The Phnom Penh Post Search

Search form

Logo of Phnom Penh Post newspaper Phnom Penh Post - ៩ខែ​ឆ្នាំ​នេះ ​អ្នក​ស្លាប់​ដោយ​​​ជម្ងឺ​គ្រុន​ចាញ់​ថយ​ចុះ ៨០%

៩ខែ​ឆ្នាំ​នេះ ​អ្នក​ស្លាប់​ដោយ​​​ជម្ងឺ​គ្រុន​ចាញ់​ថយ​ចុះ ៨០%

៩ខែ​ឆ្នាំ​នេះ ​អ្នក​ស្លាប់​ដោយ​​​ជម្ងឺ​គ្រុន​ចាញ់​ថយ​ចុះ ៨០%

mosquito
មូសដែកគោល ដែលជាភ្នាក់ងារចម្លងជម្ងឺគ្រុនចាញ់ AFP

ភ្នំពេញៈ អត្រា​អ្នក​ស្លាប់​ដោយ​សារ​ជម្ងឺ​គ្រុន​ចាញ់​ក្នុង​រយៈ​ពេល​ ៩ ​ខែ​ឆ្នាំ ​២០១៣ ​នេះ​មាន​ការ​ថយ​ចុះ​ច្រើន​បើ​ប្រៀប​ធៀប​ទៅ​នឹង​រយៈ​ពេល​ដូចគ្នា​កាល​ពី​ឆ្នាំ ​២០១​២​។ ​នេះ​បើ​យោង​តាម​របាយ​​ការណ៌​​របស់​​មជ្ឈម​ណ្ឌល​ជាតិ​ប្រយុទ្ធ​នឹង​ជម្ងឺ​គ្រុន​ចាញ់​។

លោក​វេជ្ជ​បណ្ឌិត​ ច​ ម៉េង​ចួ​ ប្រធាន​មជ្ឈ​មណ្ឌល​ជាតិ​ប្រយុទ្ធ​នឹង​ជម្ងឺ​គ្រុនចាញ់​ ប៉ារ៉ា​ស៊ីត​សាស្ត្រ​-បាណក​សាស្ត្រ​នៃ​ក្រសួង​សុខា​ភិបាល​បាន​ឲ្យ​ដឹងថា​ អ្នក​ស្លាប់​ដោយ​សារ​ជម្ងឺគ្រុន​ចាញ់ក្នុងរយៈពេល ៩ខែ នេះមានចំនួន ៧ នាក់ គឺមានការថយចុះ៨០% ដែលកាល​ពី​ឆ្នាំ​ ២០១២ ​ក្នុង​រយៈ​ពេល​ដូច​គ្នា​ដែរ​នោះ​គឺ​មាន​អ្នក​ស្លាប់​រហូត​ដល់​ ៣៥ នាក់​។

លោក​បាន​ឲ្យ​ដឹង​ទៀត​ថា​រយៈ​ពេល​នេះ​ចំនួន​ករណី​គ្រុនចាញ់​ដែល​ព្យាបាល​នៅ​មន្ទី​រពេទ្យ​រដ្ឋ​ ឬមណ្ឌល​សុខភាព​រដ្ឋ​ ឬ​ភ្នាក់​ងារ​ស្ម័គ្រ​ចិត្ត​ភូមិ​មាន​ចំនួន​ ២៩,​៦៣១ ​ករណី​ គឺ​ថយ​ចុះ ​៤៦% ​បើ​ប្រៀប​ធៀប​រយៈ​ពេល​ដូចគ្នា​ឆ្នាំ​២០១២ ​ដែលមាន​ចំនួន​ ៥៤,​៤៦៤ ​ករណី។

លោក​វេជ្ជ​បណ្ឌិត​ ច ម៉េង​ចួ ​បាន​ថ្លែង​ថា៖ ​«នេះ​មានន័យ​ថា​ ជម្ងឺ​គ្រុនចាញ់​លែង​ជា​មូលហេតុ​ចំបង​នៃ​ការ​ស្លាប់​ទូទៅ​របស់​ប្រជាជន​កម្ពុជា​ទៀត​ហើយ​ ប៉ុន្តែ​ការ​ថយ​ចុះ​នេះ​មិន​មែន​ជា​សារ​មួយ​ទាក់ទាញ​ឲ្យ​យើង​បន្ធូ​របន្ថយ​ការ​ធ្វើ​អន្តរាគមន៌​ដែល​យើង​កំពុង​ធ្វើ​នេះ​ទេ​ បើ​ពុំ​នោះ​ទេ​ អត្រា​ឈឺ​ និង​ស្លាប់​ នឹង​អាច​កើន​ឡើង​វិញ​ភ្លាម​»។

លោក​បាន​ធ្វើ​ការ​ណែ​នាំ​ឲ្យ​ប្រជាពល​រដ្ឋ​ធ្វើ​ការ​ការ​ពារ​ខ្លូន​ពី​ជម្ងឺ​គ្រុន​ចាញ់​ដោយ​សំរាន្ត​ក្នុង​មុង​ការពារ​មូស​ខាំ បើ​អ្នក​មាន​សញ្ញា​ក្តៅ​ខ្លួនពេល​នៅ​តំបន់​គ្រុន​ចាញ់​ ឬពេល​ទើប​នឹង​មក​ពី​តំបន់​គ្រុន​ចាញ់​អ្នក​ត្រូវ​តែ​ប្រញាប់​ទៅ​ជួស​ឈាម​មើល​មេ​រោគ​ដោយ​ភ្នាក់​ងារ​ស្ម័គ្រ​ចិត្ត​ភូមិ​ ឬ​នៅ​មណ្ឌល​សុខភាព​ដែល​នៅ​ជិត​អ្នក​ជាងងគេ​ភ្លាម​ៗ៕

អត្ថបទគួរចាប់អារម្មណ៍