The Phnom Penh Post Search

Search form

Logo of Phnom Penh Post newspaper Phnom Penh Post - ៩ ​ខែ ​ដើម​ឆ្នាំ ​អ្នក​ស្លាប់​ដោយ​ជម្ងឺ​គ្រុន​ឈាម​ធ្លាក់​ចុះ​៧១%

៩ ​ខែ ​ដើម​ឆ្នាំ ​អ្នក​ស្លាប់​ដោយ​ជម្ងឺ​គ្រុន​ឈាម​ធ្លាក់​ចុះ​៧១%

៩ ​ខែ ​ដើម​ឆ្នាំ ​អ្នក​ស្លាប់​ដោយ​ជម្ងឺ​គ្រុន​ឈាម​ធ្លាក់​ចុះ​៧១%

Dengue-fever
Dengue-fever

ភ្នំពេញៈ មន្ត្រី​នៃ​ក្រសួង​សុខា​ភិបាល​បាន​ឲ្យ​ដឹងថា​ អត្រា​នៃ​អ្នក​ស្លាប់​ដោយសារ​ជម្ងឺ​គ្រុន​ឈាម​នៅ​ទូទាំង​ប្រទេស​កម្ពុជា​ក្នុង​រយៈ​ពេល​ ៩ ​ខែ ​ដើម​ឆ្នាំ ​២០១៣​​នេះ ​មាន​ការ​ថយចុះ​ច្រើន​គួរ​ឲ្យ​កត់​សំគាល់​ បើ​ប្រៀប​ធៀប​ទៅ​នឹង​រយៈ​ពេល​ដូច​គ្នា​ទៅ​នឹង​ឆ្នាំ​មុន​។

លោក​វេជ្ជ​បណ្ឌិត​ ច​ ម៉េង​ចួ​ ប្រធាន​មជ្ឈ​មណ្ឌល​ជាតិ​ប្រយុទ្ធ​នឹង​ជម្ងឺ​គ្រុនចាញ់​ ប៉ារ៉ា​ស៊ីត​សាស្ត្រ​-បាណក​សាស្ត្រ​នៃ​ក្រសួង​សុខា​ភិបាល​បាន​ឲ្យ​ដឹងថា​ ចំនួន​អ្នក​ស្លាប់​ដោយសារ​ជម្ងឺ​គ្រុន​ឈាម​នៅ​កម្ពុជា​ក្នុង​រយៈ​ពេល​ ៩​ខែ ​ដើម​ឆ្នាំ​២០១៣​ នេះ​មាន​ចំនួន ​៤៥ ​នាក់​ គឺ​មាន​ការ​ថយ​ចុះ​៧១%​ បើ​ប្រៀប​ធៀប​រយៈ​ពេល​ដូចគ្នា​ទៅ​នឹង​ឆ្នាំ​២០១២​ ដែល​មាន​អ្នក​ស្លាប់​ចំនួន ​១៥៧​ នាក់​។

លោក​បាន​ថ្លែង​ថា​៖«​ចំពោះ​ចំនួន​ករណី​អ្នក​ជម្ងឺ​ក្នុង​រយៈ​ពេល​នេះ​ដែរ​មាន​ចំនួន ​១៥,១៩៣ ​នាក់​ គឺ​មាន​ការថយ​ចុះ​ ៥៩%​ បើ​ប្រៀប​ធៀប​រយៈ​ពេល​ដូចគ្នា​នៅ​ឆ្នាំ​ ២០១២ ​ដែល​មាន​អ្នក​ជម្ងឺ​ចំនួន ​៣៦,៩៥៨​ នាក់​»។

គួរកត់​សំគាល់​ដែរ​ថា​ខេត្ត​ដែល​មាន​អត្រា​អ្នក​ឈឺ​ខ្ពស់​គឺ​ភាគ​ច្រើន​ខេត្ត​ដែល​នៅ​ជាប់ ឬ​ជិត​ព្រំ​ ដែន​ថៃ​។​ ទោះ​បី​ជា​យ៉ាង​ណាក៏​យើង​នៅតែ​ត្រូវបន្ត​ប្រុង​ប្រយ័ត្ន​ជានិច្ច​ដោយ​ទោះ គ្មាន​សញ្ញា​ផ្ទុះ​រាតត្បាត​ទូទាំង​ប្រទេស​ក៏ដោយ​ ព្រោះ​ស្ថានភាព​គ្រុនឈាម​ក៏​យើង​ត្រូវ​ប្រុង​ប្រយ័ត្ន​ដោយ​យើង​កំពុង​ប្រឈម​នឹង​កត្តា​ពីរ​គឺ​ប្រទេស​កំពុង​ជួបប្រទះ​នឹង​គ្រោះ​ទឹក​ជំនន់ និង​ក្នុងតំបន់​អាស៊ី​អាគ្នេយ៌​ ស្ថានភាព​គ្រុនឈាន​ឆ្នាំ​នេះមាន​សភាព​ការណ៌​អាក្រក់​ជាង​ឆ្នាំ​មុនៗ​យ៉ាង​ច្រើន​គួរ​ឲ្យ​បារម្ភ​។

លោក​រដ្ឋមន្រ្តី​ក្រសួង​សុខា​ភិបាល​បាន​មាន​ប្រសាសន៌​ផ្តាំផ្ញើ​ដល់​ប្រជាពលរដ្ឋ​ទាំងអស់​ ជា​ពិសេស​ប្រជា​ពលរដ្ឋ​ដែល​រងគ្រោះ​ដោយ​ទឹកជំនន់​ឲ្យ​មាន​ការ​ប្រុង​ប្រយ័ត្ន​អំពី​ការ​ធ្វើ​អនាម័យ​ និង​ត្រូវ​សំរាន្ត​​ក្នុង​មុង​។

លោក​បាន​ថ្លែង​ថា​៖«ខ្ញុំ​យល់​ថា​ គ្រោះ​ទឹកជំនន់​អាច​បន្សល់​ទុក​ហានិយ​ភ័យ​ នូវ​សត្វ​មូស​។ ពេល​ទឹក​ស្រក​ទៅ​វិញ​ ត្រូវ​ធ្វើការ​សំអាត​ និង​បង្ហូរ​ទឹក​ចេញ​ឲ្យ​បាន​ឆាប់​តាម​លំនៅ​ឋាន​រៀងៗ​ខ្លួន​ទើប​មាន​ប្រសិទ្ធិភាព​ ចំណែក​ការ​ដាក់​ថ្នាំ​អាបែត​តាម​ថ្លុក​ជា​ការ​លំបាក​ដោយ​វិសាល​ភាព​ធំធេង​ពេក​»៕

អត្ថបទគួរចាប់អារម្មណ៍