The Phnom Penh Post Search

Search form




Logo of Phnom Penh Post newspaper Phnom Penh Post - គុយទាវ​ឆា​ត្រសក់​ចាវ រសជាតិ​ឆ្ងាញ់​ផ្ដាច់​មុខពី​ហាង​ អ៊ុយ គុយទាវ​​




គុយទាវ​ឆា​ត្រសក់​ចាវ រសជាតិ​ឆ្ងាញ់​ផ្ដាច់​មុខពី​ហាង​ អ៊ុយ គុយទាវ​​

Content image - Phnom Penh Post
គុយទាវ​ឆា​ត្រសក់​ចាវ មាន​រសជាតិ​ឆ្ងាញ់​ប្លែក​ពុំធ្លាប់​មាន​ឡើយ​។ ឈឹម ស្រីនាង

គុយទាវ​ឆា​ត្រសក់​ចាវ រសជាតិ​ឆ្ងាញ់​ផ្ដាច់​មុខពី​ហាង​ អ៊ុយ គុយទាវ​​

ភ្នំពេញ: ស្ថិតក្នុង​រដូវកាល​នេះ​ ត្រសក់​ស្រូវ​កំពុង​ពេញ​ប្រមូល​ផល ហើយ​ក៏​​សម្បូរ​ប្រជាជន​នៅតាម​ស្រុកស្រែ​ចម្ការ​​ធ្វើ​ត្រសក់​ចាវលក់​ផងដែរ។​

ត្រសក់​ចាវ​ត្រូវបាន​ប្រជាជន​ខ្មែរ​និយម​ទទួល​ទាន​ជាមួយ​បាយ​ បបរ​ស ឬ​គ្រឿង​ក្លែម​ជាដើម។

ប៉ុន្តែ​មិនសូវ​មាន​អ្នក​យក​ត្រសក់​ចាវមក​ច្នៃ​ធ្វើជា​មុខ​ម្ហូប​អ្វីប្លែក​ជាង​នេះឡើយ។ យ៉ាង​ណាមិញ មេចុងភៅ​ល្បីនៅ​កម្ពុជា​លោក លូ ម៉េង បាន​លើក​ឡើងពីការ​ប្រើ​ត្រសក់​ចាវធ្វើ​ជាគ្រឿង​ផ្សំ​មុខម្ហូប​បាន​ជាច្រើន​មុខ។

ជាមួយ​បទ​ពិសោធ​ចម្អិន និង​កែច្នៃ​ម្ហូប​ជាច្រើន​ឆ្នាំ​​ សហគ្រិន​ភោជនីយដ្ឋាន​ដ៏​ជោគជ័យ​រូបនេះ​បាន​លើក​ឡើង​ថា៖ «ត្រសក់​ចាវ​អាច​យកទៅ​ឆាខ្ញី​សាច់ទា ឆា​គ្រឿង​ក្នុង ចំហុយ​ត្រី​ជាមួយ​ទឹក​ស៊ីអ៊ីវ ជា​ពិសេស​គឺ​ឆាជាមួយ​គុយទាវ»។

សម្រាប់​គុយទាវ​ឆាជាមួយ​ត្រសក់​ចាវ រសជាតិ​របស់វា​ជូរប្រៃ​ស្រដៀង​នឹង​ឆៃប៉ូវ​ដែរ ប៉ុន្តែ​ត្រសក់​ចាវ​មាន​ភាពស្រួយ​ឆ្ងាញ់​ជាង។

គុយទាវ​ឆា​ត្រសក់ចាវ​​ប្រើ​បន្លែ​ និង​សាច់​ដូចជា​សណ្ដែក​បណ្ដុះ ផ្កា​គូឆាយ បង្គា ខ្ទឹម​ក្រហម សាច់ជ្រូក​ចិញ្ច្រាំ និង​ពងមាន់​ចៀន។ គ្រឿង​ផ្សំ​ទាំង​នេះ ត្រូវបាន​ឆា​ជាមួយ​ត្រសក់​ចាវជូរ​ប្រៃ នាំមក​នូវ​រសជាតិ​ថ្មីប្លែក​មួយ​បែប ញ៉ាំទៅ​មិន​រងាន់។

ភោជនីយដ្ឋាន អ៊ុយ ​គុយទាវ សាខា​ទី៣ ទើប​នឹង​បើក​ថ្មី​ថ្មោង​ តាម​បណ្តោយ​ផ្លូវកម្ពុជា​ក្រោម (ផ្លូវ​ ១២៨) ផ្ទះលេខ ៨៩៩ សង្កាត់​ទឹក​ល្អក់ ខណ្ឌ​ទួលគោក ទំនាក់​ទំនង​ទូរស័ព្ទ​លេខ ០១៥ ៩១៦​ ៨៦៨៕

អត្ថបទគួរចាប់អារម្មណ៍