.jpg)
បាយឡាំឌួយ មានសាច់ជ្រូកប្រឡាក់គ្រឿងឆ្ងាញ់។ ហុង មិនា
ភ្នំពេញ: ហាងគុយទាវ ឡាំឌួយ ដែលល្បីមានរសជាតិប្លែកមាត់ បើកលក់ដោយតារាសម្តែងល្បី ឌុច លីដា ឥឡូវនេះបានបន្ថែមជាប្រភេទបាយ ឡាំឌួយ ដើម្បីផ្ដល់ជម្រើសច្រើនដល់ភ្ញៀវ។ ឡាំឌួយ ជាឈ្មោះដែល បងប្អូន សាច់ញាតិ និងមិត្តភក្តិចូលចិត្តហៅ កញ្ញា លីដា។
បាយឡាំឌួយ នេះគ្រាន់តែឃើញក៏ចង់ញ៉ាំភ្លាមតែម្តង ដោយសារតែសាច់បាយមានការចំហុយពិសេស ជាមួយ នឹងគ្រឿងផ្សំប្រចាំហាង។
រីឯសាច់អាំងវិញគឺមានរសជាតិឆ្ងាញ់ប្លែកមាត់ជាងសាច់អាំងដទៃៗទៀត និងមានក្លិនឈ្ងុយប្រហើរចេញពីស្លឹកខ្ទឹមឆាតែម្តង រឹតតែពិសេសគឺញ៉ាំជាមួយ នឹងគីមឈីពិសេសប្រចាំហាង ជ្រក់ឆៃថាវ និងស៊ុតចៀន ព្រះចន្ទពេញវង់។
ក្រៅពីញ៉ាំគុយទាវ និងបាយឡាំឌួយហើយ ភ្ញៀវក៏អាច មើលសត្វត្រកួត អណ្តើក សេក និងសត្វពស់លេងបាន ដោយសត្វទាំងអស់នេះ ត្រូវបានកញ្ញា ឌុច លីដា ចិញ្ចឹមដោយខ្លួនឯង ដោយសារតែចំណូលចិត្តដ៏ប្លែករបស់នាង។
នៅហាងគុយទាវឡាំឌួយ អតិថិជនក៏អាចកុម្ម៉ង់ មីឡាំឌួយ បន្ថែមឆ្អឹងគោសម្រាប់អ្នកនិយមហុតខួរឆ្អឹងគោក្ដៅៗ តម្លៃ ២ ដុល្លារ ឬមួយកុម្ម៉ង់បាយឡាំឌួយ ក៏បានដែរទៅតាមចំណង់ចំណូលចិត្ត។
តែបើធ្លាប់ញ៉ាំគុយទាវឡាំឌួយហើយ ភ្ញៀវដែលទៅពេលក្រោយគួរតែសាកល្បងញុំាបាយឡាំឌួយវិញម្តង។
តោះចង់សាកញុំាបាយឡាំឌួយទេ? ទៅទាំងអស់គ្នាស្ថិតនៅពីក្រោយសាលាវ៉ាន់ដា លើផ្លូវ ១៩១ ផ្ទះលេខ ១៣A ទាក់ទងតាមរយៈទូរស័ព្ទលេខ ០១៦ ៧៧ ៧៧ ៦១៕
តារាសម្តែងកញ្ញា ឌុច លីដា និងបាយឡាំឌួយ ជ្រក់គីមឈី និងឆៃថាវ។ហុង មិនា
