The Phnom Penh Post Search

Search form

Logo of Phnom Penh Post newspaper Phnom Penh Post - ញាំ​កំពឹស​រស់​ស្រស់ៗ​ពី​ហាង​ស៊ុប​ក្អម




ញាំ​កំពឹស​រស់​ស្រស់ៗ​ពី​ហាង​ស៊ុប​ក្អម

ញាំ​កំពឹស​ស្រស់ៗ​រសជាតិ​ជូរ​ហឹរ​ផ្អែម​ផ្ទាប់​ជាមួយ​បន្លែ​អន្លក់​។
ញាំ​កំពឹស​ស្រស់ៗ​រសជាតិ​ជូរ​ហឹរ​ផ្អែម​ផ្ទាប់​ជាមួយ​បន្លែ​អន្លក់​។ ឈឹម ស្រីនាង

ញាំ​កំពឹស​រស់​ស្រស់ៗ​ពី​ហាង​ស៊ុប​ក្អម

ភ្នំពេញ: ស្ថិត​នៅ​ក្រោយ​សាកលវិទ្យាល័យ​ វ៉ាន់ដា ហាង​ «ស៊ុប​ក្អម​» មាន​លាប​ពណ៌​ស្វាយ​ស្រស់​ឆើត និង​មាន​ការ​តុបតែង​ដោយ​តុ​កៅអី​ឈើ​យ៉ាង​សាមញ្ញ។ ហាង​នេះ​ល្បី​ថា​ស៊ុបក្អម​ឆ្ងាញ់​ដែល​មាន​សរសៃ​គោ​ផុយ និង​ទឹក​ស៊ុប​ដាក់​ក្នុង​ក្អម​តូច​ និង​កម្ដៅ​នៅលើ​កូន​ចង្ក្រាន​ដី។

ក្រៅពី​ស៊ុប​ក្អម​ឆ្ងាញ់​ហើយ​នោះ​ក៏​មាន​មុខម្ហូប​ខ្មែរ​ជាច្រើន​មុខ​ដូចជា ញាំ​កំពឹស ខួរ​ជ្រូក​ចំហុយ​ពិសេស ប្រហិត​ង៉ាំង៉ូវ ជើងមាន់​អាំង តៅហ៊ូឆឹង លៀស​អម្ពិល និង​បុក​បំពេញ​រាជ។

ក្នុង​សប្តាហ៍​នេះ​ហាង​ស៊ុប​ក្អម​បង្ហាញពី​របៀប​ធ្វើ​ញាំ​កំពឹស​ស្រស់ៗ​ដែល​ជា​មុខម្ហូប​ទទួល​ការ​ពេញនិយម​ខ្លាំង​ប្រចាំ​ហាង​នេះ។

គ្រឿង​ផ្សំ​របស់​ម្ហូប «ញាំ​កំពឹស» ​នេះ​រួម​មាន កំពឹស គល់​ស្លឹកគ្រៃ រំដេង ស្លឹក​ក្រូចសើច អង្ករ​លីង ទឹក​ប្រហុក ខ្ទឹម​ក្រហម ត្រប់​ស្រួយ ជីរណារ ជីរអង្កាម ទឹកត្រី ប៊ីចេង ក្រូចឆ្មារ ស្ករត្នោត ម្ទេស ត្រកួន​ស្រែ សណ្តែក​កួរ និង​ស្លឹក​ភ្លូ។

ហាង ស៊ុបក្អម ស្ថិត​នៅ​ក្រោយ​សាលា​វ៉ាន់ដា​។
ហាង ស៊ុបក្អម ស្ថិត​នៅ​ក្រោយ​សាលា​វ៉ាន់ដា​។ ឈឹម ស្រីនាង

វិធី​ចម្អិន ​គឺ​ដំបូង​ត្រូវ​យក​គល់​ស្លឹកគ្រៃ ស្លឹក​ក្រូច​សើច​ ជីរណារ និង​ជីរអង្កាម​ក៏​ត្រូវ​ហាន់​ជា​សរសៃ​ស្ដើងៗ។ ខ្ទឹម​ក្រហម​ត្រូវ​ហាន់​ជា​ចំណិតៗ។ រំដេង​ត្រូវ​ដំ​ឲ្យ​ម៉ដ្ឋ។ ត្រប់ស្រួយ​ត្រូវ​ហាន់​ជា​ចំណិត។

បន្ទាប់​មក​យក​ចានដែក​ដាក់​កំពឹស ខ្ទឹមក្រហម គល់​ស្លឹកគ្រៃ ​ស្លឹកក្រូច​សើច ជីរណារ ជីរអង្កាម ត្រប់ស្រួយ និង​រំដេង​មក​ច្របល់​ចូល​គ្នា​រួច​ដាក់​ទឹកប្រហុក ស្ករត្នោត ទឹកក្រូច​ឆ្មារ អង្ករលីង ម្ទេស បន្ថែម​ទឹកត្រី​ និង​ប៊ីចេង​បន្តិច។ ចាប់ផ្ដើម​ច្របល់​ញាំ​ឲ្យ​ចូល​ជាតិ​ហើយ​ដួស​ដាក់​ចាន​ជា​ការ​ស្រេច។

ញាំ​កំពឹស​នេះ​គេ​ទទួលទាន​ផ្ទាប់​ជាមួយ​បន្លែ​អន្លក់​ដូចជា ត្រកួនស្រែ សណ្ដែកកួរ និង​ស្លឹកភ្លូ ជាដើម៕

អត្ថបទគួរចាប់អារម្មណ៍