The Phnom Penh Post Search

Search form

ក្ដាម​ឆាម្រេច​រសជាតិ​បែប​អាហារ​សិង្ហបុរី​ពី​ភោជនីយដ្ឋាន​ចិន​យីសាង

ក្ដាម​ឆាម្រេច​រសជាតិ​បែប​អាហារ​សិង្ហបុរី​ពី​ភោជនីយដ្ឋាន​ចិន​យីសាង

120717_22d
120717_22d

ភ្នំពេញ : អាហារ​ចម្អិន​ដោយ​គ្រឿង​សមុទ្រ ត្រូវ​បាន​ចាត់​ទុក​ជា​ម្ហូប​ពិសេស​ដែល​សម​ស្រប​សម្រាប់​ការ​ទទួល​ទាន​ជួបជុំ ក្រុម​គ្រួសារ។ ប៉ុន្តែ​ក្នុង​ចំណោម​គ្រឿង​សមុទ្រ រួម​មាន គ្រំ បង្គា​ បង្កង​ មឹក ក្ដាម និង​ខ្យង​នោះ​ មាន​តែ​បង្គា និង​ក្ដាម​ទេ​ដែល​ទទួល​បាន​ការ​និយម​ចូលចិត្ត​ខ្លាំង​ជាង​គេ។

ថ្វី​ត្បិត​តែ​បង្គា​ងាយ​ស្រួល​ក្នុង​ការ​ទទួលទាន​ជាង​ក្ដាម ប៉ុន្តែ​បើ​និយាយ​ពី​រសជាតិ​វិញ សាច់​របស់​ក្ដាម​មាន​រសជាតិ​ឆ្ងាញ់​ ហើយ​ញ៉ាំ​មិន​សូវ​រងាន់​ថែម​ទៀត​ផង។ ដូច្នេះ ប្រសិន​បើ​លោក​អ្នក​មិន​សាញ​នឹង​ប្រលាក់​ដៃ​បក​ក្ដាម​ទេ មុខ​ម្ហូប​ឆា​ក្ដាម​ថ្ម​នឹង​ធ្វើ​ឲ្យ​លោក​អ្នក​ញ៉ាំ​បាយ​បាន​ច្រើន​ជា មិនខាន។

មុខ​ម្ហូប​នេះ​គឺ​ងាយស្រួល​ក្នុង​ការ​ធ្វើ​ហើយ​រហ័ស​ទាន់​ចិត្ត​ទៀត​ផង​។ លក្ខណៈ​សំខាន់​ក្នុង​ការ​ធ្វើ​មុខ​ម្ហូប​នេះ គឺ​ត្រូវ​ជ្រើសរើស​យក​ក្តាម​ថ្ម​ណា​ដែល​ល្អ​ហើយ​ស្រស់ៗ ហើយ​គ្រឿង​ផ្សំ​ក្នុង​ការ​ចម្អិន​នោះ​រួម​មាន​ម្រេច​ម៉ដ្ឋ​ ឬ​ក៏​ម្រេច​ខ្ចី ក៏​បាន​ គឺ​ទៅ​តាម​ចំណង់​ចំណូល​ចិត្ត។ ក្រៅ​ពី​នោះ គ្រឿង​ផ្សំ​បន្ទាប់​បន្សំ​រួម​មាន ស្លឹក​ខ្ទឹម ជីរវ៉ាន់ស៊ុយ ខ្ទឹម​បារាំង​ម្ទេស​ប្លោក​ក្រហម ខ្ទឹម​ស ម្សៅ​ស៊ុប ស្ករស អំបិល និង​ម្សៅឆា។​

របៀប​ធ្វើ​ដំបូង​គឺ​យក​ក្តាម​ទៅ​លាង​ទឹក​ឲ្យ​ស្អាត​រួច​យក​មក​កាប់​ ជា​ដុំ​តូច​ល្មម​បន្ទាប់​មក​ដាក់​ទុក​មួយ​ឡែក ហើយ​យក​បន្លែ​ដូចជា​ខ្ទឹម​បារាំង​ ម្ទេស​ក្រហម ​និង​ស្លឹក​ខ្ទឹម​ មក​ហាន់​ជា​កង់​​តូចៗ​ល្មម។ បន្ទាប់​មក​យក​ខ្ទឹម​ស​មក​ចិញ្ច្រាំ​ហើយ​ដាក់​ឆា​ឲ្យ​ឡើង​ក្លិន​ឈ្ងុយ​ទើប​ ចាក់​បន្លែ​ចូល​រួច​ហើយ​ដាក់​គ្រឿង​ផ្សំ​ចូល​ដូចជា​ម្សៅស៊ុប​ស្ករ​អំបិល​ឆា​ ឲ្យ​ចូល​ជាតិ​គ្នា​ទើប​ចាក់​ក្តាម​ចូល​កូរ​វា​ឲ្យ​ចូល​ជាតិ​គ្នា​ហើយ​ចាក់​ ម្រេច និង​ម្សៅឆា​ចូល​បន្តិច​ទៅ​ជា​ការ​ស្រេច។ បើ​លោក​អ្នក​ចូលចិត្ត​ហឹរ​អាច​ដាក់​ម្រេច​ឲ្យ​ច្រើន​ក៏​បាន​ដែរ គឺ​តាម​ចំណូល​ចិត្ត។​

ម្ហូប​នេះ​ក៏​អាច​រក​ទទួល​ទាន​បាន​នៅ ភោជនីយដ្ឋាន​យីសាង ស្ថិត​នៅ​តាម​បណ្ដោយ​វិថី​សុធារស៕

អត្ថបទគួរចាប់អារម្មណ៍

  • សណ្ឋាគារ​ប្រណីត​នៅ​កោះរ៉ុង បើក​ជា​ផ្លូវការ

    ភ្នំពេញៈ សណ្ឋាគារ​ដ៏ប្រណីត Royal Sands នៅលើ​កោះរ៉ុង​របស់​លោក គិត ម៉េង បាន​បើក​ដំណើរការ​ជា​ផ្លូវការ​កាលពី​ថ្ងៃ​ម្សិលមិញ ដែល​គេ​រំពឹង​ថា​នឹង​ទាក់ទាញ​ភ្ញៀវទេសចរ​កាន់តែ​ច្រើន​។

  • ដំរី​ដែល​ចូល​ចម្ការ​អ្នក​ភូមិ​បាន​គេច​ទៅ​ភ្នំ​ដងរែក

    ឧត្តរមានជ័យៈ ក្រុម​មន្ត្រី​បាន​និយាយ​ថា​សត្វ​ដំរី​ញី​មួយ​ក្បាល​ដែល​បាន​ចូល​លុកលុយ​ក្នុង​ចម្ការ​អ្នកភូមិ​រំដួល​ចាស់ ឃុំ​អម្ពិល ស្រុក​បន្ទាយ​អម្ពិល ខេត្ត​ឧត្តរមានជ័យ​កាលពី​ព្រឹក​ថ្ងៃ​អាទិត្យ​នោះ​បាន​គេច​ខ្លួន​ចូល​ទៅ​ក្នុង​តំបន់​ជួរ​ភ្នំ​ដងរែក​វិញ​ហើយ ខណៈ​ដែល​ក្រុម​មន្ត្រី​ជំនាញ​បរិស្ថាន និង​អាជ្ញាធរ​កំពុង​បន្ត​ឃ្លាំ​មើល​ពី​ដំណើរ​របស់​វា​។

  • ព្រះមហាក្សត្រ​អំពាវនាវ​ឲ្យ​ធានា​ការពារ​យុត្តិធម៌​ និង គោរព​សិទ្ធិ​មនុស្ស

    ភ្នំពេញៈ ក្រោយពី​ឈ្នះ​អាសនៈ​ទាំង​ ៥៨ ដោយ​មិន​មាន​អតីត​បក្ស​សង្គ្រោះ​ជាតិ​ដែល​ជា​គូប្រកួត​ដ៏ស័ក្តិសម​នឹង​គ្នា​សម្រាប់​ការបោះឆ្នោត​ព្រឹទ្ធសភា​ពី​ខែ​កុម្ភៈ គណបក្ស​កាន់​អំណាច​ដែល​ទទួល​ជ័យជម្នះ​បាន​បន្ត​គ្រប់គ្រង​ស្ថាប័ន​នីតិប្បញ្ញត្តិ​ជាថ្មី​ដោយ​បើក​សម័យប្រជុំ​លើក​ដំបូង នីតិកាល​ទី​ ៤ ​នៃ​ព្រឹទ្ធសភា​ពី​ម្សិលមិញ​ក្រោម​ព្រះរាជាធិបតីភាព​ព្រះមហាក្សត្រ​ព្រះបាទ​សម្តេច​ព្រះនរោត្តម សីហមុនី ដែល​ព្រះអង្គ​អំពាវនាវ​ឲ្យ​មាន​ការធានា​ការពារ​យុត្តិធម៌ និង​គោរព​សិទ្ធិ​មនុស្ស និង​រួម​សាមគ្គី​គ្នា​ជា​ធ្លុង​មួយ​។

  • នាយក​រដ្ឋមន្ត្រី​បញ្ជា​ឲ្យ​ដកហូត​កោះ​ ៣០ ​មក​វិញ និង​ឲ្យ​ពិនិត្យ​អ្នក​នៅ​ពី​ក្រោយ​ការទន្ទ្រាន​យក​ដី

    ព្រះសីហនុៈ លោក​នាយករដ្ឋមន្ត្រី ហ៊ុន សែន បាន​បញ្ជា​ឲ្យ​ដកហូត​កោះ​ដែល​មិន​បាន​អភិវឌ្ឍ​ប្រមាណ​ ៣០ ​មក​វិញ​ ខណៈ​អត្តសញ្ញាណ​របស់​ម្ចាស់​ក្បាល​ដី​ចំនួន​ ៥៨៤ ​ដែល​មាន​ទាំង​មន្ត្រី​មាន​អំណាច​កំពុង​ត្រូវបាន​ពិនិត្យ​រឿង​នៅ​ពី​ក្រោយ​ខ្នង​ការកាប់​ទន្ទ្រាន​យក​ដី​ដ៏ក្តៅគគុក​នៅ​កោះរ៉ុង ហើយ​មន្ត្រី​ជាន់ខ្ពស់​ខ្លះ​នឹង​មិន​ត្រូវ​ឲ្យ​ចូលរួម​បង្កើត​រដ្ឋាភិបាល​ថ្មី​នៅ​​អាណត្តិ​ក្រោយ​ឡើយ​។