The Phnom Penh Post Search

Search form




Logo of Phnom Penh Post newspaper Phnom Penh Post - ការី​ក្បាល​ត្រី​រសជាតិ​អ្នក​កំពត ​ពីហាង​អ៊ុយ​គុយទាវ​បឹង​កេងកង




ការី​ក្បាល​ត្រី​រសជាតិ​អ្នក​កំពត ​ពីហាង​អ៊ុយ​គុយទាវ​បឹង​កេងកង

Content image - Phnom Penh Post
ការីក្បាលត្រី​រសជាតិ​អ្នក​កំពត​អាច​ញ៉ាំ​ជាមួយ​បាយ ឬ​នំ​បញ្ចុក។ រូប សហការី

ការី​ក្បាល​ត្រី​រសជាតិ​អ្នក​កំពត ​ពីហាង​អ៊ុយ​គុយទាវ​បឹង​កេងកង

ភ្នំពេញ: អ៊ុយ គុយទាវ គឺជា​ភោជនីយដ្ឋាន​មួយ​ដែល​បង្កើត​ឡើង​ដោយ​មេចុងភៅ​ចំណាន​ប្រចាំ​ប្រទេស​កម្ពុជា​គឺ​លោក លូ ម៉េង ដោយ​មាន​ច្រើន​សាខា​នៅ​ទីក្រុង​ភ្នំពេញ រហូត​មកដល់​បច្ចុប្បន្ន​នេះ អ៊ុយ គុយទាវ បាន​ពង្រីក​សាខា​មួយ​ដ៏ធំ​នៅ​បឹងកេងកង។

អ៊ុយ​គុយទាវ បឹង​កេងកង​នេះ​កាន់តែ​លេច​ធ្លោ​នៅ​ត្រង់​ថា អគារ​នេះ​គឺជា​អគារ​ចាស់​បុរាណ​សង់​តាំងពី​ឆ្នាំ ១៩៦០ ច្នៃ​ជា​អក្សរ V ជា​សា្នដៃ​របស់​លោក វណ្ណ មូលីវណ្ណ។

រចនាប័ទ្ម​ទាំងមូល​របស់​អគារ​ត្រូវបាន​រក្សាទុក​នៅ​ដដែល​ដោយ​បន្ថែម​បណ្ណាល័យ​តូច​មួយ​សម្រាប់​ដាក់​តាំង​រូបថត​អគារ​ចាស់ៗ និង​មាន​ការដាំ​កូនឈើ​ជាង ១ពាន់​ដើម​ជុំវិញ​អគារ​ហាង​ផងដែរ។

ដោយសារ​ទីតាំង​នេះ​ទូលាយ​ធំ មាន​សួនច្បារ ខុសគ្នា​ពីហាង​អ៊ុយ គុយទាវ សាខា​ផ្សេង​ទៀត ហាង​នេះ​មាន​បន្ថែម​ម្ហូប​ខ្មែរ​ពិសេស​ជាច្រើន​ដូចជា ត្រីអាំង សម្លកកូរ​ត្នោត ដែល​អាច​ញុំា​ជាមួយ​នំ​បញ្ចុក និង​ទឹក​អម្ពិល​ទុំ សាច់គោ​ស្តេក​របស់​ខ្មែរ​យើង​ដោយ​យក​សាច់គោ​មក​ប្រឡាក់​គ្រឿង​បុក សាច់មាន់​អាំង​ជ្រលក់​ទឹកប្រហុក និង​ការី​ក្បាល​ត្រី​រសជាតិ​អ្នក​កំពត​ដែល​ត្រូវ​បាន​ចម្អិន​ជាមួយ​ទឹកដូង និង​ពោត​បារាំង​សម្រាប់​ញ៉ាំ​ជាមួយ​បាយ ឬ​នំបញ្ចុក​ក៏បាន។

សាខាថ្មី​នេះ​មាន​បម្រើ​គុយទាវ​តាំង​ពីព្រឹក​រហូតដល់​ម៉ោង ១០ យប់​ដូចជា​គុយទាវ​ភ្នំពេញ គុយទាវ​ស៊ុប​សាច់គោ គុយទាវ​ខគោ និង​បាយ​សាច់មាន់់។

ភោជនីយដ្ឋាន អ៊ុយ គុយទាវ ស្ថិត​នៅ​ផ្ទះ​លេខ ៤៦ ផ្លូវ ៣៥២ សង្កាត់​បឹង​កេងកង ១ ទំនាក់​ទំនង​ទូរស័ព្ទ​លេខ ០៧៧ ៨១៣ ៧៧៧៕

អត្ថបទគួរចាប់អារម្មណ៍