The Phnom Penh Post Search

Search form




Logo of Phnom Penh Post newspaper Phnom Penh Post - ការ៉េម​ត្រប៉ែ​ខ្មៅ បែប​អ៊ីតាលី​នៅ Delikat Gelato ម្ដុំ​ផ្សារ​ទួល​ទំពូង




ការ៉េម​ត្រប៉ែ​ខ្មៅ បែប​អ៊ីតាលី​នៅ Delikat Gelato ម្ដុំ​ផ្សារ​ទួល​ទំពូង

Content image - Phnom Penh Post
ការ៉េម​ត្រប៉ែខ្មៅ​ម៉ដ្ឋ​ទន់ល្មើយ មួយ​ដុំ​មានតម្លៃ ៦០០០ រៀល​​។ ឈឹម ស្រីនាង

ការ៉េម​ត្រប៉ែ​ខ្មៅ បែប​អ៊ីតាលី​នៅ Delikat Gelato ម្ដុំ​ផ្សារ​ទួល​ទំពូង

ភ្នំពេញ: កាលពី​នៅក្មេងៗ អ្នកខ្លះ​ប្រាកដជា​ធ្លាប់បាន​ញ៉ាំ​ការ៉េម​ត្រប៉ែ​ខ្មៅ ច្រក​ក្នុង​បំពង​ដែក មួយ​ដើម​ត្រឹម​តែ ១០០ ឬ ២០០ រៀល តែ​ប៉ុណ្ណោះ។ ឥឡូវ​នេះ សឹង​តែ​ពុំមាន​ទៀត​ទេ ការ៉េម​ត្រប៉ែ​ខ្មៅ​រុញ​រទេះ​លក់​នោះ។

ប៉ុន្តែ​រសជាតិ​បែបនេះ ត្រូវបាន​ហាង​ការ៉េម Delikat Gelato ម្តុំ​ផ្សារ​ទួលទំពូង យកមក​កែច្នៃ​ជា​ការ៉េម​ថ្មី​ឆ្ងាញ់​ប្លែក​មាត់។ ហាង​ការ៉េម​ដែល​ល្បី​ខាង​យក​ផ្លែឈើ​តាម​រដូវកាល ឬ​មួយ​ក៏​បង្អែម​ក្នុង​ស្រុក​មក​ច្នៃ​ធ្វើជា​ការ៉េម​តាម​ស្តង់ដារ​អ៊ីតាលី ដើម្បី​តម្រូវ​ចិត្ត​ភ្ញៀវ​ខ្មែរ និង​បរទេស​នោះ កន្លង​មក​ធ្លាប់​បាន​លក់​ការ៉េម​ខ្វិត ល្ង ស្វាយ ល្ពៅ និង​ជីរអង្កាម​ជាដើម។

ពោលគឺ​ហាង Delikat Gelato នេះ​តែងតែ​ធ្វើ​ការ៉េម​ទៅតាម​ប្រភេទ​ផ្លែឈើ​ដែរ​មាន​តាម​រដូវ​នៅ​ស្រុក​ខ្មែរ​យើង។ សម្រាប់​សប្តាហ៍​នេះ គឺ​រឹត​តែ​ប្លែក​ត្រង់​ថា ហាង​នេះ​បាន​យក​ត្រប៉ែ​ខ្មៅ​មក​ធ្វើជា​ការ៉េម​ម៉ដ្ឋ​ទន់​ល្មើយ ក្លិន​ឈ្ងុយ ព្រមទាំង​មាន​រស​ជាតិ​ឆ្ងាញ់​ប្លែក​មាត់ ខុសពី​ការ៉េម​ត្រប៉ែ​ដើម​របស់​ខ្មែរ​យើង។

ការ៉េម​ត្រប៉ែ​នេះ​មួយ​ដុំ មានតម្លៃ​ត្រឹមតែ ៦០០០ រៀល តែប៉ុណ្ណោះ ដោយ​បន្ថែម​នំ​ស្រួយ​ពីលើ​មួយ ភ្ញៀវ​ក៏​អាច​ខ្ចប់​យក​ទៅ​ផ្ទះ​បាន​ដែរ។

ចំពោះ​ការ៉េម​ផ្លែឈើស្រស់ៗ​ទាំង​នេះ​ត្រូវបានធ្វើ​មួយថ្ងៃ​សម្រាប់​ផ្គត់ផ្គង់​តម្រូវការ​មួយថ្ងៃ​តែប៉ុណ្ណោះ ដើម្បី​រក្សា​គុណភាព​ស្រស់ និង​ឆ្ងាញ់​ល្អ។

ចង់​ញ៉ាំ​ការ៉េម​ត្រប៉ែ ស្តង់ដារ​អ៊ីតាលី​ទេ? លោកអ្នក​អាច​ទៅ​សាក​ភ្លក្ស​នៅ ហាង​ការ៉េម Delikat Gelato ម្តុំ​ផ្សារ​ទួល​ទំពូង សូម​ទាក់​ទង​តាម​ទូរស័ព្ទ​លេខ ០៨៧ ២១១ ២១១៕

អត្ថបទគួរចាប់អារម្មណ៍