The Phnom Penh Post Search

Search form




Logo of Phnom Penh Post newspaper Phnom Penh Post - ​សភា​លីប៊ី​បោះ​ឆ្នោត​ហាម ​អតីត​មន្ត្រី​របប​កាដាហ្វី​កាន់​តំណែង

​សភា​លីប៊ី​បោះ​ឆ្នោត​ហាម ​អតីត​មន្ត្រី​របប​កាដាហ្វី​កាន់​តំណែង

​សភា​លីប៊ី​បោះ​ឆ្នោត​ហាម ​អតីត​មន្ត្រី​របប​កាដាហ្វី​កាន់​តំណែង

libya
libya

ក្រុង​ទ្រីប៉ូលីៈ សភា​លីប៊ី​​កាល​ពី​ថ្ងៃ​អាទិត្យ​បាន​បោះ​ឆ្នោត​ហាម​ប្រាម​អ្នក​​ដែល​​ធ្លាប់​កាន់​តំណែង​ជាន់​ខ្ពស់​​​នៅ​ក្នុងអំឡុង​ការ​​គ្រប់​​គ្រង​៤២​ឆ្នាំ​របស់​ លោក​​​មួម៉ារ កាដាហ្វី​ពី​រដ្ឋា​ភិ​បាល ​ជាទង្វើ​​​មួយ​ ដែល​អាចដក​តំណែង​​​នាយក​រដ្ឋ​មន្ត្រី និង​មន្ត្រី​កំពូល​ជាច្រើនទៀត​​ ដោយ​មិន​ខ្វល់​ពី​តួនាទី​របស់​ពួក គេ​ក្នុង​ការផ្​ដួល​រលំ​ជន​​ផ្តាច់​ការ​រូប​នោះ​ទេ។​

ក្រុម​អ្នក​នយោបាយ​បាន​​​ដេញ​ ដោល​​គ្នា​លើ​​សេចក្តី​ព្រាង​ច្បាប់​នេះ​អស់​​ពេល​ជា​ច្រើន​ខែហើយ ប៉ុន្តែ​​បញ្ហា​នេះ​​ទើប​តែ​សម្រេច​​​ក្នុង​​សប្តាហ៍​នេះ​​នៅ​ពេល​ក្រុមប្រដាប់​អាវុធ​​ធុន​ធ្ងន់​ បាន​ចូល​គ្រប់គ្រង​ក្រសួង​ពីរ និង​បាន​វាយ​ឆ្មក់​ចូល​ស្ថាប័ន​ច្រើន​​ទៀត​ ក្នុង​នោះ​មាន​ទាំងវិទ្យុ-ទូរទស្សន៍​រដ្ឋ​។

ការ​សម្រេចចិត្ត​​​ធ្វើ​​ការ​បោះ​ឆ្នោត​ក្រោម​ការ​បង្ខិត​​បង្ខំ​នេះ​​​​អាច​​ធ្វើ​ឲ្យ​ក្រុម​​ប្រដាប់​អាវុធនេះ កាន់​តែ​​ហ៊ាន​ប្រើ​កម្លាំង​​​ម្តង​ទៀត​​ដើម្បី​បញ្ជាក់​ពី​ឆន្ទៈ​របស់​ពួក​គេ​លើរដ្ឋសភា។

លោក​នាយក​រដ្ឋ​មន្ត្រី អាលី ហ្សៃដាន អ្នក​ការទូត​ម្នាក់​ក្រោម​របបលោកកាដាហ្វី​ដែល​ផ្តាច់​ខ្លួន​ចូល​ជាមួយ​ក្រុម​​ប្រឆាំង​​និរទេស​ក្នុង​ឆ្នាំ​១៩៨០​អាច​ស្ថិត​ក្នុង ​ចំណោម​អ្នក​ដែល​ត្រូវ​បញ្ឈប់​ពី​​តំណែង​ ថ្វី​បើ​​ប្រការ​នេះ​មិន​ទាន់​ច្បាស់​ក្តី​ ហើយ​អ្នក​នាំ​ពាក្យ​សភា​បាន​និយាយ​ថា វា​អាច​ត្រូវ​បាន​សម្រេច​ដោយ​គណៈកម្មាធិការ​ទទួល​បន្ទុកការ​អនុវត្ត​ច្បាប់​។

មនុស្ស​ម្នាក់​ក្នុង​ចំណោម​​រាប់​រយ​នាក់​ដែល​​ចូ​លរួម​​អបអរការ​​អនុ​ម័តច្បាប់នេះ ​ដែលភាគ​ច្រើន​ បាញ់​កាំភ្លើងឡើង​លើ​បាន​ស្រែក​ថា៖ ​«​អយុត្តិ​ធម៌​មនុស្ស​ខ្លះ វា​ប្រសើរ​ជាជាង​ការ​ផ្តួល​រលំ​គោលបំ​ណង​​ច្បាប់​ទាំង​មូល​»​។

ជិត​ពីរ​ឆ្នាំ​បន្ទាប់​ពីលោក​កាដា ហ្វី​ត្រូវ​ផ្ដួល​រលំ ខ្មាន់កាំភ្លើង​​ដែល​បានប្រយុទ្ធ​​​ដើម្បី​​បញ្ចប់របប​ផ្តាច់​ ការ​៤២​ឆ្នាំ កំពុង​បដិសេធ​​មិន​ដាក់​អាវុធ​ទេ និង​វិល​ទៅ​រក​ជីវិត​ស៊ីវិល​​វិញ​ នៅ​ក្នុង​រដ្ឋ​ធានី​នេះ កង​ជីវពល​គេ​ឃើញ​ច្បាស់​ជាង​កម្លាំង​រដ្ឋាភិ​បាល​៕ AFP/CC

អត្ថបទគួរចាប់អារម្មណ៍