The Phnom Penh Post Search

Search form




Logo of Phnom Penh Post newspaper Phnom Penh Post - ខជើងមាន់ ពី​ភូមិគ្រឹះ​លៀស ដល់​ថ្នាក់​ជនជាតិ​ថៃ​ លាន់មាត់​ថា ឆ្ងាញ់




ខជើងមាន់ ពី​ភូមិគ្រឹះ​លៀស ដល់​ថ្នាក់​ជនជាតិ​ថៃ​ លាន់មាត់​ថា ឆ្ងាញ់

Content image - Phnom Penh Post
ជើង​មាន់ខ សាច់​ផុយ​ងាយ​ទំពា រសជាតិ​ក៏ឆ្ងាញ់​នៅហាង​ភូមិគ្រឹះលៀស​។ ឈឹម ស្រីនាង

ខជើងមាន់ ពី​ភូមិគ្រឹះ​លៀស ដល់​ថ្នាក់​ជនជាតិ​ថៃ​ លាន់មាត់​ថា ឆ្ងាញ់

ភ្នំពេញ: ក្លិនឆួល​ម្ទេស​ចេញពី​ហាង​មួយកន្លែង​មានស្លាក​យីហោ​ថា​ភូមិគ្រឹះ​លៀស ស្ថិតនៅ​តាមផ្លូវ​លេខ ៥៥ ខាងក្រោយ​ក្រុមហ៊ុន​សែលកាត។

ម៉ូតូ​ឡាន​ជាច្រើន​ចតនៅ​ពីមុខ​ហាង​នេះ ហើយ​មានអ្នក​ឈរប្រែ​ចានដែក​ដែលមាន​លៀស ខ្យង នៅក្នុង​ចានលើ​ចង្ក្រាន។ អ្នក​ខ្លះទៀត​អង្គុយ​លាង​ខ្យង អាំង​កង្កែប និងឈរ​ចៀន​ប្រហិត​ត្រី​យ៉ាង​ញាប់ដៃ តប​នឹង​ការកុម្ម៉ង់​ម្ហូប​ពីភ្ញៀវ។

នៅ​ភូមិគ្រឹះ​លៀស ម្ហូប​ភាគច្រើន​ចម្អិនពី លៀស​សមុទ្រ លៀស​ទន្លេ ខ្យង កង្កែប និង​ក្តាមស្រែ​ជាដើម។ ដើមឡើយ ម្ហូប​នៅ​ភូមិគ្រឹះ​លៀស ច្រើនតែ​ចម្អិន​បែប​អាំង និងដុត​ប៉ុណ្ណោះ ប៉ុន្តែ​បច្ចុប្បន្ន ហាង​នេះបាន​កែច្នៃ​ជាម្ហូប​បែប​សម្លតុម​យ៉ាំ ដូចជា​លៀស​តុមយ៉ាំ និង​ក្ដាម​តុមយ៉ាំ។

ក្រៅពីនេះ​ក៏មាន​ប្រភេទ​ម្ហូបតាម​ចិញ្ចើមផ្លូវ​ដូចជា ព្រុយ​ត្រី​សាល់ម៉ុន និង​ជើងមាន់។ ខជើង​មាន់នៅ​ហាង​ភូមិគ្រឹះ​លៀស មិន​ត្រឹមតែ​ពេញនិយម​សម្រាប់​ភ្ញៀវខ្មែរ​នោះទេ សូម្បីតែ​ជនជាតិ​ថៃ​ដែល​មក​ទទួលទាន​នៅទីនេះ​ក៏ជាប់​ចិត្តនឹង​រសជាតិ​របស់​វាដែរ។

ម្ហូបនៅ​ភូមិគ្រឹះ​លៀស​ជាមធ្យម​មានតម្លៃ​ប្រមាណ ១ ម៉ឺន​រៀល។ ភូមិគ្រឹះ​លៀស​អាចទាក់ទង​តាម​ទូរស័ព្ទ​លេខ ០១៦ ២០៩ ០០០៕

អត្ថបទគួរចាប់អារម្មណ៍