The Phnom Penh Post Search

Search form




Logo of Phnom Penh Post newspaper Phnom Penh Post - ញ៉ាំស្ដេក​សាច់គោ ក្រេប​ស្រាក្រហម គយគន់​ទេសភាព​វាលស្រែ




ញ៉ាំស្ដេក​សាច់គោ ក្រេប​ស្រាក្រហម គយគន់​ទេសភាព​វាលស្រែ

Content image - Phnom Penh Post
ស្ដេក​សាច់គោ ស្រាក្រហម នៅ​សណ្ឋាគារ Hillocks Hotel & Spa។ ហុង មិនា

ញ៉ាំស្ដេក​សាច់គោ ក្រេប​ស្រាក្រហម គយគន់​ទេសភាព​វាលស្រែ

សៀមរាប: ទិដ្ឋភាព​វាលស្រែ និង​ដើមត្នោត មិនមែន​ត្រឹមតែ​ជាផ្នែក​មួយ​នៃ​ជីវភាព​បែប​ជនបទ​ឡើយ។

សព្វថ្ងៃ​ទេសភាព​បែបនេះ ត្រូវបាន​ទាំង​ភ្ញៀវ​បរទេស និង​ទេសចរ​ខ្មែរ​លំដាប់​ខ្ពស់​ចាត់ទុក​ថាជា​ទស្សនីយភាព​ដ៏លន្លង់​លន្លោច​គួរឲ្យ​គយគន់​បំផុត។

ហេតុ​ដូច្នេះហើយ ទើប​សណ្ឋាគារ លំដាប់​ខ្ពស់ Hillocks Hotel & Spa ស្ថិតនៅ​ភូមិវត្ត​ដំណាក់ សង្កាត់​សាលា​កំរើក ក្រុង​សៀមរាប បាន​រំលេច​វត្តមាន​ផុស​កណ្ដាល​វាលស្រែ។

សណ្ឋាគារ​មួយនេះ​អាចថា គឺជា​ទិសដៅ​ទេសចរណ៍​មួយ​បន្ថែមពី​ការដើរ​ទស្សនា​ប្រាង្គ​ប្រាសាទ នៅ​តំបន់​ទេសចរណ៍​ប្រវត្តិសាស្ត្រ​សៀមរាប​អង្គរ។

ភ្ញៀវទេសចរ​អាច​ជ្រើសរើស​ទីនេះ​ជាកន្លែង​ងូតទឹក​លេង​កម្សាន្ត និង​គយគន់​ទេសភាព​ថ្ងៃលិច។

ខុសប្លែក​ពី​អាងទឹក​នៅ​សណ្ឋាគារ​ដទៃ​ដែល​ហ៊ុមព័ទ្ធ​ដោយ​សំណង់​ខ្ពស់ៗ នៅ​សណ្ឋាគារ Hillocks Hotel & Spa អាង​ហែល​ទឹកផុស​កណ្ដាល​វាលស្រែ​ខៀវស្រងាត់ អមដោយ​ដើមត្នោត​ខ្ពស់ស្រឡះ ដែល​ទិដ្ឋភាព​នេះ​មើលទៅ​ពិតជា​ប្លែក​ភ្នែក។

ក្រៅពី​ភ្ញៀវ​ស្នាក់នៅ​សណ្ឋាគារ ទេសចរ​ដែល​បានដើរ​គយគន់​ប្រាង្គ​ប្រាសាទ​រួច​អាចមក​ញ៉ាំ​អាហារ​ក្បែរអាង​ហែល​ទឹក គយគន់​ថ្ងៃលិច ក្នុង​បរិយាកាស​ស្ងប់ស្ងាត់​ដ៏រ៉ូមេនទិក។

អ្នកអាច​កុម្ម៉ង់ស្ដេក ឬត្រី​សាលម៉ុន​អម​ស្រាសាំ​ប៉ាញ ស្រាស ឬ​ស្រាក្រហម​ក៏បាន។ ប្រសិនបើ​ញ៉ាំ​ឆ្អែត ស្រកពោះ​បន្តិច​ក៏​អាចចុះ​ហែល​ទឹកលេង ឬក៏​គេង​ម៉ាស្សា​ក្បែរអាង​ហែលទឹក​ស្រូបខ្យល់​បរិសុទ្ធ​ផងដែរ៕

អត្ថបទគួរចាប់អារម្មណ៍