អ្នកលក់ស៊ីមកាតបង្ហាញស៊ីមកាត Hello និង Smart នៅកោះពេជ្រ
ក្រុងភ្នំពេញៈ ក្រុមហ៊ុន Hello Axiata Company Limited (Hello) ដែលជាក្រុមហ៊ុនបុត្រសម្ព័ន្ធមួយរបស់ក្រុមហ៊ុន Axiata Group Berhad នៅថ្ងៃនេះ បានប្រកាសពីការច្របាច់បញ្ចូលគ្នាជាយុទ្ធសាស្ត្រមួយជាមួយក្រុមហ៊ុន Latelz Company Limited (Smart Mobile) ក្រោមកិច្ចព្រមព្រៀងគិតជាទឹកប្រាក់ចំនួន ១៥៥លានដុល្លារ។
ការប្របាច់ប្រមូលគ្នានេះ នឹងធ្វើឲ្យក្រុមហ៊ុននេះក្លាយជាក្រុមហ៊ុនប្រតិបត្តិករទូស័ព្ទធំជាងគេទីពីរបន្ទាប់ពីក្រុមហ៊ុន Metfone នៅក្នុងប្រទេសកម្ពុជា បើគិតតាមចំនួនអតិថិជន។
អគ្គនាយកក្រុមហ៊ុន Hello លោក Simon Perkins បានប្រាប់ភ្នំពេញប៉ុស្តិ៍នៅថ្ងៃនេះថា កិច្ចព្រមព្រៀងបានធ្វើឡើងនៅថ្ងៃនេះ ខណៈក្រុមហ៊ុនទាំងពីរបានពិភាក្សាគ្នាជាច្រើនលើក៕ KC
