The Phnom Penh Post Search

Search form




Logo of Phnom Penh Post newspaper Phnom Penh Post - គុយ​ទាវ​គ្រឿង​សមុទ្រ​ពិសេស​ទឹក​សៀង​ពីរ​រស​ជាតិ ​ពី​​ផាក​កាហ្វេ




គុយ​ទាវ​គ្រឿង​សមុទ្រ​ពិសេស​ទឹក​សៀង​ពីរ​រស​ជាតិ ​ពី​​ផាក​កាហ្វេ

Content image - Phnom Penh Post
គុយទាវ​គ្រឿង​សមុទ្រ​គ្រប់​មុខ​ឈ្ងុយ​ផ្កា​គូឆាយ​ពីហាង​ផាក​កាហ្វេ។ រូប សហការី

គុយ​ទាវ​គ្រឿង​សមុទ្រ​ពិសេស​ទឹក​សៀង​ពីរ​រស​ជាតិ ​ពី​​ផាក​កាហ្វេ

ភ្នំពេញ: សម្រាប់​អ្នក​ដែល​ចូល​ចិត្ត​បរិភោគ​អាហារ​គ្រឿង​សមុទ្រ​ជាមួយ​គុយ​ទាវ ​ឥឡូវ​នេះ​ហាង ផាក​កាហ្វេ​បាន​ប្រកាស​ដាក់​លក់​ម្ហូប​ថ្មី​របស់ខ្លួន​គឺ «មី​គ្រឿង​សមុទ្រ​ពិសេស» Seafood Cocktail Noodle ដែល​បាន​ដាក់​លក់​តាំង​ពី​ថ្ងៃទី ១ ខែ​កញ្ញា​កន្លង​មកនេះ ជាមួយ​តម្លៃ​យ៉ាង​សម​រម្យ។

មី​គ្រឿង​សមុទ្រ​ពិសេស​មាន​ទឹក​ស៊ុប​យ៉ាង​ឈ្ងុយ​ឆ្ងាញ់ រស​ជាតិ​ប្លែក ជាមួយ​ក្លិន​ដ៏​ប្រហើរ​ពី​គ្រឿង​សមុទ្រ ស្រស់ៗ​មាន​ដូច​ជា គ្រំ​សមុទ្រ​នូវែល​សេឡង់​ គ្រំ​ស្គា​ឡុ​ប បង្គា​ស្រស់​ខ្នាត​ធំ បន្ថែម​ជាមួយ​ប្រហិត​ត្រី​លេខ ១ ផ្កាគូ​ឆាយ​ស្រស់​ៗ ស្លឹក​ខ្ទឹម​ខ្យល់ បន្ថែម​រសជាតិ​កាន់តែ​ប្លែក​ជាមួយ​ទឹក​សៀង​ពីរ​រស​ជាតិ​ផ្សេង​គ្នា។

ក្នុង​កម្មវិធី​ដាក់លក់​នូវមុខ​ម្ហូប​ថ្មី​នេះ​ផង នៅ​គ្រប់​សាខា​ផាក​កាហ្វេ​មាន​កម្មវិធី​ពិសេស​សម្រាប់​អាហារ​សម្រន់​ដែល​លោក​អ្នក​អាច​ពិសា​ជាមួយ មី​គ្រឿង​សមុទ្រ​ពិសេស នោះ​គឺ ចាយ៉​បំពង ៣ ដុំ។

សម្បក​ចាយ៉​ស្រួយៗ ដែល​មាន​សាច់​ជ្រូក​ចិ​ញ្ច្រាំ បង្គា ត្រាវ ការ៉ុត​ជា​សរសៃ​ៗ នៅ​ខាង​ក្នុង បំពង​ក្តៅៗ។ គ្រប់​អតិថិ​ជន​ដែល​បាន​ទិញ​មី​គ្រឿង​សមុទ្រ​ពិសេស មួយ​ចាន អតិ​ថិជន​អាច ទិញចា​យ៉​បំពង (៣ដុំ) ក្នុង​តម្លៃ ០,៩៩ ដុល្លារ​តែ​ប៉ុណ្ណោះ។

ជា​ភោជ​នីយ​ដ្ឋាន​ក្នុង​ស្រុក​ដែល​ល្បី​ចម្អិន​អាហារ​ដោយ​មិន​ប្រើប៊ី​ចេង ហាង ផាកកា​ហ្វេដែល​បើក​បម្រើ​ភ្ញៀវ​លើស​មួយ​ទសវត្សរ៍​ទៅ​ហើយ​នោះ​មក​ដល់​សព្វ​ថ្ងៃ​នេះ​មាន​សាខា​ចំនួន ១០ កន្លែង​នៅ​រាជធានី​ភ្នំពេញ ដូច​ជាម្ដុំ​សាលា​បាក់ទូក ពេទ្យ​កាល់​ម៉ែត បឹង​កេង​កង និង​សន្ធរ​ម៉ុក​ជាដើម៕

អត្ថបទគួរចាប់អារម្មណ៍