The Phnom Penh Post Search

Search form

Logo of Phnom Penh Post newspaper Phnom Penh Post - ជើង​មាន់ឆ្អឹង​ជំនីរជ្រូក​បំពង ​ស្រួយខ្ញោក ដល់​ឆ្អឹងពី​ The Street




ជើង​មាន់ឆ្អឹង​ជំនីរជ្រូក​បំពង ​ស្រួយខ្ញោក ដល់​ឆ្អឹងពី​ The Street

Content image - Phnom Penh Post
ជើង​មាន់ ឆ្អឹង​ជំនីរជ្រូក បំពង​ស្រួយ​ខ្ញោក​ប្រចាំ​ហាង The Street។ ឈឹម ស្រីនាង

ជើង​មាន់ឆ្អឹង​ជំនីរជ្រូក​បំពង ​ស្រួយខ្ញោក ដល់​ឆ្អឹងពី​ The Street

ភ្នំពេញ: រសជាតិ​ចំណី​អាហារ​លក់តាម​ចិញ្ចើម​ថ្នល់​ដែល​ឆ្ងាញ់​តែងតែ​អន្ទង​ចិត្ត​មនុស្ស​គ្រប់វ័យ​ឲ្យ​ឈប់​ម៉ូតូ​ឡាន​ចុះ​ទទួល​ទាន។

The Street ជាហាង​អាហារ​ដែល​នាំយក​រសជាតិ​ចំណី​ចំណុក​តាមចិញ្ចើម​ថ្នល់ទាំង​អស់មក​កែច្នៃ​លក់​ ដោយ​មានកន្លែង​អង្គុយ អនាម័យ និង​ចំណត​កាន់តែ​ងាយស្រួល​។

ចំពោះ​សោភណភាព​ខាង​ក្នុង ហាង​អាហារ​នេះ​មានរូបភាព​គូរ​ជា​ផ្លូវ ​មានអំពូល​ភ្លើង អគារចាស់ៗ និងមាន​បំពាក់កង្ហារ​បីបួន។នៅ​កន្លែង​អង្គុយ​ធ្វើពីតុ​កៅអី​មាន​ភ្ញៀវជា​យុវវ័យ​ជជែក​គ្នា​បណ្ដើរ​ ទទួលទាន​បណ្ដើរ។

ម្ហូប​អាហារ​នៅក្នុង​ហាង​នេះ​មានដូច​ជា​ប្រហិតភ្នំភ្លើង​ទឹកកក ជើង​មាន់​ហោះ ផ្សិត​ខ្មៅ​ញាត់​ប្រហិត​ត្រី​បំពង សាច់ជ្រូក​អាំង​ចង្កាក់ ជើង​មាន់​បំពងខ្ទឹមស ឆ្អឹង​ជំនី​របំពង​ខ្ទឹមស ​ព្រុយ​ត្រី​សាល់ម៉ុន​ប្រឡាក់​អំបិល​ម្ទេសអាំង និង​អាហារ​ជាច្រើន​មុខទៀត។

ម្ហូប​ពិសេស​ប្រចាំ​ហាង​មួយ​ទៀត​គឺ ជើងមាន់ និងឆ្អឹង​ជំនីរ​ជ្រូក​បំពងខ្ទឹម ក្នុង​ចាន​តែមួយ​ដែល​មានរសជាតិ​ផ្អែម​ប្រៃ និង​ហឹរ​ឆ្ងាញ់។

នៅពី​លើ​សាច់បំពង​មាន​រោយ​ខ្ទឹម​បំពង ស្លឹក​ខ្ទឹម និង​ម្ទេស​ក្រហម​ឆ្អិនឆ្អៅ។រឹត​តែ​ពិសេស​ទៅ​ទៀតនោះ ទាំង​ឆ្អឹងជំនីរជ្រូក និង​ជើង​មាន់​ត្រូវបាន​បំពង​ឲ្យ​មាន​ភាពស្រួយ​ខ្ញោកដល់​ឆ្អឹង​ខាងក្នុង​តែម្ដង ធ្វើ​ឲ្យ​អ្នកទទួល​ទានអាច​ទំពារ​ញាំ​ទាំងអស់​បាន។

The Street មាន​អាសយដ្ឋាន​ផ្ទះ​លេខ ២០២ ផ្លូវ ១៤៣ សង្កាត់​បឹងកេងកង ២ ខណ្ឌ​ចំការ​មន៕

អត្ថបទគួរចាប់អារម្មណ៍