The Phnom Penh Post Search

Search form




Logo of Phnom Penh Post newspaper Phnom Penh Post - ខ្ចៅ​ដូង​ចំហុយ​ម្ដុំ​វត្ត​ភ្នំ​លក់​ក្រោម​ម្លប់​ស្បូវ​




ខ្ចៅ​ដូង​ចំហុយ​ម្ដុំ​វត្ត​ភ្នំ​លក់​ក្រោម​ម្លប់​ស្បូវ​

Content image - Phnom Penh Post
ខ្ចៅ​ដូង​ចំហុយ​​មានទឹក​ជ្រលក់ ៣ រសជាតិ​។ ឈឹម ស្រីនាង

ខ្ចៅ​ដូង​ចំហុយ​ម្ដុំ​វត្ត​ភ្នំ​លក់​ក្រោម​ម្លប់​ស្បូវ​

ភ្នំពេញ: ស្ថិតនៅ​ខាង​ជើង​វត្ត​ភ្នំ ម្ដុំ​លក់​ម្ជូរ​ល្បី​នោះ តូប​ប្រក់​ស្បូវ​តូច​ច្រឡឹង​មាន​ចាន​ដែក​ដាក់​ខ្ចងខ្ចៅ​ពូន​ជា​ពំនូក​ច្រក​កំប៉ុង លម្អ​ដោយ​ម្ទេស​ទុំពណ៌​ក្រហម​ឆ្អិន​ឆ្អៅ។

ជ្រកក្រោម​ម្លប់​តូប​ស្បូវនេះ​ គឺ​ជានារី​វ័យ​ខ្ទង់ម្ភៃ​ឆ្នាំ​ប្លាយ ឈរ​ដួស​ខ្ចៅ​កំពុង​ចម្អិន​ក្ដៅៗ​លើ​ចង្ក្រាន​ដី​បួន​តម្រៀប​គ្នា។

នារី​ជាអ្នក​លក់​ដែល​មាន​ទឹកមុខ​រួស​រាយ​រាក់ទាក់​នេះ​បាន​និយាយ​ថា៖ «មុខ​របរ​លក់ខ្ចៅ​នេះ​មិនមែន​ជាមុខ​របរ​អ្វី​ថ្មីទេ ក៏ប៉ុន្តែ​បើសិន​ជាយើង​ចេះ​ច្នៃ​ប្រឌិត​ឲ្យ​វាប្លែក និង​មាន​អនាម័យ​បន្តិចទៅ គឺវា​អាច​ធ្វើ​ឲ្យរបរ​លក់ខ្ចៅ​ហ្នឹង​មានគេ​ចូលទិញ​ច្រើន។ អ៊ីចឹង​ហើយ​បាន​ជា (ខ្ញុំ) រៀបចំ​ដោយ​យក​ចង្ក្រាន​ដី មាន​កញ្រែ្ចង​ឫស្សី និង​តូប​ប្រក់ស្បូវ​ហ្នឹង​មកដាក់​លក់​ឲ្យវា​ត្រូវ​ជាមួយ​នឹង​ខ្ចៅ ព្រោះ​ថាខ្ចៅ​គឺ​វាភាគ​ច្រើន​សម្បូរ​នៅតាម​ស្រុក​ស្រែ។ ដូច្នេះ​ពេល​យើង​លក់វា យើង​មិន​បាច់ធ្វើ​តូប​អ្វីឲ្យ​វា​ទាន់​សម័យ​អីទេ ធ្វើ​លក្ខណៈ​តាម​ទីជន​បទ​ទៅគឺ​វាគួរ​ឲ្យ​ទាក់​ទាញ​ហើយ»។

កញ្ញា​បាន​ឲ្យដឹង​ថា៖ «នៅ​ពេល​លក់​ដំបូង ១ ថ្ងៃលក់​បាន​តែ ២០ កំប៉ុង​ទេ តែ​ឥឡូវ​មាន​ភ្ញៀវ​ស្គាល់​ច្រើន អ៊ីចឹង ១ ថ្ងៃអាច​លក់​បាន​រហូត​ដល់ ១០០ កំប៉ុង»។

ខ្ចៅ ១ កំប៉ុង​តម្លៃ ២៥០០ រៀល ហើយ​អតិថិជន​នឹង​ទទួល​បាន​ទឹក​ជ្រលក់ ៣ រសជាតិ​គឺ ទឹក​អំបិលមី ទឹក​ជ្រលក់​អំបិល​ម្រេច និង​ទឹក​ត្រី​អប់​ស្លឹក​គ្រៃ​ផងដែរ៕​

អត្ថបទគួរចាប់អារម្មណ៍