The Phnom Penh Post Search

Search form




Logo of Phnom Penh Post newspaper Phnom Penh Post - ញាំ​ស្ដៅ​ត្រី​ឆ្អើរ​កំពឹស​ទន្លេ​ស្រស់ៗ​ ល្អ​ចំពោះ​សុខភាព​នៅ ឆេក អ៊ីន​




ញាំ​ស្ដៅ​ត្រី​ឆ្អើរ​កំពឹស​ទន្លេ​ស្រស់ៗ​ ល្អ​ចំពោះ​សុខភាព​នៅ ឆេក អ៊ីន​

Content image - Phnom Penh Post
ម្ហូប​ញាំស្ដៅ​ត្រី​ឆ្អើរ​កំពឹសពី​ហាង ឆេក អ៊ីន នៅ​ខេត្ដ​សៀមរាប​។ ឈឹម ស្រីនាង

ញាំ​ស្ដៅ​ត្រី​ឆ្អើរ​កំពឹស​ទន្លេ​ស្រស់ៗ​ ល្អ​ចំពោះ​សុខភាព​នៅ ឆេក អ៊ីន​

សៀមរាប: ស្ថិត​នៅ​តាម​បណ្តោយ​ផ្លូវ​សាលា​បញ្ញា​សាស្ត្រ​ខេត្ត​សៀមរាប ភោជ​នីយ​ដ្ឋាន​ថ្ម​លាយ​ឈើ​ខាង​លើ ត្រូវបាន​លម្អ​ដោយ​ដើម​ផ្កាឈូក​រ័ត្ន​ និង​រុក្ខជាតិ​ពណ៌​បៃតង​ស្រស់ ជាទី​គួរឲ្យ​សោម​នស្ស​រីករាយ។

ឆេក អ៊ីន (Check in) គឺជា​ហាង​កាហ្វេ​ និង​ភោជនីយ​ដ្ឋាន​ដែល​មាន​ផា​សុកភាព​អាច​អង្គុយ​លម្ហែកាយ​លេង​បន្ទាប់​ពីទទួល​ទាន​អាហារ។

ថ្វីដ្បិត​តែ​មាន​ឈ្មោះ​ជា​ហាង​កាហ្វេ តែ​ហាង ឆេក អ៊ីន មាន​ជម្រើស​ម្ហូបខ្មែរ ថៃ និងអឺ​រ៉ុប ទាំងបី​ពេល​តែម្តង បន្ថែម​ពីលើ​ភេសជ្ជៈ និង​អាហារ​សម្រន់​ដ៏​សម្បូរ​បែប។

នៅពេល​ព្រឹក​ Check in មាន​បម្រើ​បាយ​ស្រូប បាយឆា​ឡុក​ឡាក់ បាយ​ឆាកា​ពិក មីឆា​បន្ទះ​ដែក ប៊ឺហ្គឺរ និង​អាហារ​ជាច្រើន​ទៀត។ រីឯ​ពេលថ្ងៃ​វិញ​ជម្រើស​ម្ហូបគឺ​ច្បាស់ជា​ពេញ​ចិត្ត​អ្នក​និយម​អាហារ​ខ្មែរ។

ក្នុង​ចំណោម​ម្ហូប​ទាំង​នោះ ញាំស្ដៅ​ត្រី​ឆ្អើរ​គឺជា​មុខ​ម្ហូប​បែប​ខ្មែរដ៏​ពេញ​និយម​ ដែល​ប្រជាជន​យើង​ជឿថា រុក្ខជាតិ​រសជាតិ​ល្វីង​នេះ​ក៏មាន​គុណ​ប្រយោជន៍​ដល់​សុខភាព​ផង​ដែរ។

គ្រឿង​ផ្សំ​ញាំ​ស្ដៅ​មាន ស្លឹក​ស្ដៅ ខ្ទឹម​បារាំង​ហាន់​ កំពឹស​ស្រុស ត្រី​ឆ្អើរ បេះ ម្ទេស​ហាន់ ចិត ត្រសក់ ប៉េងប៉ោះ សណ្ដែក​ដី​លីង​បុក​ ជីរ​គ្រប់​មុខ ការ៉ុត ខ្ទឹមស ទឹកត្រី ស្ករស និង​ម្សៅស៊ុប។ គ្រឿង​ផ្សំទាំង​នេះគ្រាន់​តែ​ច្របល់​ជាមួយ​គ្នាឲ្យ​ចូល​ជាតិ​ជាការ​ស្រេច។

ហាង Check in ស្ថិតនៅ​ខាង​កើត​សាលា​បញ្ញា​សាស្ត្រ ២០០ ម៉ែត្រ​ក្នុង​ភូមិ​វត្តបូព៌ ទូរស័ព្ទ ០៩៨​ ៧៧៦ ៧៧៧ និង​០១៥ ៨៨៨ ៨៩៨៕

អត្ថបទគួរចាប់អារម្មណ៍