សៀមរាប: ជិតចូលឆ្នាំចិនហើយ តែមិនដឹងជាទៅលេងនៅទីណាមែនទេ? តោះទៅលេងសៀមរាប ដែលជាតំបន់ ទេសចរណ៍មានកន្លែងដើរលេងច្រើន ជាពិសេសនោះគឺកន្លែងញ៉ាំអីតែម្តង ដោយសារតែអាជីវករនៅទីនោះចេះច្នៃប្រឌិតមុខម្ហូបពិសេសៗជាច្រើនបំពេញតម្រូវការអតិថិជន។
បន្ទាប់ពីយើងដើរលេងពេលថ្ងៃហត់នឿយហើយ នៅពេលយប់ប្រាកដជាចង់រកកន្លែងសម្រាប់អង្គុយញ៉ាំអី ឬក៏ក្រេបស្រា ជុំមិត្តភក្តិជាមិនខាន។
ក្នុងចំណោមកន្លែងដើរលេងទទួលទានពេលរាត្រី ផ្សាររាត្រីអេហ្វែលថាមខនធេនន័រ សៀមរាប ជាទីសម្បូរទៅដោយមុខម្ហូបច្រើនជម្រើស ដែលមានរសជាតិឆ្ងាញ់ប្លែកពីនៅភ្នំពេញ។
ដោយសារតែជិតដល់រដូវកាលចូលឆ្នាំចិន លោកអ្នកអាចសាកល្បងញ៉ាំម្ហូបចិន បែបអាហារតាមផ្លូវនៅក្នុងហាង A Bite of China ដែលមានលក់ម្ហូបគ្រឿងសមុទ្រអាំងបែបចិន និងគាវ មានតម្លៃសមរម្យ ដោយគិតជាចង្កាក់ មួយចង្កាក់ចាប់ពី ១០០០ រៀលរហូតដល់ ៨០០០ រៀល។
ចំពោះរសជាតិវិញគឺស្រដៀងនឹងម្ហូបនៅបរទេស ដោយសាររូបមន្តនៃការប្រឡាក់ និងធ្វើគឺយកមកផ្ទាល់ពីចិនតែម្តង។ ដូច្នេះសម្រាប់អ្នកឃ្លានគ្រឿងសមុទ្រអាំងប្រឡាក់គ្រឿងចិនគឺអាចមកសាកល្បងនៅហាង A bite of China បានជាមួយនឹងតម្លៃសមរម្យ និងការចម្អិនភ្លាម។
A bite of china ស្ថិតនៅក្នុងផ្សាររាត្រីអេហ្វែលថាមខនធេនន័រ សៀមរាប ស្ថិតនៅផ្លូវស៊ីវត្ថា ទូរស័ព្ទលេខ ០៧៧ ៨៨ ៥៨ ១៦៕