The Phnom Penh Post Search

Search form




Logo of Phnom Penh Post newspaper Phnom Penh Post - គ្រំអាំង​ខ្ទឹម​ក្រហម​ពីរ​រសជាតិ សម្រាប់​អ្នកចេះ​ហឹរ និង​មិនចេះ​ហឹរ​




គ្រំអាំង​ខ្ទឹម​ក្រហម​ពីរ​រសជាតិ សម្រាប់​អ្នកចេះ​ហឹរ និង​មិនចេះ​ហឹរ​

Content image - Phnom Penh Post
គ្រំ​អាំង​ខ្ទឹម​ក្រហម​ពិសេស ១ ចាន​តម្លៃ​ត្រឹមតែ ៦០០០ រៀល។ ឈឹម ស្រីនាង

គ្រំអាំង​ខ្ទឹម​ក្រហម​ពីរ​រសជាតិ សម្រាប់​អ្នកចេះ​ហឹរ និង​មិនចេះ​ហឹរ​

ភ្នំពេញ: ប្រិយមិត្ត​​ដែល​ចង់ញ៉ាំ​អាហារ​តាម​ចិញ្ចើមផ្លូវ​ដែលមាន​រសជាតិ​ឆ្ងាញ់ ក្នុង​បរិយាកាស និងទីតាំង​ស្អាត ហាង The Street អាចជា​ជម្រើស​ដ៏​ប្រសើរ។ ការតុប​តែង​ហាងនេះ​មាន​លក្ខណៈ​សាមញ្ញ​បែប​យុវវ័យ ហើយ​ជម្រើស​អាហារ​ត្រូវបាន​ច្នៃ​ប្រឌិត​ថ្មីៗ​ជា​រៀងរាល់​ខែ​តែម្ដង។​

សម្រាប់​ខែនេះ មុខ​ម្ហូបថ្មី​មាន​ដូចជា កោះ​មាន់​ក្រឡុក​ខ្ទឹមស​ប្រៃផ្អែម មឹក​អាំង​អំបិល​ម្ទេស​ និងគ្រំ​អាំង​ខ្ទឹម​ក្រហម​ពីរ​រសជាតិ។ ចំពោះ​ម្ហូបគ្រំ​អាំង​ខ្ទឹម​ក្រហម​នេះ សម្រាប់​អ្នកចេះ​ហឹរ គ្រំ​មាន​ស្រូបទឹក​ត្រីម្ទេស​ពិសេស​ប្រចាំ​ហាង។ ដោយ​ឡែកស​ម្រាប់អ្នក​មិនចូល​ចិត្ត​ហឹរ អាច​ស្រូបទឹក​ម្រេចក្រូច​ឆ្មារ​ជំនួស។

ក្នុង​មួយចាន​តម្លៃ ៦ ពាន់​រៀល ​មាន ៥ គ្រំ អតិថិជន​ទទួល​បាន​រសជាតិ​ផ្អែម បន្ថែម​ខ្ទឹម​ក្រហម​បំពង​ឈ្ងុយ​ រឹតតែ​ឆ្ងាញ់​ ក្លែម​ទឹក​ត្រចៀក​ក្រាញ់​ត្រជាក់​ស្រេង រឹត​តែត្រូវ​គ្នា។

ស្ថិត​នៅផ្ទះ​លេខ ២០២ ផ្លូវ ១៤៣ សង្កាត់​បឹងកេងកង ២ ខណ្ឌ​ចំការមន The Street មាន​ការ​តុបតែង​បែប​យុវវ័យ​ទាន់សម័យ ​ស័ក្ដិសម​ជាកន្លែង​ទទួលទាន​អាហារ និង​ជជែក​គ្នាលេង​កម្សាន្ត។ ​នៅលើ​ជញ្ជាំង​មាន​រូបភាព​គូរជា​ផ្លូវ គំនូរ​អំពូល​ភ្លើង អគារ​ចាស់ៗ និងមាន​បំពាក់​កង្ហារបី​បួន នៅ​ពីលើ​តុ​កៅអី​ឈើ។

ទន្ទឹមនឹង​នោះ​ក៏មាន​មុខម្ហូប​ប្លែកៗ​ដូចជា ប្រហិត​ត្រីរុំ​គល់​ស្លឹកគ្រៃ​បំពង សាច់គោ​អាំងរុំ​ផ្សិត​ម្ជុល​ ព្រុយ​ត្រី​សាល់ម៉ុន​អាំង​អំបិលម្ទេស ប្រហិត​ភ្នំភ្លើង​ទឹកកក ជើងមាន់​ហោះ ផ្សិត​ខ្មៅ​ញាត់​ប្រហិត​ត្រីបំពង ជាដើម៕

អត្ថបទគួរចាប់អារម្មណ៍