The Phnom Penh Post Search

Search form




Logo of Phnom Penh Post newspaper Phnom Penh Post - ឈុត​អាហារ​ពេល​ព្រឹក​ ៦ ដុល្លារ​បែប​ខ្មែរ និង​អឺរ៉ុបនៅ​ Van's




ឈុត​អាហារ​ពេល​ព្រឹក​ ៦ ដុល្លារ​បែប​ខ្មែរ និង​អឺរ៉ុបនៅ​ Van's

Content image - Phnom Penh Post
ឈុតបបរ​គ្រឿង​សមុទ្រ​​ជាមួយ​ភេសជ្ជៈ​ មាន​​តម្លៃ​តែ ៦ ដុល្លារ។ ឈឹម ស្រីនាង

ឈុត​អាហារ​ពេល​ព្រឹក​ ៦ ដុល្លារ​បែប​ខ្មែរ និង​អឺរ៉ុបនៅ​ Van's

ភ្នំពេញ: ធនាគារ​ចាស់​នៃ​អគារ​ឥណ្ឌូចិន​ក្នុង​រាជធានី​ភ្នំពេញ​សម័យ​អាណា​និគម​និយម​បារាំង បាន​ប្រែ​ខ្លួន​ទៅជា​ភោជនីយ​ដ្ឋាន​បែប​បារាំង ទាំង​ការ​រចនា និង​តុបតែង​ទ្រង់ទ្រាយ​ដើម​ទាំង​អស់។

សូម្បី​តែ​ឥដ្ឋការ៉ូ​ក៏មាន​ទុកនូវ​ស្នាម​ជើង​ឆ្មា​ដើរ​កាត់។ ចង្ក្រាន​បាយ​ដែល​ធ្លាប់​ប្រើប្រាស់​ពី​សម័យ​មុន គឺ​នៅបន្ត​យក​មក​ប្រើ​ដដែល ។

ភោជ​នីយដ្ឋាន​ Van's គឺជា​ហាង​មួយ​ដែល​មាន​ការពេញ​និយម​ខ្លាំង​ចំពោះ​អ្នកដែល​ចូលចិត្ត​ម្ហូប​បារាំង។​

Content image - Phnom Penh Post
ឈុត Scrambled ducks eggs in its shell ជាមួយ​ភេសជ្ជៈ​។ ឈឹម ស្រីនាង

បច្ចុប្បន្ន​នេះ Van's ក៏មាន​បន្ថែម​នូវឈុត​អាហារ​ពេល​ព្រឹក​ដូចជា​គុយទាវ បបរ មី​ស៊ុបខ​គោ ក្នុង​តម្លៃ ៦ ដុល្លារ​ដោយ​បន្ថែម​នូវ​កាហ្វេ តែ ទឹក​ក្រូច និង​ភេសជ្ជៈ​ជាច្រើន​មុខ​ទៀត។

ភោជនីយ​ដ្ឋាន​ក៏មាន​ឈុត​អាហារ​​ពេលព្រឹក​បែប​អឺរ៉ុប​ជាច្រើន​មុខ​ទៀត​ក្នុង​តម្លៃ ៦ ដុល្លារ​រួម​បញ្ចូល​ភេសជ្ជៈ។

សម្រាប់​ភ្ញៀវ​ដែល​មិន​ធ្លាប់​ចូល​ភោជនីយ​ដ្ឋាន​ Van's តែងតែ​គិតថា​ហាង​នេះ​មានតម្លៃ​ថ្លៃ តែ​ឥឡូវ​លោក​អ្នក​អាចមក​សាក​ភ្លក្ស​រសជាតិ​អាហារ​ពេលព្រឹក​ដោយ​ខ្លួនឯង​ផ្ទាល់ និង​ទទួល​យក​តម្លៃ​ដ៏​សមរម្យ៕

អត្ថបទគួរចាប់អារម្មណ៍