The Phnom Penh Post Search

Search form




Logo of Phnom Penh Post newspaper Phnom Penh Post - តុមយ៉ាំ​បង្កង​ស្រស់ៗ​បែប​ថៃ ឆ្ងាញ់​ប្លែក​មាត់ពី​ភោជនីយដ្ឋាន ប៊ុង្គុត​




តុមយ៉ាំ​បង្កង​ស្រស់ៗ​បែប​ថៃ ឆ្ងាញ់​ប្លែក​មាត់ពី​ភោជនីយដ្ឋាន ប៊ុង្គុត​

Content image - Phnom Penh Post
តុមយ៉ាំ​បង្កងរ​សជាតិ​ជូរហឹរ​មិនរងាន់​នៅ​ភោជនីយដ្ឋាន ប៊ុង្គុត​។ ឈឹម ស្រីនាង

តុមយ៉ាំ​បង្កង​ស្រស់ៗ​បែប​ថៃ ឆ្ងាញ់​ប្លែក​មាត់ពី​ភោជនីយដ្ឋាន ប៊ុង្គុត​

ភ្នំពេញ: ស្ថិតនៅ​ម្ដុំបឹង​កេងកង ១ ភោជនីយដ្ឋាន​ម្ហូប​ថៃ ប៊ុង្គុត រំលេច​រចនា​ប័ទ្ម​ជាផ្ទះ​បែប​ថៃ​បុរាណ​ជាមួយ​ដំបូល​ស្រួច​កោង​ម៉ូដ​ឈើ អមដោយ​រុក្ខជាតិ​បៃតង​ដាំតាម​របង​ហាង។

បើទោះ​ជា​រចនាប័ទ្ម​ខាងក្រៅ​មាន​លក្ខណៈ​ហាក់​វិលទៅ​សម័យ​អតីតកាល​ក្ដី ប៉ុន្តែ​ឈាន​ជើងចូល​ខាងក្នុង​ហាង លោក​អ្នកនឹង​ភ្ញាក់ផ្អើល​ជាមួយ​ការ​រចនា​បែប​ទំនើប។

ចង្កៀង​រំយោល​តាម​ជញ្ជាំង​ពណ៌​ទឹក​ក្រូច​ចាស់ រំលេច​វាំង​នន​ពណ៌​ខៀវ​ កៅអី​​ពូក​ពណ៌​សដ៏ទាន់​សម័យ កែវ​ស្រា​បារាំង​ លើតុ​អាហារ​ខ្មៅ​រលោង​ស្រិល។

សប្តាហ៍​នេះ​ភោជនីយដ្ឋាន​ម្ហូបថៃ​ប៊ុង្គុ​ត​បង្ហាញ​ពីម្ហូប​ពិសេស​គឺ «តុមយ៉ាំ​បង្គង» ដែលជា​មុខម្ហូប​ពិសេស​ប្រចាំ​ហាង ​និងមាន​ការចូលចិត្ត​កុម្ម៉ង់​ច្រើន​ទាំង​ភ្ញៀវ​ជនជាតិ​ខ្មែរ​និង​បរទេស។

តុមយ៉ាំ​បង្គង​​រសជាតិ​ពិសេស​ជាង​ហាង​ដទៃ​ដោយ​សារ​ចុងភៅ​ជនជាតិ​ថៃ​ចម្អិន​ផ្ទាល់​ដៃ​ជាមួយ និង​រសជាតិ​និង​គ្រឿង​ផ្សំ​ពិសេស​ប្រចាំ​ហាង​ ដែល​ធ្វើឲ្យ​ទឹកសម្ល​មាន​រសជាតិ​ជូរអែម​ឆ្ងាញ់​មិន​​រងាន់ ​ឬមួយ​ក៏ធំក្លិន​ខ្ទិះដូង​ខ្លាំងពេក ទាំង​សាច់​​បង្កង​គឺស្រស់​ផ្អែម​ឆ្ងាញ់​តែម្តង។

ភោជនីយដ្ឋាន​ម្ហូប​ថៃ​ប៊ុង្គុត​មាន​ជម្រើស​ម្ហូបថៃ និង​ថៃ​កាត់ចិន​ជាច្រើន ដូចជា​ទឹកគ្រឿង​កាពិ​ត្រីប្លាធូ​គ្រឿង​ក្លែម​ត្រជាក់ ខ​ជើង​ជ្រូក ពង​ទា​ចៀន​អយស្ទ័រ សាច់ជ្រូក​ស្រួយ​ហុងកុង ត្រីឆ្ពង់​បំពង​ ​និង​បុកល្ហុង​ពិសេស។

ភោជនីយដ្ឋាន ប៊ុង្គុត ស្ថិតនៅ​ផ្ទះ​លេខ ២៨ ផ្លូវ៣០២ ចន្លោះ​ផ្លូវ​លេខ ៥១​ និង​ផ្លូវ​លេខ ៥៧ សង្កាត់​បឹងកេងកង១ ខណ្ឌ​ចំការមន៕

អត្ថបទគួរចាប់អារម្មណ៍