The Phnom Penh Post Search

Search form




Logo of Phnom Penh Post newspaper Phnom Penh Post - ជើងមាន់​អាំង​អំបិលម្ទេស ​ឆ្ងាញ់​អស់ស្ទះ​ ពីវីជេអាណូ




ជើងមាន់​អាំង​អំបិលម្ទេស ​ឆ្ងាញ់​អស់ស្ទះ​ ពីវីជេអាណូ

Content image - Phnom Penh Post
ជើង​មាន់​ប្រឡាក់​អំបិល​ម្ទេសអាំង​។

ជើងមាន់​អាំង​អំបិលម្ទេស ​ឆ្ងាញ់​អស់ស្ទះ​ ពីវីជេអាណូ

ភ្នំពេញ: បន្ថែម​ពីលើ​របរលក់​បាយ​សាច់ជ្រូក​អាំង Christian ដែល​មានការ​កុម្ម៉ង់​យ៉ាង​គគ្រឹកគគ្រេង​តាម​អនឡាញ​ពីសំណាក់​មិត្តភក្ដិ​រួមអាជីព​សិល្បៈ ព្រមទាំង​មហាជន​ទូទៅ​នោះ តារា​ម៉ូដែល និង​ពិធីការិនី កញ្ញា សួន ភក្ដី ហៅ វីជេ អាណូ ត្រូវបាន​គេ​សំណូមពរ​ឲ្យនាង​បើកហាង។

ឆ្លើយតប​នឹង​ការទទូច​របស់​ប្រិយមិត្ត ឥឡូវនេះ​កញ្ញា​បានសម្រេច​ចិត្ត​បើកហាង​ខ្នាត​មធ្យម​មួយ​ស្ថិតនៅ​ផ្លូវ ២៤៦ ក្រោយ​រដ្ឋសភា​ចាស់។

ក្រៅពី​បាយ​សាច់ជ្រូក បាយ​សាច់មាន់ និងបាយ​សាច់គោ​ងៀត ហាងថ្មី​នេះមាន​លក់នូវ​ម្ហូប​បន្ថែម​ជាច្រើន​មុខ​ដូចជា ជើងមាន់​ប្រឡាក់​អំបិលម្ទេស​អាំង កង្កែប​ប្រឡាក់​ទឹក​ប្រេងខ្យង​អំបិលម្ទេស​អាំង ភ្លាក្តាម​សេះហឹរ​ហោះ ងាវ​ក្រឡុក​ហឹរ នំបញ្ចុក​សម្លខ្មែរ និងម្ហូប​ប្លែកមាត់​ជាច្រើន​មុខទៀត។

ក្នុងចំណោម​ម្ហូប​ទាំងនោះ ជើងមាន់​ប្រឡាក់​អំបិលម្ទេស​អាំង ដែល​ត្រូវបាន​តារា​ស្រី​រូបនេះ​ថតរូប​បង្ហាញតាម​បណ្ដាញ​សង្គម​នោះ ទទួលបាន​ការចាប់អារម្មណ៍​ជាខ្លាំង។

Content image - Phnom Penh Post
​​កញ្ញា សួន ភក្ដី ហៅ វីជេ អាណូ​ ​នៅ​ហាង​ក្បែរ​រដ្ឋសភាចាស់​។ រូបថត ហ្វេសប៊ុក

សម្រាប់អ្នក​និយម​ញ៉ាំហឹរ គ្រាន់តែ​ឃើញ​រូបភាព​នេះភ្លាម​គឺគួរ​ឲ្យចង់​ស្រក់ទឹកមាត់​តែម្ដង។ ជើងមាន់​ស្រួយ​ហើយផុយ អាច​ញ៉ាំទាំង​សរសៃ និង​ឆ្អឹងខ្ចីច្រុបៗ​ឆ្ងាញ់​មាត់​តែម្ដង។

ជើងមាន់​ប្រឡាក់​អំបិលម្ទេស​អាំង មានតម្លៃ ១ ម៉ឺនរៀល។ សម្រាប់​ការកក់ និង​កុម្ម៉ង់​អាហារ​នៅ ហាង Christian បាយ​សាច់ជ្រូក​អាំង របស់​កញ្ញា អាណូ ទំនាក់ទំនង​ទូរស័ព្ទ​លេខ ០១៧ ៤៣៣ ២៧។

សម្រាប់​វេលា​ថ្ងៃត្រង់ ហាង​របស់​កញ្ញា អាណូ ក៏មាន​លក់នូវ​បាយ​ម្ហូប​ដូចជា ខសាច់​ជ្រូក ប្រហុក​ខ្ទិះ ក្ដាមប្រៃ សម្ល​តុមយ៉ាំ និងម្ហូប​ខ្មែរ​សម្រាប់​អ្នកធ្វើការ​ផងដែរ៕

អត្ថបទគួរចាប់អារម្មណ៍