The Phnom Penh Post Search

Search form




Logo of Phnom Penh Post newspaper Phnom Penh Post - ការីខាប់​ឆ្ងាញ់​ប្លែក​ ញ៉ាំ​ហើយ​ជាប់ចិត្ត ស្នាដៃ​ចុងភៅ​ល្បីពី​សៀមរាប




ការីខាប់​ឆ្ងាញ់​ប្លែក​ ញ៉ាំ​ហើយ​ជាប់ចិត្ត ស្នាដៃ​ចុងភៅ​ល្បីពី​សៀមរាប

Content image - Phnom Penh Post
ម្ហូបស្រុកស្រែ​មានមាន់ ត្រី កង្កែប​ ពងទាស្រែ និង​បន្លែ​ដាំក្បែរ​ផ្ទះ។ ហុង មិនា

ការីខាប់​ឆ្ងាញ់​ប្លែក​ ញ៉ាំ​ហើយ​ជាប់ចិត្ត ស្នាដៃ​ចុងភៅ​ល្បីពី​សៀមរាប

សៀមរាប: មិនខុស​ពីស្លាក​ឈ្មោះ របស់ខ្លួន​នោះឡើយ​ភោជនីយដ្ឋាន «ចុងភៅ​ខ្មែរ» ទាំង​ការតុបតែង និង​រសជាតិ​ម្ហូបម្ហា​សុទ្ធតែ​ប្រកាន់​តាម​រូបមន្ត​ផ្ទះបាយ​ខ្មែរយ៉ាង​ខ្ជាប់ខ្ជួន។

ថ្លែងពី​លក្ខណសម្បត្តិ​ពិសេស​របស់​ហាង​លោក អេង អ៊ីម ជាថៅកែ និង​ចុងភៅ​ផ្ទាល់​នៅទី​នោះបាន​លើកឡើង​ថា៖ «ចំពោះ​ម្ហូប​ខ្មែរ​បច្ចុប្បន្ន​ហ្នឹង​វាមាន​លក្ខណៈ​ក្លាយ​ហើយ។ អ៊ីចឹង​ហើយ​បានជា​ខ្ញុំសម្រេចចិត្ត​បើកហាង​របៀបខ្មែរ​ដ៏សាមញ្ញ​មួយ​នេះ ដើម្បី​ផ្សព្វផ្សាយ​ពីម្ហូប​ខ្មែរ»។

ចុងភៅ​ល្បី​ប្រចាំ​ទឹកដី​សៀមរាប​អង្គរ​រូបនេះ​បានបញ្ជាក់​ទៀតថា៖ «ខ្ញុំមិន​ខ្លាច​បរទេស​មិនហ៊ាន​ញ៉ាំ​ម្ហូបខ្មែរ​យើង​ទេ គឺ​ខ្ញុំជំរុញ​ឲ្យគាត់​ញ៉ាំ​រសជាតិ​ខ្មែរ​យើង​ពិតតែម្ដង»។

នៅហាង «ចុងភៅ​ខ្មែរ» មាន​ម្ហូប​ដូចជា ត្រីដុត​អំបិល ពោះ​តាន់ម៉ាំ​ឆៅ ២៥០០០ រៀល បុកក្រសាំង​ត្រីអាំង ១៥០០០ រៀល សម្លម្ជូរ​ត្រកួន​កូន​ត្រីស្រែ ១៦០០០ រៀល សម្លម្ជូរគ្រឿង​សាច់គោ ១៦០០០ រៀល ការី​មាន់​ដំឡូងជ្វា​ខ្ទឹមបារាំង​សណ្ដែកកួរ ២ ម៉ឺនរៀល ម្ជូរត្រី​ឆ្ពិនស្លឹករមៀត ១៦០០០ រៀល ចៀនជួន​ត្រីតាអោន ២៨០០០ រៀល និង​មាន់ដុត​ទឹកប្រហុក​អង្ក្រង​អន្លក់ស្រស់ ៤ ម៉ឺនរៀល។

ចំពោះ​សម្លការី​ដំឡូងជ្វា​ខ្ទឹមបារាំង​សណ្ដែកកួរ ជា​ប្រភេទ​សម្ល​បែបខាប់​ខុសពី​ការីទូទៅ។ សម្លបែប​ខាប់​ដូច្នេះ បើ​បាន​ទទួលទាន​ជាមួយ​បាយអង្ករ​ផ្កាម្លិះ​ខ្មែរ រឹត​តែមាន​រសជាតិ​ឆ្ងាញ់។

ភោជនីយដ្ឋាន ចុងភៅ​ខ្មែរ ស្ថិតនៅ​ភូមិវត្ត​ដំណាក់ សង្កាត់​សាលា​កំរើក ក្រុង​សៀមរាប៕

អត្ថបទគួរចាប់អារម្មណ៍