The Phnom Penh Post Search

Search form




Logo of Phnom Penh Post newspaper Phnom Penh Post - ងាវហោះ​សំដិល​លើម្រះ​រសជាតិ​ហឹរឆ្ងាញ់​អស់ស្ទះ




ងាវហោះ​សំដិល​លើម្រះ​រសជាតិ​ហឹរឆ្ងាញ់​អស់ស្ទះ

Content image - Phnom Penh Post
ងាវហោះ​ពោរពេញ​ដោយ​ម្ទេស​ក្រហម​ឆ្អិនឆ្អៅ​។ ឈឹម ស្រីនាង

ងាវហោះ​សំដិល​លើម្រះ​រសជាតិ​ហឹរឆ្ងាញ់​អស់ស្ទះ

ភ្នំពេញ: ផ្ដើមចេញពី​ការធ្វើ​ញ៉ាំជា​លក្ខណៈ​គ្រួសារ​ជួបជុំ​បងប្អូន ម្ចាស់​ហាងម្ជូរ និងក្ដាម​ក្រឡុក​ឆ្ងាញ់​សន្លប់ បាន​នឹកឃើញ​បើក​តូបតូច​មួយ​នៅ​ពីមុខ​ផ្សារ​ផេនសល មាត់ទន្លេ លក់​បុកល្ហុង និង​ម្ជូរក្រឡុក ជាការ​សាកល្បង​ប៉ុណ្ណោះ។

ជំនួញ​ខ្នាតតូច​នេះ​ទទួលបាន​ភាពជោគជ័យ ជាមួយ​អតិថិជន​ចោមរោម​ទិញ​ជាច្រើន ទើប​ម្ចាស់​ហាង​បានសម្រេច​ចិត្ត​បើកសាខា​មួយទៀត​នៅក្រោយ​វាំង ម្ដុំមីបួស។ កត្តា​មួយ​ដែលធ្វើ​ឲ្យ​មនុស្ស​ល្បីតៗគ្នា​មកទិញ​ញ៉ាំនោះ គឺ​រសជាតិ​ភ្លា​ក្ដាមសេះ ដោយ​គ្រាន់តែ​ឃើញ​រូបភាព​ភ្លាម​អាចធ្វើ​ឲ្យ​ប្រិយមិត្ត​ស្រក់ទឹកមាត់​ចង់ញ៉ាំ​តែម្ដង។

ហាង​មានមុខ​ម្ហូប​ដូចជា កំពឹស​លោត​ដាក់​កំប៉ុង តម្លៃ ១២០០០ រៀល ខ្យង​ឆាគ្រឿង ១០០០០ រៀល ងាវហោះ ១០០០០ រៀល កង្កែប​ស្រែ​អាំង​ជាមួយ​ក្ដឹប​អម្ពិល បង្គា​កោះកុង​ហឹរហោះ បុកល្ហុង​ណែម​ពិសេស ឡាប​ខ្យង នំ​បញ្ចុក​ពោះគោ និងម្ជូរ​ក្រឡុក​គ្រប់ប្រភេទ។

សម្រាប់​ម្ហូបងាវ​ហោះ​នេះ ម្ចាស់​ហាង​បានជ្រើសរើស​នូវងាវ​ដែល​ស្រស់​ល្អ ចៀសវាង​ក្លិន​មិនល្អ។ ងាវត្រូវ​ស្រុស​មួយ​ភ្លែត ធ្វើយ៉ាងណា​ឲ្យនៅ​ស្រស់ និងសល់​ឈាមតិច។ ងាវដែល​ស្រុសរួច​ត្រូវ​ស្រូបទឹក​ត្រី​ហឹរ​ប្រចាំ​ហាង ដោយ​លាយ​ជាមួយ​ម្ទេសខ្ទឹម​ចិញ្ច្រាំ​ជួយ​កាត់ឆ្អាប។

រសជាតិ​ម្ហូបនេះ​តម្រូវ​ឲ្យវា​ហឹរខ្លាំង ហើយ​ផ្ទាប់​បន្លែ​ចំណិត​ម្រះ។ សម្រាប់​អ្នក​មិនសូវ​ចេះរសជាតិ​ល្វីង ពួកគេ​ក៏អាច​កុម្ម៉ង់​ជីរណា​ទ្រាប់​ពីក្រោម​ជំនួស​ម្រះ​ក៏បាន។ ហាង ម្ជូរ និង​ក្ដាម​ក្រឡុក​ឆ្ងាញ់​សន្លប់ ស្ថិតនៅ​ម្ដុំក្រោយ​វាំង អាច​ទំនាក់ទំនង​ទូរស័ព្ទ​លេខ ០៩៦ ៧៣ ៥៦ ៦៧៦៕

អត្ថបទគួរចាប់អារម្មណ៍