The Phnom Penh Post Search

Search form




Logo of Phnom Penh Post newspaper Phnom Penh Post - ឧទ្ធរណ៍​សម្រេច​មិន​ធ្វើ​បត្យាប័ត​សេដ្ឋី​រុស្ស៊ី និង​បញ្ជា​ឲ្យ​ដោះ​លែង

ឧទ្ធរណ៍​សម្រេច​មិន​ធ្វើ​បត្យាប័ត​សេដ្ឋី​រុស្ស៊ី និង​បញ្ជា​ឲ្យ​ដោះ​លែង

ឧទ្ធរណ៍​សម្រេច​មិន​ធ្វើ​បត្យាប័ត​សេដ្ឋី​រុស្ស៊ី និង​បញ្ជា​ឲ្យ​ដោះ​លែង

Mr.-Sergei-Polonshy
មហាសេដ្ឋីរុស្ស៊ីខាងអចលនទ្រព្យឈ្មោះ Sergei Polonsky ពេលនាំឡើងសាលាឧទ្ធរណ៍នៅព្រឹកនេះ ហុង មិនា

ភ្នំពេញៈ សាលា​ឧទ្ធរណ៍​នៅ​ព្រឹក​ថ្ងៃ​ចន្ទ​នេះ បាន​បដិសេធ​ធ្វើ​បត្យាប័ន មហា​សេដ្ឋី​រុស្ស៊ី​ខាង​អចលន​ទ្រព្យ​ឈ្មោះ Sergei Polonsky និង​បាន​បញ្ជា​ឲ្យ​មាន​ការ​ដោះ​លែង​សេដ្ឋី​រុស្ស៊ី​រូប​នេះ​ពី​ពន្ធនាគារ​ភ្លាមៗ។

លោក បែន សុនសម័យ មេធាវី​ការពារ​ក្ដី​មួយ​រូប​របស់​លោក Polonsky បាន​ថ្លែង​​​ថា តុលាការ​បាន​សម្រេច​មិន​ធ្វើ​​បត្យាប័ន Sergei Polonsky ទៅ​ប្រទេស​រុស្ស៊ី​ទេ និង​បាន​បញ្ជា​ឲ្យ​មាន​ការ​ដោះ​លែង​ពី​ពន្ធនាគារ ប៉ុន្តែ Sergei Polonsky នៅ​តែ​ប្រឈម​មុខ​នឹង​បទ​ចោទ​របស់​សាលា​ដំបូង​ខេត្ត​ព្រះ​សីហនុ​ដដែល។

លោក Polonsky ដែល​ជា​ម្ចាស់​កោះ ដែក​គោល នៅ​សមុទ្រ ក្រុង ព្រះ​សីហនុ បាន​និយាយ ថា គាត់​ត្រូវ​បាន​អាជ្ញាធរ​កម្ពុជា​ចាប់​ខ្លួន​កាល​ពី​ដើម​ឆ្នាំ​មុន​បន្ទាប់​ ពី​គាត់​បាន​ប្រើ​អំពើ​ហិង្សា​ទៅ​លើ​អ្នក​បើក​ទូក​ចំនួន ៦នាក់។ គាត់​ត្រូវ​បាន​តុលាការ​ធ្វើ​ការ​ចោទ​ប្រកាន់​ពីបទ​ប្រើ​អំពើ​ហិង្សា​ដោយ​ ចេតនា និង​ការ​ឃុំ​ខ្លួន​ខុស​ច្បាប់។

លោក សុនសម័យ បាន​បញ្ជាក់​ថា «លោក Polonsky មិន​អាច​ធ្វើ បត្យាប័ន​ទៅ​ប្រទេស​រុស្ស៊ី​បាន​ទេ​នៅ​ពេល​នេះ, គាត់​ត្រូវ​នៅ​កម្ពុជា។ គាត់​បាន​ដាក់​ទុន​វិនិយោគ​នៅ​កម្ពុជា​រាប់​លាន​ដុល្លារ ហើយ​មិន​ដែល​បាន​ប្រព្រឹត្ត​បទ​ឧក្រិដ្ឋ​នៅ​កន្លែង​ណា​ឡើយ»។

លោ​មេធាវី​បាន​បន្ត​ថា «គាត់​គឺជា​សប្បុរស​ជន មិន​មែន​ជា​ឧក្រិដ្ឋ​ជន​ទេ។ ខ្ញុំ​នឹង​រក​ប្រពន្ធ​ម្នាក់​ឲ្យ​គាត់»។

សូមបញ្ជាក់ថា ចៅក្រម​តុលាការ​ខេត្ត ព្រះ​សីហនុ បាន​ដោះលែង​គាត់​ឲ្យ​នៅ ក្រៅ​ឃុំ​បន្ទាប់​ពី​បាន​ជាប់​គុក​រយៈ​ពេល​ពីរ​បី​ខែ ហើយ​បាន​ចាប់​ខ្លួន​គាត់​ម្ដង​ទៀត​បន្ទាប់​ពី​អាជ្ញាធរ​រុស្ស៊ី​បាន​ស្នើ​ ឲ្យ​ធ្វើ​បត្យាប័ន​រូប​គាត់។

សូមរង់ចាំអានព័ត៌មានពិស្តារក្នុងកាសែតភ្នំពេញប៉ុស្តិ៍

អត្ថបទគួរចាប់អារម្មណ៍