The Phnom Penh Post Search

Search form

Logo of Phnom Penh Post newspaper Phnom Penh Post - គ្រឿង​ក្នុងជ្រូក​ប្រហិត​ឆឹង​ទឹកម្ទេស​នៅ​ហាង ទឹកម្ទេស សាខា​ទួលទំពូង​




គ្រឿង​ក្នុងជ្រូក​ប្រហិត​ឆឹង​ទឹកម្ទេស​នៅ​ហាង ទឹកម្ទេស សាខា​ទួលទំពូង​

Content image - Phnom Penh Post
គ្រឿង​ក្នុង​ជ្រូក និង​ប្រហិត​ឆឹង​ទឹកម្ទេស​លើ​ចង្ក្រាន​ក្ដៅៗ​។ ឈឹម ស្រីនាង

គ្រឿង​ក្នុងជ្រូក​ប្រហិត​ឆឹង​ទឹកម្ទេស​នៅ​ហាង ទឹកម្ទេស សាខា​ទួលទំពូង​

ភ្នំពេញ: ដើមឡើយ គ្រឿង​ក្នុងជ្រូក និង​ប្រហិត​ដោត​ចង្កាក់ ច្រើន​តែមាន​លក់​នៅ​ក្នុងផ្សារ​តែប៉ុណ្ណោះ។ ប៉ុន្តែ​សព្វ​ថ្ងៃ អាហារ​បែបចិញ្ចើម​ថ្នល់​នេះ​ត្រូវ​បាន​អាហារដ្ឋាន​តូចៗ​យក​មក​បម្រើ​ភ្ញៀវ​ក្នុងទីតាំង​សមរម្យ មាន​កន្លែង​អង្គុយស្អាតបាត​ និង​ចំណតយាន​យន្ដ​ងាយសំចត​ទទួលទាន។

ស្ថិត​នៅ​ផ្ទះលេខ ៦២ អឺ ផ្លូវ ៤៥៦ ម្ដុំ​ទួលទំពូង លោក​អ្នកនឹង​បាន​ឃើញ​ស្លាកយីហោ​រូប​ខ្ទះខ្មៅ​ និង​រូប​ម្ទេស​ក្រហម​ឆ្អិនឆ្អៅ​ហោះ​ពីលើ​ខ្ទះ​នោះ។

ស្វាគមន៍​មក​កាន់​ហាង ទឹកម្ទេស ដែល​មាន​តុកៅអី​ឈើ​ទាបៗ មាន​អតិថិជន​ត្រៀបត្រា​អង្គុយ​ជុំគ្នាកាន់​ចង្កាក់ឈើ​ចាក់​ប្រហិត និង​គ្រឿង​ក្នុង​ជ្រូក​នៅ​ក្នុង​ខ្ទះ​ក្ដៅ​ហុយៗ។

ភ្ញៀវ​ភាគ​ច្រើន​ដែ​ល​មក​ទីនេះ ដំបូង​នាំ​គ្នា​ទៅ​រើស​ចង្កាក់ពោះ​វៀនជ្រូក ក្រពះ លំពែង សួត ត្រចៀក ប្រហិតត្រី និង​ប្រហិត​សាច់គោ រួច​ហុច​ទៅ​ឲ្យ​ម្ចាស់ហាង​ផ្សំគ្រឿង។ បន្ទាប់មក​ពេល​អតិថិជន​អង្គុយ​រង់ចាំ​នៅ​តុ​មួយ​ភ្លែត ទើប​ខ្ទះ​ដែល​មាន​អាហារ​ពួកគេ​កុម្ម៉ង់​ត្រូវ​បាន​លើក​យក​មក​ដល់។​

ប្រហិត​ និង​គ្រឿង​ក្នុង​ជ្រូក​ឆឹង​ក្ដៅៗ​នេះ គេ​ទទួលទាន​ជាមួយ​បន្លែ​ជីររណារ ត្រសក់ ការ៉ុដ ហើយ​ជ្រលក់ជាមួយ ទឹក​អម្ពិលទុំ និង​ទឹក​តៅហ៊ូ​ម្ទេស។

ក្រៅពី​ប្រហិត និង​គ្រឿង​ក្នុង​ជ្រូក​ឆឹង ហាង​ទឹក​ម្ទេស​ក៏​មាន​បម្រើ​អាហារ​ប្លែកៗ​ផ្សេង​ទៀត​ដូចជា លៀស​សមុទ្រ​មួយខ្ទះ ៣០០០ រៀល ខ្យង​ហូល​ការី ៧០០០ រៀល ងាវ​អប់​អំបិលម្ទេស​ ១០០០០ រៀល ផាក់​ឡូវ​មួយចង្កាក់ ១៥០០ រៀល និង​ប្រហិតចង្កាក់ ២០០០ រៀល៕

អត្ថបទគួរចាប់អារម្មណ៍