The Phnom Penh Post Search

Search form




Logo of Phnom Penh Post newspaper Phnom Penh Post - ញ៉ាំ​ក្រឪឈូក​ខ្មែរ និងគាវ​បំពង​ចិន​ក្នុង​ចាន​តែមួយ​ពី Angkor Image




ញ៉ាំ​ក្រឪឈូក​ខ្មែរ និងគាវ​បំពង​ចិន​ក្នុង​ចាន​តែមួយ​ពី Angkor Image

Content image - Phnom Penh Post
ម្ហូបច្នៃ​ប្រឌិត​ថ្មីពី Angkor Image ញាំក្រឪឈូក​ខ្មែរ និងគាវ​បំពង​។ ហុង មិនា

ញ៉ាំ​ក្រឪឈូក​ខ្មែរ និងគាវ​បំពង​ចិន​ក្នុង​ចាន​តែមួយ​ពី Angkor Image

សៀមរាប: ភោជនីយដ្ឋាន Angkor Image ក្រឡេក​មើល​មួយ​ភ្លែតពី​ខាងក្រៅ​ហាក់បី​ដូចជា​អាហារដ្ឋាន​បរទេស ប៉ុន្តែ​ជាក់ស្ដែង​បម្រើ​ម្ហូប​ខ្មែរ​ច្នៃ​ឲ្យមាន​លក្ខណៈ​ទំនើប សមស្រប​បរិយាកាស​ហាង​បែប​បស្ចិម​ប្រទេស យ៉ាង​ណាមិញ ចុងភៅ​នៅតែ​រក្សា​រសជាតិ​អត្តសញ្ញាណ​ខ្មែរ​ដដែល។

បើទោះ​ជាម្ហូប​ដាក់​ក្នុង​ចាន​ធំៗ អម​ដោយ​ស្រាក្រហម ឬស្រា​សាំប៉ាញ ស្រដៀង​នឹង​អាហារ​បារាំង តែ​តាម​ការពិត​រសជាតិ​របស់​វាតម្រូវ​តាមការ​និយម​របស់​ភ្ញៀវ​ខ្មែរ​តែម្ដង។

តួយ៉ាង​ដូចជា​ក្នុង​រូបភាព​នេះ គឺជា​ម្ហូប «ញាំ​ក្រឪឈូក ជាមួយ​គាវ​បំពង» ដែលជា​ការច្នៃ​ប្រឌិត​រវាង​ម្ហូប​ខ្មែរ ចិន និង​រចនាបទ​តុបតែង​ចាន​អាហារ​បែប​បស្ចិម​ប្រទេស ពោរពេញ​ដោយ​សោភណភាព។

ទោះ​យ៉ាងណា ​ទាំង​រសជាតិ​ញាំ​ក្រឪឈូក និង​គាវ​បំពង ប្រកាន់​ខ្ជាប់​នូវរស​និយម​បែប​ខ្មែរ។

ក្រៅពី​ម្ហូប​ញាំ​ក្រឪឈូក ជាមួយ​គាវ​បំពង នេះ​ភោជនីយដ្ឋាន Angkor Image ក៏ល្បី​ម្ហូប​ត្រីរ៉ស់​ប្រឡាក់​គ្រឿង​ដុត រួច​ដាក់លើ​ស្រទបចេក អម​ដោយ​បាយ​គ្រប​កន្ទោង​ស្លឹកចេក។ រសជាតិ​អាហារ​បែប​ខ្មែរ តែការ​រចនា​ច្នៃប្រឌិត​បែប​បស្ចិម​ប្រទេស។

ម្ហូប​ពេញនិយម​មួយ​ទៀត​គឺ​ឡុកឡាក់​សាច់​កង់ហ្គូរូ ជាសត្វ​ដ៏សម្បូរ​នៅ​ប្រទេស​អូស្ត្រាលី។ ឡុកឡាក់​សាច់​កង់ហ្គូរូ មាន​រសជាតិ​ស្រដៀង​នឹង​សាច់គោ​ដែរ ខុស​ត្រង់​ថា សាច់​សត្វ​ពូកែ​លោត​នេះ មិនសូវ​សម្បូរ​ខ្លាញ់។

ហាង Angkor Image ស្ថិត​នៅ​ផ្លូវ​វត្តបូព៌ ជិត Privilege Boutique & Gloria Jeans ខេត្ត​សៀមរាប៕

អត្ថបទគួរចាប់អារម្មណ៍