The Phnom Penh Post Search

Search form




Logo of Phnom Penh Post newspaper Phnom Penh Post - ឈុត​បុក​ល្ហុង​ស្បែក​ជ្រូក​បំពង​ពី​ហាង​ប៊ុង្គុត បឹង​កេង​កង ១




ឈុត​បុក​ល្ហុង​ស្បែក​ជ្រូក​បំពង​ពី​ហាង​ប៊ុង្គុត បឹង​កេង​កង ១

Content image - Phnom Penh Post
ឈុត​បុក​ល្ហុង​ពិសេស​នៅ​ភោជ​នីយ​ដ្ឋាន ប៊ុង្គុត ម្ដុំ​បឹង​កេង​កង ១។ ហុង មិនា

ឈុត​បុក​ល្ហុង​ស្បែក​ជ្រូក​បំពង​ពី​ហាង​ប៊ុង្គុត បឹង​កេង​កង ១

ភ្នំពេញ: ស្ថិត​នៅម្ដុំ​បឹង​កេង​កង ១ ភោជ​នីយ​ដ្ឋាន​ម្ហូប​ថៃ ប៊ុង្គុត រំលេច​រចនា​ប័ទ្ម​ជា​ផ្ទះ​បែប​ថៃ​បុរាណ​ជាមួយ​ដំបូល​ស្រួច​កោង​ម៉ូដ​ឈើ អម​ដោយ​រុក្ខជាតិ​បៃតង​ដាំ​តាម​របង​ហាង។

ទោះ​ជា​រចនា​ប័ទ្ម​ខាង​ក្រៅ​មាន​លក្ខណៈ​ហាក់​វិលទៅ​សម័យ​អតីត​កាលក្ដី​ ប៉ុន្តែ​ឈាន​ជើង​ចូល​ខាង​ក្នុង​ហាង លោក​អ្នក​នឹង​ភ្ញាក់​ផ្អើល​ជាមួយ​ការ​រចនា​បែប​ទំនើប។

ចង្កៀង​រំយោល​តាម​ជញ្ជាំង​ពណ៌​ទឹក្រូច​ចាស់ រំលេច​វាំង​នន​ពណ៌​ខៀវ​ កៅអី​ពូក​ពណ៌​ស​ដ៏ទាន់​សម័យ កែវ​ស្រា​មាន​ជើង​ជំទើត​លើតុ​អាហារ​ខ្មៅ​រលោង​ស្រិល។

ក្នុង​ចំណោម​ជម្រើស​ម្ហូប​ថៃ និង​ថៃកាត់​ចិន​ជា​ច្រើន ភ្ញៀវ​ភាគ​ច្រើន​តែង​តែ​មិន​រំលង​នូវ​ម្ហូប​ពិសេស​ប្រចាំ​ហាង​គឺ តុម​យ៉ាំ​បង្កង ទឹក​គ្រឿង​កាពិ​ត្រី​ប្លាធូ​គ្រឿង​ក្លែម​ត្រជាក់​ ខជើង​ជ្រូក ពងទា​ចៀន​អយ​ស្ទ័រ សាច់​ជ្រូក​ស្រួយ​ហុង​កុង និង​ឈុត​បុក​ល្ហុង​ពិសេស។

សម្រាប់​ឈុត​បុក​ល្ហុង​ពិសេស​នេះ​មួយ​ថាស​រួមមាន​បុក​ល្ហុង បាយ​ដំណើប ស្បែក​ជ្រូក​បំពង​ស្រួយ សាច់​មាន់​អាំង សាច់​ជ្រូក​ចិញ្ច្រាំ​ឆា​ប៉េង​ប៉ោះ និង​បន្លែ​ស្រុស (ស្ពៃ​ក្ដោប ផ្កា​ខាត់ណា ការ៉ុដ ប្រូខូលី ស្នៀត​ពោត និង​សណ្ដែក​កួរ) មួយ​ចាន​ផង​ដែរ។

ភោជ​នីយ​ដ្ឋាន ប៊ុង្គុត ស្ថិត​នៅ​ផ្ទះ​លេខ ២៨ ផ្លូវ​៣០២ ចន្លោះ​ផ្លូវ​៥១ និង​ផ្លូវ​៥៧ សង្កាត់​បឹង​កេងកង​១ ខណ្ឌ​ចំការ​មន រាជ​ធានី​ភ្នំពេញ៕

អត្ថបទគួរចាប់អារម្មណ៍