The Phnom Penh Post Search

Search form

Logo of Phnom Penh Post newspaper Phnom Penh Post - ឈុត​គ្រឿង​សមុទ្រ​អាំង​ឆ្នាំង​ស្រស់​តម្លៃ ១៨ ដុល្លារ​




ឈុត​គ្រឿង​សមុទ្រ​អាំង​ឆ្នាំង​ស្រស់​តម្លៃ ១៨ ដុល្លារ​

Content image - Phnom Penh Post
ឈុត​គ្រឿង​សមុទ្រ​អាំង​ដាក់​ក្នុង​ឆ្នាំង និង​ចង្ក្រាន​ពណ៌​ស្រស់ឆើត​​។ ឈឹម ស្រីនាង

ឈុត​គ្រឿង​សមុទ្រ​អាំង​ឆ្នាំង​ស្រស់​តម្លៃ ១៨ ដុល្លារ​

ភ្នំពេញ: ភោជនីយដ្ឋាន Eight Boat Noodle - BBQ ម៉ៅ​សេទុង មិនត្រឹម​តែ​លក់​នូវ​គុយទាវ​ទូកគរ​ចាន​ប៉ុណ្ណោះ​ទេ ថ្មីៗ​នេះហាង​ក៏មាន​បើក​បម្រើ​អាហារ​ពេលព្រឹក​ដូចជា​បាយ​ស្រូប បាយ​សាច់​ជ្រូក និង​បាយ​សាច់​មាន់​អាំង​ផងដែរ។

កាន់តែ​ពិសេស​ទៅ​ទៀតនោះ​គឺ​នៅ​វេលា​ល្ងាច ភោជនីយដ្ឋាន​ក៏មាន​ឈុត​គ្រឿងសមុទ្រ​អាំង​ដែល​មាន​រសជាតិ​ប្លែក និង​សោភណភាព​ទាក់ភ្នែក​ជាមួយ​ឆ្នាំង និង​ចង្ក្រាន​ពណ៌​យ៉ាង​ស្រស់​ឆើត។

ឈុត​គ្រឿង​សមុទ្រ​ត្រូវបាន​ដាក់​ក្នុងឆ្នាំង និង​ចង្ក្រាន​ពណ៌​លឿង បៃតង ទឹកក្រូច ក្រហម​ឆើត​តែម្ដង។

ដោយ​ចំណាយ ១៨ ដុល្លារ​សម្រាប់​មួយឈុត​នេះ អតិថិជន​អាច​ទទួល​ទាន​បាន ២ ទៅ ៣ នាក់​។ ក្នុង​មួយឈុត​មាន​ដូច​ជា ប្រហិត​សាច់គោ ប្រហិត​សាច់ត្រី លៀស​សមុទ្រ មឹក ងាវ បង្គា ក្ដាម ពោត ត្រីចូកតឹង បន្លែ​សាលាដ ការ៉ុត ពោត​បារាំង ម្ទេស​ប្លោក ផ្សិត​ភ្លៅមាន់​ ត្រសក់ និងខ្ទឹម​បារាំង។

សាច់​អាំង​នេះ​មាន​ទឹកជ្រលក់ ២ ជម្រើស​គឺ ​ទឹក​ត្រី​កោះកុង និង​ទឹក​តៅហ៊ូ​រាវ​ដែល​មាន​រសជាតិ​ឆ្ងាញ់​ប្លែក។ ក្រៅពី​ឈុតគ្រឿង​សមុទ្រ​អាំង​នេះ Eight Boat Noodle - BBQ ម៉ៅ​សេទុង ក៏មាន​ឈុត​សាច់អាំង​គោ​បន្ទះ​ដែក​ថែម​ទៀតផង។

ដោយសារ​ឈុត​គ្រឿង​សមុទ្រ​អាំង​នេះ​ទើប​តែ​សម្ពោធ ហាង​ក៏​មាន​ការ​បញ្ចុះ​តម្លៃ​ ១០​ ភាគ​រយ​រហូត​ដល់​ថ្ងៃ​ទី​ ៨ ខែ​មេសា ​ខាង​មុខ​នេះ​ផង​ដែរ៕

អត្ថបទគួរចាប់អារម្មណ៍