The Phnom Penh Post Search

Search form




Logo of Phnom Penh Post newspaper Phnom Penh Post - ចង់ភ្លក្ស​រសជាតិ​ជើង​ជ្រូក​ ហុងកុង ទៅ​ម្ដុំបឹង​កេងកង​ក៏អាច​ញ៉ាំបាន




ចង់ភ្លក្ស​រសជាតិ​ជើង​ជ្រូក​ ហុងកុង ទៅ​ម្ដុំបឹង​កេងកង​ក៏អាច​ញ៉ាំបាន

Content image - Phnom Penh Post
ជើងជ្រូក​ហុងកុង ជាមួយនំប៉ាវ​អត់​ស្នូល នៅ​ហាង ប៊ុង្គុត។ ហុង មិនា

ចង់ភ្លក្ស​រសជាតិ​ជើង​ជ្រូក​ ហុងកុង ទៅ​ម្ដុំបឹង​កេងកង​ក៏អាច​ញ៉ាំបាន

ភ្នំពេញ: ទោះជា​អ្នក​កំពុងតែ​តម​អាហារ​សម្រក​ទម្ងន់​ក៏ពិតមែន ប៉ុន្តែ​ពេលដែល​បានប្រទះ​ភ្នែក​ឃើញ​សាច់អន្ធិលៗ​ជាប់ខ្លាញ់ និង​ស្បែក​ចម្អិន​ជាមួយ​ផ្សិត និងបន្លែ​បៃតង​ភាយក្លិន​យ៉ាង​ឈ្ងុយ​នោះ គម្រោង​ថែរាង​អាច​នឹងត្រូវ​ផ្អាក​មួយពេល​មិនខាន។

នេះ​គឺជា​ម្ហូប ជើង​ជ្រូក​ហុងកុង ដ៏​ពេញនិយម​មួយ​ចំពោះ​ភ្ញៀវ​ខ្មែរ និង​ជនជាតិ​ចិននៅ​ភោជនីយដ្ឋាន​ប៊ុង្គុត នារដូវកាល​ចូលឆ្នាំ​ប្រពៃណី​ចិននេះ។

មុខម្ហូប​នេះ គេ​ទទួលទាន​ជាមួយ​នំប៉ាវ​អត់ស្នូល ដែល​រឹតតែ​ធ្វើឲ្យ​វាមាន​រសជាតិ​ឆ្ងាញ់ ដោយ​តម្លៃ​មួយឈុត ១៦,៥ ដុល្លារ។ ខុសប្លែក​ពីខ​ជើងជ្រូក​ដែល​យើង​ធ្លាប់​ភ្លក្ស​កន្លងមក ជើង​ជ្រូក​ហុងកុង ត្រូវបាន​ចម្អិន​ជាមួយ​ផ្សិត បន្លែ​បៃតង ហើយ​សាច់វា​ផុយឆ្ងាញ់​មែនទែន។

ម្ហូបចិន​ពិសេសៗ​ប្រចាំ​ហាង ប៊ុង្គុត​មានដូចជា ហ៊ុយ​គីង ឌីមសុំា ស៊ុបព្រុយត្រី​ឆ្លាម បង្គាម៉ាថូ ទាខ្វៃ London សាច់ជ្រូក​ស្រួយ​ហុងកុង​និង​បាយ ខជើង​ជ្រូក ចំណែ​ឯម្ហូបថៃ​ប្រចាំ​ហាងវិញ​គឺទឹកគ្រឿង​កាពិត្រី​ប្លាធូ​គ្រឿងក្លែម​ត្រជាក់ ពង​ទាចៀន​អយស្ទ័រ ត្រីឆ្ពង់​បំពង បុកល្ហុង​ពិសេស និង​តុំយុំាបង្កង ហើយ​នៅពេល​ព្រឹក​ក៏មាន​ឌីមសុំា​ជាច្រើន​មុខ មីគាវ​សាច់ឆាស៊ីវ និងអាហារ​ជាច្រើន​ទៀត។

ភោជនីយដ្ឋាន​ម្ហូប​ថៃ ប៊ុង្គុត រំលេច​រចនាប័ទ្ម​ជាផ្ទះ​បែប​ថៃ​បុរាណ​ជាមួយ​ដំបូល​ស្រួច​កោង​ម៉ូដឈើ អមដោយ​រុក្ខជាតិ​បៃតង​ដាំតាម​របង​ហាង ដែលមាន​បម្រើ​មុខម្ហូប​បែបថៃ និងចិន​ជាង ១៨០ មុខ។

ភោជនីយដ្ឋាន ប៊ុង្គុត ស្ថិតនៅ​ផ្ទះ​លេខ ២៨ ផ្លូវ៣០២ ចន្លោះ​ផ្លូវ​លេខ ៥១ និង​ផ្លូវ​លេខ ៥៧ សង្កាត់​បឹងកេងកង ១ ខណ្ឌចំការមន៕

អត្ថបទគួរចាប់អារម្មណ៍