The Phnom Penh Post Search

Search form

Logo of Phnom Penh Post newspaper Phnom Penh Post - ញ៉ាំខ្យង​ ជីរពង​ទាកូន​ វិធី​ធ្វើ​ងាយៗ​តែ​រសជាតិ​ធានា​ថាហឹរ​ឆ្ងាញ់​ប្លែកមាត់




ញ៉ាំខ្យង​ ជីរពង​ទាកូន​ វិធី​ធ្វើ​ងាយៗ​តែ​រសជាតិ​ធានា​ថាហឹរ​ឆ្ងាញ់​ប្លែកមាត់

ញាំខ្យង​ជីរពង​ទា​កូន​មានរសជាតិ​ហឹរ និង​ក្លិន​ប្រហើរ​ឈ្ងុយ​ភាយចេញពី​សន្លឹក​ជីរ​​។
ញាំខ្យង​ជីរពង​ទា​កូន​មានរសជាតិ​ហឹរ និង​ក្លិន​ប្រហើរ​ឈ្ងុយ​ភាយចេញពី​សន្លឹក​ជីរ​​។ ឈឹម ស្រីនាង

ញ៉ាំខ្យង​ ជីរពង​ទាកូន​ វិធី​ធ្វើ​ងាយៗ​តែ​រសជាតិ​ធានា​ថាហឹរ​ឆ្ងាញ់​ប្លែកមាត់

ភ្នំពេញ: ស្ថិត​នៅ​ម្ដុំ​សាលា​បឋមសិក្សា​ទួលគោក ភោជនីយដ្ឋាន «ទួលគោក​ពិភព​សាច់អាំង​ ៤» មាន​បម្រើ​នូវ​គ្រឿង​សមុទ្រ និង​សាច់​អាំង​ជាច្រើន​ប្រភេទ។

ប៉ុន្តែ ​ហាង​នេះ​ក៏​មាន​មុខ​ម្ហូប​ប្លែកៗ​ត្រូវ​ចំណូលចិត្ត​ក្រុម​អ្នក​និយម​បរិភោគ​រសជាតិ​ហឹរ​ផងដែរ។

ទៅ​ដល់​ហាង​ ទួលគោក​ពិភព​សាច់អាំង ៤ ដែលមាន​តុកៅអី​ទាបៗ​ដោយ​មាន​ចង្ក្រាន​ដី និង​ចង្អើរដែក​សម្រាប់​ឲ្យ​ភ្ញៀវ​អង្គុយ​អាំង​គ្រឿងសមុទ្រ​នោះ សូម​កុំ​ភ្លេច​សាកល្បង​កុម្ម៉ង់ «ញាំ​ខ្យង​ជីរពង​ទាកូន»។

សម្រាប់​មុខម្ហូប​នេះ​ ដំបូង​គេ​យក​ខ្យង​ទៅ​ចំហុយ​ជាមួយ​គល់​ស្លឹកគ្រៃ​ ស្លឹកក្រូច​សើច និង​រំដេង​ដើម្បី​កាត់​ចំអាប​។

បន្ទាប់​មក​ត្រូវ​ឆ្កឹះសាច់វា​ចេញ​ពី​សម្បក​រួច​ប្រើ​ទឹកត្រី​កោះកុង​ដែល​មានម្ទេស និង​ខ្ទឹមស​ច្រើន​មកស្រូប​ញាំ​ឲ្យ​ចូលជាតិ សឹម​រៀប​ជីរ​ពងទា​កូនទ្រាប់បាតចាន ហើយ​ដាក់ញាំ​ខ្យង​ពី​លើ​នោះជាការ​ស្រេច។

ទួលគោក​ពិភពសាច់អាំង ៤ មាន​បម្រើ​សាច់​ដូចជា ​ក្ដាម ខ្យង បង្គា មឹក សាច់គោ សាច់​ជ្រូក​បី​ជាន់ កង្កែប ងាវ ត្រី​ចំហុយ ដែល​សុទ្ធសឹង​តែ​ប្រឡាក់​ម្ទេសហឹរ​ក្រហម​ច្រាល​អាំងលើ​ចង្អើរ​ក្ដៅ​ភ្លាមៗ​៕

អត្ថបទគួរចាប់អារម្មណ៍