The Phnom Penh Post Search

Search form




Logo of Phnom Penh Post newspaper Phnom Penh Post - ណាង លេង ទី​លម្ហែ​​ស្ដាប់​តន្ត្រី ភ្លក្ស​រសជាតិ​គ្រឿង​សមុទ្រ​ស្រស់ៗ​

ណាង លេង ទី​លម្ហែ​​ស្ដាប់​តន្ត្រី ភ្លក្ស​រសជាតិ​គ្រឿង​សមុទ្រ​ស្រស់ៗ​

Content image - Phnom Penh Post
ណាង លេង លម្អ​ដោយ​អំពូល​អំពិលអំពែក​នៅពិតាន និង​គំនូរ​ចម្រុះពណ៌​តាមជញ្ជាំង​​។ រូបថត យូសុះ អាប់ឌុលរ៉ាស់ហ៊ីម

ណាង លេង ទី​លម្ហែ​​ស្ដាប់​តន្ត្រី ភ្លក្ស​រសជាតិ​គ្រឿង​សមុទ្រ​ស្រស់ៗ​

ភ្នំពេញៈ ជា​យុវវ័យ​ចូលចិត្ត​ភ្លក្ស​រសជាតិ​គ្រឿង​សមុទ្រ និង​ចូលចិត្ត​អង្គុយ​លេង​​តាម​ផាប់ (Pub) លម្ហែ​​អារម្មណ៍​ជាមួយ​មិត្តភក្តិ កញ្ញា យូ​ណា លីតា បាន​បើក​ហាង «ណាង លេង» ដោយ​បូក​បញ្ចូល​ចំណូល​ចិត្ត​របស់​ខ្លួន ដោយ​ច្នៃ​ជា Pub ស្តាប់​ភ្លេង អង្គុយ​លេង និង​ភ្លក្ស​​គ្រឿង​សមុទ្រ​។

ជា​ឈ្មោះ​ភាសា​ថៃ ដែល​មាន​ន័យ​ថា «អង្គុយ​លេង» ហាង​ដែល​មាន​រចនា​​ពិតាន​អំពូល​ភ្លើង​ដូច​ហ្វូង​តារា​​​ពេញ​​មេឃ​នេះ ​បន្ថែម​សម្រស់​ឆើតឆាយ​ដោយ​រូប​គំនូរ​ទេសភាព​ដើម​ឈើ និង​មនុស្ស​រេរាំ​​នៅ​ពាសពេញ​លើ​ជញ្ជាំង ដោយ​មាន​សរសេរ​ជា​អក្សរ​ខ្មែរ ភាសា​ថៃ និង​អង់គ្លេស​ជាដើម​។

Content image - Phnom Penh Post
ណែមក្រឡុក​ អាហារ​ក្លែម​ស្រាបៀរ​ដ៏ពេញនិយម។ រូបថត យូសុះ អាប់ឌុលរ៉ាស់ហ៊ីម

ម្ហូប​ពិសេស​ប្រចាំ​ហាង ណាង លេង មាន​ដូចជា​៖ ក្តាម​ពង​ជ្រក់ តម្លៃ​ ៦ ​ម៉ឺន​រៀល បង្កង​ឆា​កាពិត​ម្លៃ ៤ ​ម៉ឺន​រៀល បង្កង​អាំង​អំបិល​ម្ទេស តម្លៃ​ ៤​ ម៉ឺន​រៀល ងាវ​បុក​ទឹក​ប្រហុក តម្លៃ​ ២​ ម៉ឺន​រៀល និង​មាន​ណែម​ក្រឡុក តម្លៃ ១៦ ០០០ ​រៀល។ នៅ​មាន​អាហារ​​ជា​ច្រើន​មុខ​ទៀត​សម្រាប់​ក្លែម​ជាមួយ​ភេសជ្ជៈ និង​ស្រាបៀរ​ដប​ធំ​ពី​ប្រទេស​ អាល្លឺម៉ង់ ថៃ ឡាវ ជាដើម។

ម្ចាស់​ហាង​សាច់ស​ខ្ចី​ វ័យ ​២៨ ​ឆ្នាំ បន្ត​​ថា​៖ «​បង្កង​ឆា​កាពិ មាន​រសជាតិ​​ប្លែក​ឆ្ងាញ់​ណាស់ គឺ​យើង​ច្នៃ​បង្កើត​​មក​តម្រូវ​ប្រជាជន​យើង ជាពិសេស​​មាន​តែ​នៅ​ហាង​ខ្ញុំ​ទេ ម្ហូប​នេះ​ថ្មី យើង​បង្កើត​ខ្លួន​ឯង​។ បង្កង​នេះ​តម្លៃ​ ១​ គីឡូ​ ២០ ដុល្លារ ភ្ញៀវ​អាច​កុម្មង់​ចាប់ពី ៣ បង្កង​ឡើង​ទៅ តែ​បើ​ភ្ញៀវ​ចង់​ធ្វើ​កុម្មង់​របៀប​ម៉េច យើង​ក៏​អាច​ធ្វើ​ឲ្យ​បាន​ដែរ​»​។

Content image - Phnom Penh Post
ការ​រចនាជាផាប់​បម្រើគ្រឿង​សមុទ្រទាក់ទាញ​យុវវ័យ។ រូបថត យូសុះ អាប់ឌុលរ៉ាស់ហ៊ីម

ចំណុច​ពិសេស​នៃ​ម្ហូប​ត្រូវ​បាន​​កញ្ញា​ លីតា លើក​ឡើង​ថា​៖ «យើង​យក​បង្កង​ពី​ខេត្ត​តាកែវ និង​ក្តាម​ពង យើង​យក​មក​ពី​កោះកុង និង​កំពត​គឺ​តំបន់​ល្អ ឆ្ងាញ់ ធានា​ថា ​សុទ្ធ​ល្អ​ធម្មជាតិ ព្រោះ​​បង្កង យើង​ក៏​អត់​មាន​រាល់​ថ្ងៃ​ដែរ ពេល​ខ្លះ​អត់ ពេល​ខ្លះ​មាន ហើយ​យើង​ក៏​លក់​ឲ្យ​ភ្ញៀវ​តែ​គ្រឿង​សមុទ្រ​ល្អ​ដែរ បើ​មើល​ថា ​រាង​អន់​សាច់ យើង​អត់​ចេញ​ឲ្យ​ភ្ញៀវ​ទេ​»​។

ណាង លេង មាន​សេវាកម្ម​ដឹក​ជញ្ជូន​ជិតៗ​ឥត​គិត​ថ្លៃ​ រីឯ​ចម្ងាយ​ឆ្ងាយ​តម្លៃ​ចាប់​ពី​ ៤០០០ ​រៀល​។ ហាង​ស្ថិត​នៅ​ម្ដុំ​ទូត​ចិន និង​បើក​​ពី​ម៉ោង ៥ ​ល្ងាច​ ដល់​ ១២ ​យប់​​។ ទូរស័ព្ទ​ ០៩៥ ៧៧៧៧ ៩៩ និង ០១០ ៦៦៦៦៦០។ ហ្វេសប៊ុក Nang Leng Pub & Seafood Restaurant៕

វីដេអូ៖

អត្ថបទគួរចាប់អារម្មណ៍

  • ភ្នំពេញៈ អង្គការ​មូលនិធិ​សកល​សម្រាប់​ធម្មជាតិ​ (WWF) និង​រដ្ឋបាល​ជលផល​ដែល​បាន​រកឃើញថា ត្រី​គល់រាំង ត្រី​ត្រសក់​ក្រហម ត្រី​ខ្លា ត្រី​ក្របី ត្រី​ត្រចៀកដំរី និង​បបែល​យក្ស​ទឹកសាប កំពុង​ត្រូវ​បាន​គេ​ដាក់លក់​នៅ​តាម​ទីផ្សារ​ត្រី​នានា ហើយ​ខ្លះ​បាន​នាំ​ចេញ​ទៅ​ក្រៅ​ប្រទេស​បាន​ទាមទារ​ឲ្យ​មាន​ការរឹតបន្តឹង​ច្បាប់​ឱ្យ​បាន​ម៉ឺងម៉ាត់​ជាង​ពេលណាៗ​ទាំងអស់ ដើម្បី​ការពារ​ត្រី​ជិត​ផុត​ពូជ​ទាំងនោះ​។

  • ភ្នំពេញៈ កំពង់ផែ​ស្វយ័ត​ក្រុងភ្នំពេញ (PPAP) ដែល​ចុះបញ្ជី​នៅ​ផ្សារ​មូលបត្រ​កម្ពុជា (CSX) បាន​រាយការណ៍​អំពី​ភាពប្រសើរ​ឡើង​នៃ​ប្រតិបត្តិការ​អាជីវកម្ម​របស់ខ្លួន​ក្នុង​ឆមាស​ទី​ ១ ឆ្នាំ​នេះ ទោះបី​ជំងឺ​កូវីដ​ ១៩ បាន​ធ្វើឲ្យ​ប៉ះពាល់​យ៉ាងខ្លាំង​ដល់​សេដ្ឋកិច្ច​នៅក្នុង​តំបន់ និង​ពិភពលោក​ក៏ដោយ​។

  • ភ្នំពេញៈ តុលាការ​កំពូល​កាលពី​ម្សិលមិញ​បាន​បើក​សវនាការ​ជម្រះក្ដី​កំបាំងមុខ​លើ​សំណុំរឿង​សុំ​នៅក្រៅ​ឃុំ​របស់​ជន​ត្រូវ​ចោទ​​ ១០ ​នាក់ ​ដែលជា​សមាជិក​អតីត​គណបក្ស​សង្គ្រោះជាតិ​ដែល​បាន​ជាប់ចោទ​ពី​បទ​រួមគំនិត​ក្បត់ និង​ញុះញង់​ឲ្យ​​ប្រព្រឹត្ត​បទឧក្រិដ្ឋ​ជាអាទិ៍​កាលពី​ចុង​ឆ្នាំ​ ២០១៩ ខណៈ​ដែល​ពួកគេ​កំពុង​នៅ​ក្រៅ​ឃុំ​។

  • ភ្នំពេញ: ក្រសួង​វប្បធម៌ និង​វិចិត្រសិល្បៈ​ពី​ម្សិលមិញ​បាន​កោះហៅ​ម្ចាស់​ផលិតកម្ម​មរតក​មេឌៀ​ (Morodok Media) ​ឲ្យ​ចូល​បំភ្លឺ​ជុំវិញ​ការផលិត​វីដេអូ​ចម្រៀង​មាន​ខ្លឹមសារ​ប្រមាថ​ពលរដ្ឋ​ខេត្តព្រៃវែង​តាម​ការស្នើសុំ​របស់​លោក ជា សុមេធី អភិបាលខេត្ត​ព្រៃវែង ប៉ុន្ដែ​អ្នកគ្រប់គ្រង​ផលិតកម្ម​នេះ​ថា វីដេអូ​នោះ​គ្រាន់តែ​ចង់​អប់រំ​កុំឲ្យ​រើសអើង​អ្នក​ព្រៃវែង​ប៉ុណ្ណោះ​។

  • ព្រះសីហនុៈ អភិបាល​ខេត្ត​ព្រះសីហនុ លោក គួច ចំរើន បាន​ព្រមាន​ចាត់វិធានការ​តឹងរ៉ឹង​ទៅ​តាម​ផ្លូវច្បាប់​ដោយ​គ្មាន​ការលើកលែង​ទៅលើ​ជន​ប្រព្រឹត្ត​បទល្មើស​កាប់បំផ្លាញ​ព្រៃ​កោងកាង​ដើម្បី​ទន្ទ្រាន​យក​ដី​រដ្ឋ​ធ្វើ​ជា​កម្មសិទ្ធិ​ឯកជន​ខុសច្បាប់​។

  • ត្បូងឃ្មុំ: អ្នកកាប់ជ្រូក​លក់​ចំនួន​ ៧៤ ​គ្រួសារ​នៅ​ផ្សារសួង ខេត្ត​ត្បូងឃ្មុំ​បាន​កំពុង​ទាមទារ​ដល់​អាជ្ញាធរខេត្ត​បញ្ឈប់​ការយក​ពន្ធ​លើ​អាជីវកម្ម​របស់​ពួកគេ​ច្រើន​ហួសហេតុ និង​ផ្ទុយ​ពី​​សេចក្ដី​ណែនាំ​របស់​ក្រសួង​សេដ្ឋកិច្ច និង​ហិរញ្ញវត្ថុ ប៉ុន្តែ​អាជ្ញាធរ​បាន​អះអាង​លើ​ហេតុផល​ផ្សេង​ក្នុង​ការប្រមូល​ពន្ធ​នេះ​។