The Phnom Penh Post Search

Search form




Logo of Phnom Penh Post newspaper Phnom Penh Post - ការ៉េម​នៅ​ហាង វីជេ អាណូ ភ្ញៀវ​បរទេស​មក​ញ៉ាំ​ម្នាក់ៗ ១០ដើម




ការ៉េម​នៅ​ហាង វីជេ អាណូ ភ្ញៀវ​បរទេស​មក​ញ៉ាំ​ម្នាក់ៗ ១០ដើម

Content image - Phnom Penh Post
ការ៉េម សណ្ដែក​ខៀវ ដូង ទឹកស៊ីរ៉ូ និងត្រាវ នៅ​ម្ដុំ​រដ្ឋសភា​ចាស់​។ រូប សហការី

ការ៉េម​នៅ​ហាង វីជេ អាណូ ភ្ញៀវ​បរទេស​មក​ញ៉ាំ​ម្នាក់ៗ ១០ដើម

ភ្នំពេញ: ជាមួយ​នឹងការ​បើក​ជំនួញ​លក់​អាហារ ហាង Christian បាយ​សាច់ជ្រូក​អាំង នៅ​ម្ដុំ​រដ្ឋសភា ចាស់ ដែល​ទទួល​បាន​ការគាំទ្រ​ពី​យុវវ័យ​នោះ តារា​ត្រេ​មុខ​កូនកាត់ កញ្ញា វីជេ អាណូ ក៏មាន​បន្ថែម​នូវ​ការ៉េម​ជាច្រើន​រសជាតិ ដោយ​សូម្បីតែ​ភ្ញៀវ​បរទេស​ក៏ឆៀង​ចូល​ទិញ​ញ៉ាំ ម្នាក់ៗ​សុទ្ធតែ ១០ ដើម​ឯណោះ។

ផ្ដើមចេញពី​ការលក់​បាយ​សាច់ជ្រូក​អាំង​កុម្ម៉ង់​តាម​អនឡាញ រហូត​រំលេច​អាជីវកម្ម​ជា​រូបរាង​ហាង​អាហារ​មាន​ទាំង​ជើងមាន់ កង្កែប ងាវ ក្ដាម​នំបញ្ចុក គ្រឿង​ស៊ុប និង​ចំណី​ប្លែក​មាត់​ជាច្រើន​ទៀត​នោះ តារា​សម្ដែង ម៉ូដែល និង​ពិធី​ការិនី​រូប​ស្រស់​កញ្ញា សួន ភក្ដី ហៅ វីជេ អាណូ ក៏បាន​រំឭក​នូវ​អនុស្សាវរីយ៍​ពី​អតីតកាល ដោយ​ពាំ​នាំនូវ​រសជាតិ​ការ៉េម​ខ្មែរ​ល្បី​កាលពី​ទសវត្សរ៍​មុនៗ​មក​លក់​ឡើង​វិញ។

កញ្ញា អាណូ បាន​និយាយ​ថា៖ «ការ៉េម​នេះគឺ​ហាង​នាង​ខ្ញុំធ្វើ​លក់​ភ្លាមៗ​ផ្ទាល់​តែម្ដង។ ការ៉េម​ហ្នឹង​វាមិន​ពិបាក​ក្នុងការ​ធ្វើ​ទេ ហើយ​សំខាន់​គឺ​រសជាតិ​វាឆ្ងាញ់​តែម្ដង»។

ការ៉េម​មួយ​ដើម​តម្លៃ​ត្រឹម​តែ ១០០០ រៀល ហើយ​កញ្ញា អាណូ បាន​រៀបរាប់​ថាវា​មាន​រសជាតិ​ច្រើន​ជម្រើស​ដូចជា ត្រាវ សណ្ដែក​ខៀវ សណ្ដែក​ក្រហម ខ្នុរ មៀន គូលែន ដូង សូកូឡា កាហ្វេ និង​ទឹក​ស៊ីរ៉ូ។

ជាមួយ​ទីតាំង​ក្បែរ​រដ្ឋសភា​ចាស់​ដែល​សម្បូរ​ភ្ញៀវទេសចរ​ដើរ​ឆ្លងកាត់​នោះ កញ្ញា អាណូ ក៏បាន​ឲ្យដឹង​ទៀត​ថា៖ «ក្រៅពី​ភ្ញៀវ​ខ្មែរ​យើង ការ៉េម​ហ្នឹង បរទេស​វិញ​គាត់​ទិញ​ញ៉ាំ​ក្នុង​ម្នាក់!​សុទ្ធតែ ១០ ដើម​ឯណោះ»៕

អត្ថបទគួរចាប់អារម្មណ៍