The Phnom Penh Post Search

Search form




Logo of Phnom Penh Post newspaper Phnom Penh Post - ក្ដាមថ្ម ពង ស្រូប​ទឹកត្រី​បៃតង ឆ្ងាញ់​កប់​ពី ដាយ៉ាំ យ៉ាំ

ក្ដាមថ្ម ពង ស្រូប​ទឹកត្រី​បៃតង ឆ្ងាញ់​កប់​ពី ដាយ៉ាំ យ៉ាំ

Content image - Phnom Penh Post
ក្ដាមថ្ម ពង ត្រូវ​នឹង​ទឹកត្រី​បៃតង​ហឹរ​សែន​ឆ្ងាញ់​។ រូបថត យូសុះ អាប់ឌុលរ៉ាស់ហ៊ីម

ក្ដាមថ្ម ពង ស្រូប​ទឹកត្រី​បៃតង ឆ្ងាញ់​កប់​ពី ដាយ៉ាំ យ៉ាំ

ភ្នំពេញៈ ក្រោម​ពន្លឺ​អំពូល​គោម ភ្លឺ​ស្រទន់ ភ្ញៀវ​ដែល​អង្គុយ​ពេញៗ​តុ​កំពុង​រីករាយ​នឹង​ទទួលទាន​គ្រឿង​សមុទ្រ​ស្រស់ៗ ក្លែម​ជាមួយ​ស្រាបៀរ​រសជាតិ​បែប​ថៃ​។

ក្ដាមថ្ម​រំលេច​ពង​ពេញៗ​ស្នូក មឹក និង​បង្គា​អាំង​តម្រៀប​ក្នុង​កូន​ឈ្នាង ព្រម​ទាំង​ញ៉ាំ​ស្វាយ​ខ្ចី​ក្នុង​ស្នូក​ប្រឡាំងកាស​គឺជា​ម្ហូប​ដែល​កំពុង​ពេញនិយម​បំផុត​នៅ​ហាង ដាយ៉ាំ យ៉ាំ Dayum Yum Seafood ក្រោយ​ផ្សារ​សាមគ្គី​។

លោក ផាង ចាន់វាសនា ដែល​ជា​ម្ចាស់ ដាយ៉ាំ យ៉ាំ បាន​ប្រាប់​ភ្នំពេញ ប៉ុស្តិ៍ ថា​៖ «​ខ្ញុំ​ចូលចិត្ត​ញ៉ាំ​គ្រឿង​សមុទ្រ ហើយ​ក៏​ចង់​បើកហាង​លក់​តែ​គ្រឿង​សមុទ្រ​តែម្តង​។ ខ្ញុំ​ធ្លាប់​ដើរ​ញ៉ាំ​នៅ​កន្លែង​គេ​ច្រើន ហើយ​នៅ​ក្រៅ​ប្រទេស​ក៏​ធ្លាប់​ដែរ​ដូចជា​ថៃ​អី​ជាដើម​»​។
ដាយ៉ាំ យ៉ាំ មាន​បម្រើ​គ្រឿង​សមុទ្រ​ដូចជា បង្គា​អាំង​អំបិលម្ទេស មឹកអាំង​អំបិលម្ទេស ត្រី​បបែល​អាំង​អំបិលម្ទេស ងាវ​អាំង​អំបិលម្ទេស (១២០០០៛) ក្តាមសេះ​អាំង​អំបិលម្ទេស ១៥០០០៛ ខ្យង​ប៉ារ៉ា​អំបិលម្ទេស ២០០០០៛ និង​មាន​មុខម្ហូប​ឆា អាំង បំពង មាន​តម្លៃ​ចាប់ពី ១០០០០៛ ជាច្រើន​មុខ​ទៀត​។

Content image - Phnom Penh Post
មឹក និង​បង្គា​អាំង​ដាក់​កូន​ឈ្នាង ក្ដាមថ្ម ពង និង​ញាំ​ប្រឡាំងកាស​។ រូបថត យូសុះ អាប់ឌុលរ៉ាស់ហ៊ីម

ក្រៅពី​ប្រភេទ​អាហារ​សមុទ្រ ដាយ៉ាំ យ៉ាំ ក៏​មាន​លក់​ជើងមាន់​អាំង ស្លាបមាន់​អាំង ១០០០០៛ ងៀត​ក្របី ១៥០០០៛ ក្បាល​ត្រី​សាម៉ុន​អាំង កញ្ឆែត​ឆា​គ្រឿងក្នុង ឆាខ្យង​ហូល ១២០០០៛ សម្ល​តុំយ៉ាំ ២០០០០៛ និង​អយស្ទ័រ ១០ គ្រាប់ ១២០០០៛ ផង​ដែរ​។

ម្ចាស់​ហាង​លក់​អាហារ​សមុទ្រ​ដែល​បាន​បញ្ចប់​ការសិក្សា​មកពី​ប្រទេស​អូស្ត្រាលី​រូបនេះ​បាន​ឲ្យ​ដឹង​ទៀត​ថា​៖ «​មុនពេល​បើកហាង ដាយ៉ាំ យ៉ាំ ខ្ញុំ​បាន​ដើរ​ញ៉ាំ​អាហារ​នៅ​តាម​កន្លែង​គេ​ជាច្រើន​ជាពិសេស​នៅ​ប្រទេស​ថៃ ហើយ​ប្រមូលផ្តុំ​រសជាតិ​ថា មួយណា​ឆ្ងាញ់ ហើយ​យក​មក​កែច្នៃ​បន្ត ដើម្បី​ឲ្យ​កាន់​តែមាន​រសជាតិ​»​។

ដាយ៉ាំ យ៉ាំ ក៏​មាន​ម្ហូប​ពិសេស​ប្រចាំ​ហាង​ដែល​មាន​ភ្ញៀវ​ចូលចិត្ត​កុម្ម៉ង់​ជាងគេ​ដូចជា ក្តាមថ្ម​ពងមាន​ទម្ងន់ ៤ ខាំ ឬ ៥ ខាំ តម្លៃ ១៤ ទៅ ២០ ដុល្លារ (​តម្លៃប្រែប្រួល​ទៅ​តាម​រដូវកាល​) និង​សត្វ​ប្រឡាំងកាស​ញាំ​ស្វាយ​ខ្ចី​មាន​តម្លៃ ១៨ ដុល្លារ​។

Content image - Phnom Penh Post
បរិយាកាស​ហាង​ស្រស់ស្រាយ​បំភ្លឺ​ដោយ​ភ្លើងគោម​។ រូបថត យូសុះ អាប់ឌុលរ៉ាស់ហ៊ីម

ដើម្បី​បង្កើន​រសជាតិ​អាហារ​មួយ​កម្រិត​ថែម​ទៀត ចំពោះ​ទឹក​ជ្រក់​វិញ ដាយ៉ាំ យ៉ាំ គឺ​មាន ២ ប្រភេទ ទី​ ១ សម្រាប់​ជ្រលក់​ជាមួយ​គ្រឿង​សមុទ្រ​ទូទៅ​ដូចជា​មឹក ឬ​បង្គា​ជា​ទឹកត្រី​មាន​ម្ទេស​ពណ៌​ក្រហម​រសជាតិ​ហឹរល្មម និង​ទី​ ២ ជា​ទឹកត្រី​មាន​ម្ទេស​ពណ៌​បៃតង​ធ្វើ​យ៉ាង​ពិសេស​សម្រាប់តែ​ទទួលទាន​ជាមួយ​ក្តាមថ្ម​ពង​ប៉ុណ្ណោះ​។

ដាយ៉ាំ យ៉ាំ ចាប់​ដំណើរការ​បាន​រយៈពេល ៨ ខែ​មក​ហើយ​ដោយ​ក្នុង​មួយ​ថ្ងៃ​អាច​ទទួល​បាន​ភ្ញៀវ​រហូត​ដល់​ជាង ១០០ នាក់​។

ដាយ៉ាំ យ៉ាំ ចាប់​បើក​ពី​ម៉ោង ៣ កន្លះ​រសៀល​ដល់​ម៉ោង ១០ កន្លះ​យប់ និង​មាន​អាសយដ្ឋាន​ស្ថិត​នៅ​ផ្លូវ​លេខ ២៣៣ ផ្ទះ​លេខ ៨៩E0 សង្កាត់​ផ្សារ​ដេប៉ូ ៣ ​។ ទំនាក់ទំនង​តាមរយៈ​ទូរស័ព្ទ​លេខ ០៨៦ ៦២៨ ៨៨៨ ឬ​ហ្វេសប៊ុក​ផេច Dayum Yum Seafood៕

វីដេអូ៖

អត្ថបទគួរចាប់អារម្មណ៍

  • អាមេរិក​ផ្តល់​ជំនួយ ​៤២ ​ម៉ឺន​ដុល្លារ​ទៀត ​ដើម្បី​ស្រាវជ្រាវ​សំណល់​គ្រាប់​បែក​ចង្កោម

    ភ្នំពេញៈ រដ្ឋាភិបាល​អាមេរិក​បាន​សម្រេច​ផ្ដល់​ជំនួយ​ជាង​ ៤២​ ម៉ឺន​ដុល្លារ​បន្ថែម​ទៀត ដល់​មជ្ឈមណ្ឌល​កំចាត់​មីន​កម្ពុជា ហៅ​កាត់​ថា CMAC ដើម្បី​ស្រាវជ្រាវ​​សំណល់​គ្រាប់​បែក​ចង្កោម​ដែល​

  • ប្រាក់ចំណេញ​សុទ្ធ Qantas ធ្លាក់ ៦,៥ ​ភាគរយ

    ក្រុងស៊ីដនីៈ ក្រុមហ៊ុន​អាកាសចរណ៍ Qantas Airways កាលពី​ថ្ងៃ​ព្រហស្បតិ៍​បាន​ចេញ​ផ្សាយ​ការធ្លាក់ចុះ​ប្រាក់​ចំណេញ​សុទ្ធ​ប្រចាំ​ឆ្នាំ ៦,៥ ភាគរយ ដោយសារ​ការធ្លាក់ចុះ​ប្រាក់​ចំណេញ​ក្នុង​គ្រា​ដែល​ប្រេង​ឆៅ​មាន​តម្លៃ​កាន់តែ​ខ្ពស់ និង​ការធ្លាក់​ថ្លៃ​ប្រាក់​ដុល្លារ​អូស្ត្រាលី​កាន់តែ​ខ្លាំង​។

  • តោខៀវ​ឲ្យ Roma ខ្ចី​ជើង​ខ្សែការពារ Zappacosta

    ក្រុងមីឡានៈ ក្លិប Roma បានប្រកាស​កាលពី​ថ្ងៃ​ពុធ​ថា ខ្សែការពារ Davide Zappacosta នៅ​ក្លិប Chelsea បាន​ចូលរួម​ក្លិប Roma ក្នុង​លក្ខខណ្ឌ​ខ្ចី​ជើង ៦ ​ខែ ប៉ុន្តែ​អាច​បន្ត​រហូតដល់​ចុងរដូវកាល​នេះ​ក៏បាន​ដែរ​។ ​

  • កូរ៉េ​ខាងជើង​មិន​ចរចា​ពី​បញ្ហា​នុយក្លេអ៊ែរ​ទេ បើសិន​ US ​នៅតែ​បន្ត​វិធានការ​យោធា​បង្ក​អារិភាព​នោះ

    ក្រុងសេអ៊ូលៈ កូរ៉េ​ខាងជើង​បាន​ថ្លែង​កាលពី​ថ្ងៃ​ព្រហស្បតិ៍​ថា​ខ្លួន​ «​មិន​ចាប់អារម្មណ៍​» ​នៅក្នុង​ការចរចា​នោះទេ លុះណា​តែ​ក្រុង​វ៉ាស៊ីនតោន​ឈប់​ «​វិធានការ​យោធា​បង្ក​អរិភាព​កាន់តែ​ខ្លាំង​ឡើង​ជាមួយ​ខ្លួន​នោះ​» ខណៈ​ប្រេសិត​ពិសេស​ជាន់ខ្ពស់​អាមេរិក​ម្នាក់​បាន​ទស្សនកិច្ច​ទៅកាន់​ក្រុង​សេអ៊ូល​ដោយ​ផ្តោត​ទៅ​លើ​ការធ្វើឲ្យ​កិច្ចចរចា​ពី​បញ្ហា​នុយក្លេអ៊ែរ​ជាមួយ​ក្រុង​ព្យុងយ៉ាង ដំណើរការ​ឡើងវិញ​។