The Phnom Penh Post Search

Search form

តោះ​រចនា​នំ​ខួប​កំណើត​ពិសេស​​ សម្រាប់​មនុស្ស​ពិសេស ​ជាមួយ​ផ្លែ​ឈើ​ស្រស់ៗ

Content image - Phnom Penh Post

តោះ​រចនា​នំ​ខួប​កំណើត​ពិសេស​​ សម្រាប់​មនុស្ស​ពិសេស ​ជាមួយ​ផ្លែ​ឈើ​ស្រស់ៗ

ភ្នំពេញ: ចង់​ពញ្ញាក់​អារម្មណ៍​មនុស្ស​ជាទី​ស្រឡាញ់ ឬ​ឪពុកម្តាយ និង​មិត្តភក្តិ ក្នុង​ថ្ងៃ​ខួប​កំណើត​របស់​ពួកគេ​ទេ?

ដោយ​វិធី​ច្នៃ​ប្រឌិត​ថ្មី​ជំនួស​ពី​ការ​ទិញ​នំ​ខួប​កំណើត​ធម្មតា មក​សាកល្បង​ធ្វើជា​ផ្លែ​ឈើ​ដោយ​ស្នាដៃ​ខ្លួនឯង​វិញ​ម្តង​មើល​ថា តើ​ម្ចាស់​ខួប​មាន​អារម្មណ៍​យ៉ាងណា​វិញ​នៅ​ពេល​ដែល​យើង​បង្ហាញ​ពី​ស្នាដៃ​ធ្វើ​ផ្លែ​ឈើ​ចេញ​ជា​រូបរាង​ស្រស់​ស្អាត​បែប​នេះ​ទៅ​ដល់​ពួកគេ។

បើសិនជា​យើង​គិតថា ទិញ​នំ​ខេក​ដូចជា​ដដែលៗ​ពេក អ្នក​អាច​ចំណាយ​ពេល​ធ្វើ​បន្តិច​ដោយ​ខ្លួនឯង ឬក៏​ជាមួយ​មិត្តភក្តិ​របស់​យើង បង្កើត​ជា នំ​ផ្លែ​ឈើ​ខួប​កំណើត​មួយ​យ៉ាង​ជាពិសេស​សម្រាប់​ជូន​ដល់​អ្នក​ដែល​យើង​ស្រឡាញ់ និង​បុគ្គល​ពិសេស​ក្នុង​បេះដូង។

ការច្នៃ​ផ្លែឈើ​មក​ធ្វើ​ជានំ​ខួបកំណើត​គឺ​ពិត​ជា​មាន​អត្ថន័យ​ខ្លាំង ដោយ​អ្នក​ធ្វើ​បាន​បញ្ចេញ​ពី​ការ​តាំង​ចិត្ត​អត់​ធ្មត់ ជាមួយ​ស្នាដៃ​រៀបចំ​តុបតែង​ធ្វើ​យ៉ាង​ណា​ឲ្យ​ស្អាត សម្រាប់​មនុស្ស​ពិសេស​របស់​ពួកគេ។

វិធី​ងាយៗ​សម្រាប់​ការ​រចនា​នំខេក​ពី​ផ្លែឈើ គឺ​គ្រាន់​តែ​យើង​ចំណាយ​ពេល​ជ្រើស​រើស​ផ្លែឈើ​ណា​មាន​ពណ៌​ស្រស់​ស្អាត ស៊ីគ្នា​ជាដើម ពិសេស​ជាង​នេះ​ទៅ​ទៀត​គឺ​គុណភាព​នៃ​ផ្លែឈើ​ត្រូវតែ​ស្រស់​ល្អ​ទើប​ធ្វើ​ឲ្យ​ផ្លែឈើ​ខួប​កំណើត មាន​រូបរាង​ស្អាត ស្រស់ និង​រសជាតិ​ឆ្ងាញ់។

ចំពោះ​ការ​រចនា​ផ្លែឈើ​ជានំ​ខួប​កំណើត​នេះ​គឺ​ចំណាយ​ថវិកា​ប្រមាណ​ជិត ២០ ដុល្លារ អាស្រ័យ​ទៅ​តាម​ប្រភេទ​ផ្លែឈើ​ដែល​យើង​ជ្រើស​រើស។ សាកល្បង​មើល!៕

អត្ថបទគួរចាប់អារម្មណ៍

  • សណ្ឋាគារ​ប្រណីត​នៅ​កោះរ៉ុង បើក​ជា​ផ្លូវការ

    ភ្នំពេញៈ សណ្ឋាគារ​ដ៏ប្រណីត Royal Sands នៅលើ​កោះរ៉ុង​របស់​លោក គិត ម៉េង បាន​បើក​ដំណើរការ​ជា​ផ្លូវការ​កាលពី​ថ្ងៃ​ម្សិលមិញ ដែល​គេ​រំពឹង​ថា​នឹង​ទាក់ទាញ​ភ្ញៀវទេសចរ​កាន់តែ​ច្រើន​។

  • ដំរី​ដែល​ចូល​ចម្ការ​អ្នក​ភូមិ​បាន​គេច​ទៅ​ភ្នំ​ដងរែក

    ឧត្តរមានជ័យៈ ក្រុម​មន្ត្រី​បាន​និយាយ​ថា​សត្វ​ដំរី​ញី​មួយ​ក្បាល​ដែល​បាន​ចូល​លុកលុយ​ក្នុង​ចម្ការ​អ្នកភូមិ​រំដួល​ចាស់ ឃុំ​អម្ពិល ស្រុក​បន្ទាយ​អម្ពិល ខេត្ត​ឧត្តរមានជ័យ​កាលពី​ព្រឹក​ថ្ងៃ​អាទិត្យ​នោះ​បាន​គេច​ខ្លួន​ចូល​ទៅ​ក្នុង​តំបន់​ជួរ​ភ្នំ​ដងរែក​វិញ​ហើយ ខណៈ​ដែល​ក្រុម​មន្ត្រី​ជំនាញ​បរិស្ថាន និង​អាជ្ញាធរ​កំពុង​បន្ត​ឃ្លាំ​មើល​ពី​ដំណើរ​របស់​វា​។

  • ព្រះមហាក្សត្រ​អំពាវនាវ​ឲ្យ​ធានា​ការពារ​យុត្តិធម៌​ និង គោរព​សិទ្ធិ​មនុស្ស

    ភ្នំពេញៈ ក្រោយពី​ឈ្នះ​អាសនៈ​ទាំង​ ៥៨ ដោយ​មិន​មាន​អតីត​បក្ស​សង្គ្រោះ​ជាតិ​ដែល​ជា​គូប្រកួត​ដ៏ស័ក្តិសម​នឹង​គ្នា​សម្រាប់​ការបោះឆ្នោត​ព្រឹទ្ធសភា​ពី​ខែ​កុម្ភៈ គណបក្ស​កាន់​អំណាច​ដែល​ទទួល​ជ័យជម្នះ​បាន​បន្ត​គ្រប់គ្រង​ស្ថាប័ន​នីតិប្បញ្ញត្តិ​ជាថ្មី​ដោយ​បើក​សម័យប្រជុំ​លើក​ដំបូង នីតិកាល​ទី​ ៤ ​នៃ​ព្រឹទ្ធសភា​ពី​ម្សិលមិញ​ក្រោម​ព្រះរាជាធិបតីភាព​ព្រះមហាក្សត្រ​ព្រះបាទ​សម្តេច​ព្រះនរោត្តម សីហមុនី ដែល​ព្រះអង្គ​អំពាវនាវ​ឲ្យ​មាន​ការធានា​ការពារ​យុត្តិធម៌ និង​គោរព​សិទ្ធិ​មនុស្ស និង​រួម​សាមគ្គី​គ្នា​ជា​ធ្លុង​មួយ​។

  • នាយក​រដ្ឋមន្ត្រី​បញ្ជា​ឲ្យ​ដកហូត​កោះ​ ៣០ ​មក​វិញ និង​ឲ្យ​ពិនិត្យ​អ្នក​នៅ​ពី​ក្រោយ​ការទន្ទ្រាន​យក​ដី

    ព្រះសីហនុៈ លោក​នាយករដ្ឋមន្ត្រី ហ៊ុន សែន បាន​បញ្ជា​ឲ្យ​ដកហូត​កោះ​ដែល​មិន​បាន​អភិវឌ្ឍ​ប្រមាណ​ ៣០ ​មក​វិញ​ ខណៈ​អត្តសញ្ញាណ​របស់​ម្ចាស់​ក្បាល​ដី​ចំនួន​ ៥៨៤ ​ដែល​មាន​ទាំង​មន្ត្រី​មាន​អំណាច​កំពុង​ត្រូវបាន​ពិនិត្យ​រឿង​នៅ​ពី​ក្រោយ​ខ្នង​ការកាប់​ទន្ទ្រាន​យក​ដី​ដ៏ក្តៅគគុក​នៅ​កោះរ៉ុង ហើយ​មន្ត្រី​ជាន់ខ្ពស់​ខ្លះ​នឹង​មិន​ត្រូវ​ឲ្យ​ចូលរួម​បង្កើត​រដ្ឋាភិបាល​ថ្មី​នៅ​​អាណត្តិ​ក្រោយ​ឡើយ​។