​ភ្នាក់​ងារ​សារព័ត៌មាន​រដ្ឋ​ SANA ថា ៖«ចំណុច​​នេះ​ទាម​ទារឆន្ទៈ​អន្តរជាតិ​ជាក់​ច្បាស់​ដើម្បី​លុប​បំបាត់​ប្រភព​ភារវកម្ម​ និង​កាត់​ផ្តាច់​ហិរញ្ញវត្ថុ​​ និង​ការ​បំពាក់​អាវុធ​​ពួកគេ»។

ប្រជា​ជន​ស្ទើ​តែ​៤​លាន​បាន​ភៀស​ខ្លួន​ទៅ​តាម​តំបន់នានា​ក្នុង​​ប្រទេស​​ស៊ីរី និង​ប្រទេស​ជិត​ខាង​​ក្នុងរយៈ​ពេល​ជាង​ពីរ​ឆ្នាំ​ចុង​ក្រោយ​នេះ ខណៈ​គំនិត​ផ្តួច​ផ្តើម​បះ​បោរ​សន្តិភាព​ហាក់​ដូចជា​នៅ​​​​ឆ្ងាយ​ចំពោះ​សង្គ្រាម​ស៊ីវិល​នៅ​ក្នុង​ប្រទេស​មួយ​ដែល​ថ្មី​ៗ​កាន់​តែ​បង្ហូរ​ឈាម​ខ្លាំង​ឡើយ​។​

អត្ថបទគួរចាប់អារម្មណ៍