The Phnom Penh Post Search

Search form




Logo of Phnom Penh Post newspaper Phnom Penh Post - ចុងភៅ​ថៃនាំ​រសជាតិ​ ផាត់ថៃ​ មក​ហាង De Boat




ចុងភៅ​ថៃនាំ​រសជាតិ​ ផាត់ថៃ​ មក​ហាង De Boat

Content image - Phnom Penh Post
គុយ​ទាវ​ឆា ឬ​ផាត់ថៃ។ ហុង មិនា

ចុងភៅ​ថៃនាំ​រសជាតិ​ ផាត់ថៃ​ មក​ហាង De Boat

ភ្នំពេញ: ស្ថិតនៅ​លើផ្លូវ ២៩៤ ម្ដុំ​ផ្សារ​កាប់គោ ភោជនីយដ្ឋាន De Boat ទាក់ទាញ​ក្រសែ​ភ្នែក​អ្នកដំណើរ​ឆ្លងកាត់ ជាមួយ​ការ​រចនា​ហាង​មាន​ខ្សែពួរ ​ទូក និង​ពោង បី​ដូចជា​ទិដ្ឋភាព​នៅឆ្នេរ​សមុទ្រ។

ជា​ភោជនីយដ្ឋាន​បម្រើ​អាហារ​បែបថៃ ហាង De Boat ដែល​ជំនា​ញ​ខាង​គុយទាវ​ទូក​រសជាតិ​ដើម​បែប​ថៃ​តាំងពី​ឆ្នាំ ១៩៧០ និងមាន​គុយទាវ​ច្រើន​ប្រភេទ​ចម្អិន​ដោយ​ចុងភៅ​ជនជាតិ​ថៃផ្ទាល់​តែម្ដង​​ដូចជា គុយទាវ​ឈាម គុយទាវ​តុម​យ៉ាំ គុយទាវ​ចំហុយ​គោក គុយទាវ​ស៊ីអ៊ីវ គុយទាវ​ឆាការី​គ្រឿង​សមុទ្រ និង​គុយទាវ​រ៉ាត​ណា​សាច់ជ្រូក​ជាដើម។

ក្រៅពី​ជម្រើស​គុយទាវ​ដ៏សម្បូរ​បែប ហាង De Boat ក៏មាន​បម្រើ ផាត់ថៃ​គ្រឿង​សមុទ្រ​ពិសេស​ត្រូវមាត់​ភ្ញៀវ​ដែល​ចូលចិត្ត​ទៅ​ញុំា​នៅប្រទេស​ថៃ គឺ​ឥឡូវ​ភ្ញៀវ​អាចរក​ទទួល​ទានបាន​នៅក្នុង​ហាង De Boat ជាមួយ​និង​មិត្ត​ភ័ក្តិ ក្រុម​គ្រួសារ ក្នុង​បរិយាកាស​ស្រស់​ស្រាយ​ប្លែក​ភ្នែក ​ដោយ​មាន​ការតុប​តែង​នូវ​គ្រឿង​សង្ហារិម​ឈើ សំណាញ់ ចង្កូត​នាវា ស្អាតប្លែក​ភ្នែក​ម្យ៉ាងដែរ ហើយ​ក៏អាច​អង្គុយ​ជជែក​គ្នា​កម្សាន្ត​បណ្តើរ ដោយ​មិនបាច់​បារម្ភ​ពីសំឡេង​រំខាន​ខ្លាំងពី​ខាងក្រៅ។

អាហារ​នៅ​ភោជនីយដ្ឋាន​នេះ​មានតម្លៃ​ជាទូទៅ​ពី ៣,៨ ទៅ ៤ ដុល្លារ។ ចំពោះ​ភេសជ្ជៈ​វិញ De Boat មាន​លក់​នូវតែ​បៃតង តែ​ក្រហម​ទឹកដោះ​គោ និង​បង្អែម​បែបថៃ។

ភោជនីយដ្ឋាន De Boat ស្ថិតនៅ​ផ្ទះ​លេខ​ ២៣ ផ្លូវ​លេខ ២៩៤ ទល់មុខ The Summer Bar៕

អត្ថបទគួរចាប់អារម្មណ៍