The Phnom Penh Post Search

Search form




Logo of Phnom Penh Post newspaper Phnom Penh Post - ក្ដាមសេះ​ភ្លា​ម្រះ ម្ហូប​ស្នាដៃអ្នក​សៀមរាប ឆ្ងាញ់​ញ៉ាំអត់​ដឹងថា​ល្វីង




ក្ដាមសេះ​ភ្លា​ម្រះ ម្ហូប​ស្នាដៃអ្នក​សៀមរាប ឆ្ងាញ់​ញ៉ាំអត់​ដឹងថា​ល្វីង

Content image - Phnom Penh Post
ក្ដាមសេះ​ភ្លាម្រះ​មួយចាន​តម្លៃ ១២០០០ រៀល នៅក្រុង​សៀមរាប​។ ហុង មិនា

ក្ដាមសេះ​ភ្លា​ម្រះ ម្ហូប​ស្នាដៃអ្នក​សៀមរាប ឆ្ងាញ់​ញ៉ាំអត់​ដឹងថា​ល្វីង

សៀមរាប: ម្រះគឺជា​រុក្ខជាតិ​ផ្ដល់​គុណប្រយោជន៍​ដ៏ច្រើន​សន្ធឹក​ដល់​សុខភាព។ វា​ផ្ទុកនូវ​កាឡូរី​ទាប​បំផុត និង​ត្រូវបាន​គេ​រកឃើញថា រួមចំណែក​កាត់បន្ថយ​ជាតិ​ស្ករក្នុង​ឈាម។

ម្រះក៏​សម្រួល​សុខភាព​អ្នកជំងឺ​ទឹកនោមផ្អែម​ប្រភេទ​ពីរ សម្បូរ​វីតាមីន A, C ផ្ទុក​ជាតិ​សរសៃ និង​ជំនួយ​ការរំលាយ​អាហារ​ផងដែរ។

ប៉ុន្តែ​រសជាតិ​ល្វីង​មិនសូវ​បំពេញ​ចំណង់​ជីវ្ហា​វិញ្ញាណ​របស់​មនុស្ស បានធ្វើ​ឲ្យម្រះ​មិនសូវ​ទទួលបាន​ការនិយម​ទទួលទាន​ឡើយ។

ក្រៅពី​ស្ងោរ​ញាត់​សាច់ជ្រូក ឬធ្វើជា​បន្លែ​ដាក់​ស៊ុប​មួយចំនួន​តូច​នោះ ម្រះមិន​ត្រូវបាន​គេ​ប្រើប្រាស់​ចម្អិនម្ហូប​អ្វីឲ្យ​បាន​ច្រើន​មុខឡើយ។

ដូច្នេះ​ហើយ ភ្នំពេញ ប៉ុស្ដិ៍ សូម​ណែនាំ​ម្ហូប​ថ្មី​មួយទៀត ដែល​ផ្សំ​គ្រឿងពី​ម្រះ​តែម្ដង នោះគឺ ក្ដាមសេះ​ភ្លាម្រះ ពីហាង ស៊ុបម្រះ ស្ថិតនៅ​ក្រោយ​ស្តាតចាស់ ជិត​សារមន្ទីរ​ជាតិ ទឹកដី​ខេត្ត​សៀមរាប អង្គរ។ ជ្រក​ក្រោម​ដំបូល​ប្រក់ស្បូវ ទីធ្លា​ធំទូលាយ ហាង​នេះ​ក្រៅពី​ល្បី​រសជាតិ​ស៊ុបម្រះ ក៏​សម្បូរ​ភ្ញៀវ​កុម្ម៉ង់​ក្ដាមសេះ​ភ្លាម្រះ​ផងដែរ។

ក្នុងតម្លៃ ១២០០០ រៀល ក្ដាមសេះ​ភ្លាម្រះ ផ្សំ​គ្រឿង​ពី​ក្ដាមសេះ ចំណិត​ម្រះស្ដើងៗ ស្លឹកគ្រៃ ស្លឹក​ក្រូចសើច ស្រូបទឹក​ត្រី​បុកហឹរ។

ក្រៅពី​ក្ដាមសេះ​ភ្លា​ម្រះ លោកអ្នក​ក៏អាច​សាក​រសជាតិ​ម្ហូប សាច់គោ​អាំង​បន្ទះ​ដែក កង្កែប​អាំង​អំបិលម្ទេស និង​មាន់​លីង​ងាំង៉ូវ​ជាដើម។

ហាង ស៊ុប​ម្រះ មាន​ទូរស័ព្ទ​លេខ ០៩២ ៥៣ ៤៤ ៤៣៕

អត្ថបទគួរចាប់អារម្មណ៍