The Phnom Penh Post Search

Search form




Logo of Phnom Penh Post newspaper Phnom Penh Post - កំពឹស​លោត​ក្នុង​កំប៉ុង​ ញាំ​ជាមួយ​សាច់​ខ្យងហឹរ​ឆ្ងាញ់​សន្លប់​តែ $៣




កំពឹស​លោត​ក្នុង​កំប៉ុង​ ញាំ​ជាមួយ​សាច់​ខ្យងហឹរ​ឆ្ងាញ់​សន្លប់​តែ $៣

Content image - Phnom Penh Post
កំពឹស​លោត​ក្រោយពី​ក្រឡុក​គ្រឿង​ក្នុង​កំប៉ុង​ជាមួយ​សាច់​ខ្យង​ និង​អង្ករ​លីង​។ ឈឹម ស្រីនាង

កំពឹស​លោត​ក្នុង​កំប៉ុង​ ញាំ​ជាមួយ​សាច់​ខ្យងហឹរ​ឆ្ងាញ់​សន្លប់​តែ $៣

ភ្នំពេញ: កំពឹស​ដែលខ្មែរ​យើង​និយម​យកទៅ​ស្លម្ជូរ លីង ឬបំពង​ម្សៅ​ បច្ចុប្បន្ន​នេះ​មានការ​ពេញនិយម​ថ្មីប្លែក​គឺគេ​ច្រើន​​យកវា​មកភ្លា​ក្រឡុក​ជាមួយ​គ្រឿង​ទាំងរស់។

កំពឹស​លោតនេះ​ទាមទារ​ឲ្យអ្នក​ធ្វើអាហារ​ប្រកាន់​ខ្ជាប់​អនាម័យ​លាង​សម្អាត​វាឲ្យ​ស្អាត ធ្វើយ៉ាង​ណាកុំ​ឲ្យ​កំពឹស​ងាប់​ខូច​រសជាតិ។

កំពឹស​រស់​ត្រូវបាន​គេច្រក​ក្នុង​​កំប៉ុងជ័រ​ជាមួយ​សាច់ខ្យង​ខ្ទឹម​ក្រហម អង្ករ​លីង ម្ទេស ត្រយូង​ចេក ត្រកួន សណ្ដែក​បណ្ដុះ និងគ្រឿង​ផ្សំ​រសជាតិ​បែប​ជូរ ប្រៃ​ ផ្អែម ហើយ​ហឹរខ្លាំង​តែម្ដង​។

នៅពេល​ទទួលទាន អ្នក​ដែល​ញញើត​នឹង​ក្រឡុក​កំពឹស​រស់​កំពុង​លោត​ផ្លោតៗ​នោះ អាច​ស្នើ​ឲ្យ​បុគ្គលិក​ហាង​ជួយ​ក្រឡុកឲ្យ​។ ក្រោយពី​បុគ្គលិក​ក្រឡុក​រួច គេ​ចាក់​វាដាក់​ចាន​ដែល​មាន​បន្លែ​អន្លក់​ដូចជា​ជីររណារ ការ៉ុត សណ្ដែក​បណ្ដុះ ត្រយូង​ចេក និង​ត្រកួន ខណៈ​កំពឹស​ខ្លះនៅ​បន្ត​លោត​លើចាន​មួយ​សន្ទុះ​តូចដែរ។

កំពឹស​លោត​ក្នុង​កំប៉ុង តម្លៃតែ​ ១២០០០ រៀល មានលក់​នៅ​ហាង ​ម្ជូរ និងក្ដាម​ក្រឡុក​ឆ្ងាញ់​សន្លប់ ទូរស័ព្ទ​លេខ ​០៩៦ ៧៣ ៥៦ ៦៧៦៕

អត្ថបទគួរចាប់អារម្មណ៍