The Phnom Penh Post Search

Search form




Logo of Phnom Penh Post newspaper Phnom Penh Post - គុយទាវ​ម្សៅ​អង្ករ ៤ ទសវត្សរ៍​ ទេសចរ​តម្រង់​ជួរគ្នា​ញ៉ាំ​នៅតៃប៉ិ




គុយទាវ​ម្សៅ​អង្ករ ៤ ទសវត្សរ៍​ ទេសចរ​តម្រង់​ជួរគ្នា​ញ៉ាំ​នៅតៃប៉ិ

Content image - Phnom Penh Post
គុយទាវ​ម្សៅអង្ករ​ដែលមាន​តម្លៃ​ពី ១,៥ ដុល្លារ ទៅ ២ ដុល្លារ។ ឈឹម ស្រីនាង

គុយទាវ​ម្សៅ​អង្ករ ៤ ទសវត្សរ៍​ ទេសចរ​តម្រង់​ជួរគ្នា​ញ៉ាំ​នៅតៃប៉ិ

ក្រុងតៃប៉ិ: ភ្ញៀវទេសចរ​ជាច្រើន​មកពី​បណ្តាល​ប្រទេស​នានា​ដើម្បី​តម្រង់​ជួរញុំា​អាហារ​ពិសេស​ប្រចាំ​ទីក្រុង​តៃប៉ិ ​គឺ​គុយទាវ​ធ្វើ​ពីម្សៅ​អង្ករ​ដើម​កំណើត​តាំងពី​ឆ្នាំ ១៩៧៥ មក​ម្ល៉េះ នៅក្នុង​តំបន់ Xi-mending ដែល​ជា​តំបន់​សម្បូរ​ទៅដោយ​ភ្ញៀវ​អន្តរជាតិ​មកម្តុំ​គ្នា​ដើរ​កម្សាន្ត​ទិញវត្ថុ​អនុស្សាវរីយ៍ និងមាន​អាហារ​ឆ្ងាញ់ៗ​លក់​តាម​ផ្លូវ​ជាហូរហែ។

តែ​ក្នុង​ចំណោម​ម្ហូប​ទាំងនោះ ភ្ញៀវ​ភាគច្រើន​គឺ​មកតម្រង់​ជួរត​កន្ទុយ​គ្នាញ៉ាំ​គុយទាវ​ធ្វើពី​ម្សៅ​អង្ករ​របស់​ហាង Ay-Chung Flour-Rice Noodle។

ភ្ញៀវ​ទេសចរ​ទាំងអស់​ដែល​មកលេង​តៃប៉ិ​គឺមិន​ដែល​រំលង​គុយទាវ​ធ្វើ​ពីម្សៅ​របស់​ហាង​នេះទេ ​ដោយ​ម្នាក់ៗ​មក​តម្រង់​ជួរ​ញុំា​តាំងតែ​ពី​ព្រលឹម។

ភ្ញៀវ​ដែល​មក​រង់ចាំ​ញុំា​គុយទាវ​នេះ​ភាគច្រើន​គឺ​ឈរ​ញុំា​ទាំងអស់ ព្រោះ​កន្លែង​អង្គុយ​គឺមាន​តែ​ពីរបី​តុតូចៗ​តែ​ប៉ុណ្ណោះ។ អ៊ីចឹង​ហើយ​សម្រាប់់​ភ្ញៀវ​ដែលចង់​អង្គុយ​ គួរ​តែមក​ពេល​ព្រឹក និង​មិន​ចាំ​បាច់​តម្រង់​ជួរយូរ។

គុយទាវ​នេះ​ពិសេស​ជាង​គុយទាវ​ផ្សេង​ទៀត​ត្រង់​ថាគេ​ប្រើ​គ្រឿងផ្សំ​ពី Mee Sua soup ជាមួយ​សាច់​ជ្រូក​ចិញ្ច្រាំ​​មូលជា​ដុំតូចៗ ដុំ​សាច់​មឹក​ពិសេស​តាម​បែប​ម្ហូប​ប្រពៃណី​របស់​តៃវ៉ាន់។ ​យើង​អាច​ញុំា​គុយទាវ​នេះ​ជាមួយនិង​ទឹកម្ទេស​ហ្មត់​ពិសេស​ប្រចាំ​ហាង ទឹកខ្មេះ​ខ្មៅ និង​ខ្ទឹមស​ចិញ្ច្រាំ គ្រឿង​ផ្សំបន្ថែម​ទាំងបី​មុខ​នេះ​គឺ​រឹតតែ​ធ្វើឲ្យ​​គុយទាវ​ឆ្ងាញ់​ជាប់មាត់ ញ៉ាំ​អស់ ១ ចានចង់​ថែម ១ ចាន​ទៀត។

គុយទាវ​ចាន​តូច​មានតម្លៃ ១,៥០ ដុល្លា និង​ចាន​ធំ​តម្លៃ ២ ដុល្លារ៕​

អត្ថបទគួរចាប់អារម្មណ៍