The Phnom Penh Post Search

Search form




Logo of Phnom Penh Post newspaper Phnom Penh Post - ខ្យងឆា​ខ្ទិះ​រសជាតិ​ពិសេស តម្លៃ ៨០០០ រៀល ពី​អាហារដ្ឋាន ៣ ជំនាញ




ខ្យងឆា​ខ្ទិះ​រសជាតិ​ពិសេស តម្លៃ ៨០០០ រៀល ពី​អាហារដ្ឋាន ៣ ជំនាញ

Content image - Phnom Penh Post
ខ្យង​ឆាខ្ទិះ​ហឹរឆ្ងាញ់ ១ ចាន​តម្លៃ ៨០០០ រៀល។ ហុង មិនា

ខ្យងឆា​ខ្ទិះ​រសជាតិ​ពិសេស តម្លៃ ៨០០០ រៀល ពី​អាហារដ្ឋាន ៣ ជំនាញ

ភ្នំពេញ: បើ​និយាយ​ពីខ្យង​ដុត​ឬមួយ​ក៏ខ្យង​ឆា បច្ចុប្បន្ន​នេះ​គឺមាន​លក់​ស្ទើរ​គ្រប់​កន្លែង​ទាំង​ហាង​តូច និង​ហាងធំ មិនថា​ខ្យង​ដុត ខ្យងឆា​ម្រះព្រៅ ឬ​ខ្យងការី។ ប៉ុន្តែការ​ចម្អិន​វិញ​គឺមាន​រូបមន្ត និង​លក្ខណៈ​ខុសៗគ្នា។

ចំពោះ អាហារដ្ឋាន ៣ ជំនាញ ស្ថិត​នៅ​ផ្ទះ​លេខ ៧ ផ្លូវ ៤០២ គឺមាន​គ្រឿងផ្សំ​ពិសេស​សម្រាប់​ចម្អិន​ជាមួយ​ខ្យង​ទាំងការ​លាយ​ទឹកជ្រលក់។

លោក សយ វិរៈ ម្ចាស់​អាហារដ្ឋាន ៣ជំនាញ បាន​និយាយថា៖ «សម្រាប់​មុខម្ហូប​ខ្យង​នៅក្នុង​ហាង​របស់​ខ្ញុំ​គឺមាន​ការពេញ​និយម​កុម្ម៉ង់​ច្រើន ដោយសារ​វាមាន​រសជាតិ​ប្លែក​មាត់​ជាមួយ​និង ទឹកជ្រលក់ និង​គ្រឿងផ្សំ​តែម្តង ដូចជា​ខ្យង​អាំង និង​ខ្យងឆា​ខ្ទិះដូង​ពិសេស»។

ខ្យងឆា​ខ្ទិះ​ដែល​អាច​ទទួល​ទាន​ជាមួយ​បាយ មាន​រសជាតិ​ហឹរៗ និង​មាន​ក្លិន​គ្រឿង​ឈ្ងុយ​តែម្ដង។

សម្រាប់​ម្ហូប​ខ្យងឆា​ខ្ទិះដូង លោក​បាន​រៀបរាប់​ទៀត​ថា៖ «យើង​ចម្អិន​ជាមួយ​នឹង​ខ្ទិះដូង ម្សៅ​ការី និង​ម្ទេស​ហឹរ​យកវា​មកឆា​ជាមួយ​គ្នា។ លក្ខណពិសេស​គឺយើង​ត្រូវ​លាង​សម្អាត​ខ្យងធ្វើ​យ៉ាងម៉េច​ឲ្យជ្រះ​ដីឲ្យ​អស់​ទើប​ឆា​ទៅវា​មាន​រសជាតិ​ឆ្ងាញ់ គឺខ្ញុំ​ត្រូវ​ត្រាំ​ខ្យង​ឲ្យវា​ចេញដី​ឲ្យអស់​រយៈពេល​មួយថ្ងៃ មុន​យក​វាមក​ចម្អិន»។

សម្រាប់​ខ្យងឆា​ខ្ទិះ​ហឹរ​នេះ​គឺមួយ​ចាន​តម្លៃ ៨០០០ រៀល។ អាហារដ្ឋាន ៣ ជំនាញ ក៏មាន​បម្រើ​ម្ហូប​កង្កែប​អាំង​មួយចាន ១២ ០០០ រៀល ឆ្អឹងជំនីរ​ជ្រូក ៨ ០០០ រៀល និង​អាហារ​ជាច្រើន​ទៀត។ ទូរស័ព្ទ​លេខ ០៨៩ ៧៧៨ ៨៧៧៕

អត្ថបទគួរចាប់អារម្មណ៍