The Phnom Penh Post Search

Search form




Logo of Phnom Penh Post newspaper Phnom Penh Post - កោះមាន់​ក្រឡុក​ផ្អែមប្រៃ​ផ្ទាប់​ខ្ទឹមជ្រក់​ហឹរ​ប្លែក​មាត់ពី The Street




កោះមាន់​ក្រឡុក​ផ្អែមប្រៃ​ផ្ទាប់​ខ្ទឹមជ្រក់​ហឹរ​ប្លែក​មាត់ពី The Street

Content image - Phnom Penh Post
អាហារ​ច្នៃប្រឌិត​ថ្មីពី The Street កោះ​មាន់​បំពង​ក្រឡុក​ប្រៃផ្អែម​ជាមួយ​ខ្ទឹម​ជ្រក់ហឹរ។ ឈឹម ស្រីនាង

កោះមាន់​ក្រឡុក​ផ្អែមប្រៃ​ផ្ទាប់​ខ្ទឹមជ្រក់​ហឹរ​ប្លែក​មាត់ពី The Street

ភ្នំពេញ: ប្រិយមិត្ត​ដែល​ចង់ញ៉ាំ​អាហារ​តាម​ចិញ្ចើមផ្លូវ​ដែលមាន​រសជាតិ​ឆ្ងាញ់ ក្នុង​បរិយាកាស និងទីតាំង​ស្អាត ហាង The Street អាចជា​ជម្រើស​ដ៏​ប្រសើរ។

ការតុប​តែង​ហាងនេះ​មាន​លក្ខណៈ​សាមញ្ញ​បែប​យុវវ័យ ហើយ​ជម្រើស​អាហារ​ត្រូវបាន​ច្នៃ​ប្រឌិត​ថ្មីៗ​ជារៀងរាល់​ខែ។​

សម្រាប់​ខែនេះ មុខ​ម្ហូបថ្មី​មាន​ដូចជា កោះមាន់​ក្រឡុក​ជ្រក់ខ្ទឹម​ប្រៃផ្អែម មឹក​អាំង​អំបិល​ម្ទេស​ និងគ្រំ​អាំងខ្ទឹម​ក្រហម​ពីរ​រសជាតិ។ ចំពោះ​ម្ហូប កោះមាន់​ក្រឡុក​ជ្រក់ខ្ទឹម​ប្រៃផ្អែម ដំបូង​ឡើយ គេ​បំពង​កោះមាន់​ឲ្យស្រួយ។

បន្ទាប់​មកគេ​យក​វាទៅ​ក្រឡុក​ជាមួយ​ជ្រក់​ខ្ទឹមស ស្លឹក​ខ្ទឹម​ហាន់ ​និង​ទឹកត្រី​កោះកុង​ប្រចាំ​ហាង​។ នៅពេល​ទទួល​ទាន កោះ​មាន់​បំពង​នេះអាច​ញ៉ាំ​ផ្ទាប់​ជាមួយ​ជីរពង​ទាកូន​ជាអាហារ​សម្រន់​រឹតតែ​ឆ្ងាញ់។

ចង់ដឹង​ថាវា​មាន​រសជាតិ​ឆ្ងាញ់​ដល់កម្រិត​ណា សូម​សាកល្បង​ទៅ​ភ្លក្ស​ផ្ទាល់​នៅ​ហាង The Street ដែល​មានការ​តុបតែង​គួរឲ្យ​ស្រឡាញ់ ​ស្ថិត​នៅផ្ទះ​លេខ ២០២ ផ្លូវ ១៤៣ សង្កាត់​បឹងកេងកង ២ ខណ្ឌ​ចំការមន ទូរស័ព្ទ​លេខ ០១៦ ៩៣៣ ៣៨២៕

អត្ថបទគួរចាប់អារម្មណ៍