The Phnom Penh Post Search

Search form

Logo of Phnom Penh Post newspaper Phnom Penh Post - កង្កែប​អាំង​អំបិល​ម្ទេស​រសជាតិ​ឆ្ងាញ់ប្លែក​ពីហាង The Street




កង្កែប​អាំង​អំបិល​ម្ទេស​រសជាតិ​ឆ្ងាញ់ប្លែក​ពីហាង The Street

Content image - Phnom Penh Post
កង្កែប​ប្រឡាក់​អំបិល​ម្ទេស​អាំង​នៅ​ហាង The Street​​។ ឈឹម ស្រីនាង

កង្កែប​អាំង​អំបិល​ម្ទេស​រសជាតិ​ឆ្ងាញ់ប្លែក​ពីហាង The Street

ភ្នំពេញ: កង្កែប​ប្រឡាក់​អំបិល​ម្ទេស​អាំង នៅ​តែជា​អាហារ​ពេញនិយម​ ពិសេស​សម្រាប់​ក្លែម ​មិនថា​នៅតាម​ខេត្ត​ ឬក៏​នៅ​ទីក្រុង ហាង​នីមួយៗ​មិន​ដែល​រំលង​មុខម្ហូប​មួយ​មុខនេះ​ទេ។

ទន្ទឹមនឹង​នោះដែរ ហាង The Street ដែលជា​ហាង​លក់​នូវចំណី​ចំណុក​តាម​ចិញ្ចើមថ្នល់ ក៏បាន​យកកង្កែប​មក​ច្នៃ​ធ្វើអាហារ​បន្ថែម​នៅក្នុង​ហាង​របស់ខ្លួន​ដែរ។

កង្កែបអាំង​អំបិលម្ទេស គេ​ចម្អិន​ដោយយក​កង្កែប​ស្រស់​ធ្វើលាង​ទឹក​ឲ្យ​ស្អាត បកស្បែក​ចេញ រួច​យកទៅ​ប្រឡាក់​គ្រឿងផ្សំ ដូចជា អំបិល ម្សៅ​ស៊ុប និង​ម្ទេស​បុក រួច​ផ្អាប់ទុក​ឲ្យ​ចូល ជាតិ ទើបយកទៅ​អាំង ដោយ​ប្រើ​ភ្លើង ល្មមៗកុំឲ្យ​ខ្លោច​។ គេច្រើន​ញ៉ាំ​វា​ជ្រលក់​ជាមួយ​ទឹក​ម្រេច​ក្រូចឆ្មារ​ដាក់​ស្លឹកខ្ទឹមឈ្ងុយ និង​ម្ទេសក្រហម​​រឹតតែ​ហឹរ​ឆ្ងាញ់​ជាប់មាត់។

ក្រៅពី​កង្កែប​អាំង​អំបិលម្ទេស The Street គឺ​នៅតែ​ពង្រឹង​រសជាតិ​ដើម​របស់ខ្លួន​ដោយ​តែងតែ​ច្នៃ​នូវមុខ​ម្ហូប​ថ្មីៗបន្ថែម​ដូចជា ប្រហិត​ត្រីរុំ​ស្លឹក​ក្រូច​បំពង ប្រហិត​ត្រីរុំស្លឹកគ្រៃ​បំពង ព្រុយ​ត្រី​សាលម៉ុន​ប្រឡាក់​អំបិលម្ទេស​អាំង​ប្រហិត​ភ្នំភ្លើង​ទឹកកក ជើងមាន់​ហោះ ផ្សិត​ខ្មៅ​ញាត់​ប្រហិត​ត្រី​បំពង សាច់​ជ្រូកអាំង​ចង្កាក់ ជើងមាន់​បំពង​ខ្ទឹមស ឆ្អឹងជំនីរ​បំពង​ខ្ទឹមស ជាពិសេស​មុខ​ម្ហូប​ប្រចាំ​ហាង​តែម្តង​គឺ ជើងមាន់​ឆ្អឹង​ជំនីរ​ជ្រូក​បំពង ស្រួយខ្ញោក​ដល់​ឆ្អឹង និង​អាហារជាច្រើន​មុខទៀត។

The Street មាន​អាសយដ្ឋាន​ផ្ទះ​លេខ ២០២ ផ្លូវ ១៤៣ សង្កាត់​បឹង​កេងកង ២ ខណ្ឌចំការមន​ទំនាក់ទំនង​ទូរស័ព្ទ​ ០៩៣២១៦៥៦៦៕

អត្ថបទគួរចាប់អារម្មណ៍