The Phnom Penh Post Search

Search form




Logo of Phnom Penh Post newspaper Phnom Penh Post - តោះ ភ្លក្ស​ស៊ុប​ផ្ទាប់​ឈីស​បែប​កូរ៉េ​ នៅ​ហាង​ទឹក​សៀង




តោះ ភ្លក្ស​ស៊ុប​ផ្ទាប់​ឈីស​បែប​កូរ៉េ​ នៅ​ហាង​ទឹក​សៀង

Content image - Phnom Penh Post
ហាង​ទឹកសៀង មាន​ឈ្មោះ​ល្បី​ខាង​មុខ​ម្ហូប​ ស៊ុប​គីមឈី។ ​រូបថត ប៉ាន់ រចនា

តោះ ភ្លក្ស​ស៊ុប​ផ្ទាប់​ឈីស​បែប​កូរ៉េ​ នៅ​ហាង​ទឹក​សៀង

ភ្នំពេញ: ហាង​ទឹកសៀង ល្បី​ឈ្មោះ ស៊ុប គីមឈី បាន​បន្ត​បន្ថែម​រសជាតិ​ថ្មី​ជា​ច្រើន​មុខ​ដើម្បី​តម្រូវការ​របស់​យុវវ័យ​សម័យ​ថ្មី​ដែល​ចូលចិត្ត​ទទួល​ទាន​ម្ហូប​បែប​កូរ៉េ ប្រភេទ អាំង បំពង ក្តៅៗ ជាពិសេស កាល​ពី​ថ្មីៗ​នេះ ស៊ុប​ផ្ទាប់​ជាមួយ​នឹង​ឈីស។

អ្នកនាង សុខ គីម អ្នក​មើល​ការ​ខុសត្រូវ​ក្នុង​ហាង​ទឹក​សៀង​បាន​និយាយ​ថា៖ «ពី​ដើម​ឡើយ​មុខម្ហូប​ភាគច្រើន​គឺ​ច្រើន​តែ​ប្រើ​ជាមួយ​នឹង​ទឹក​សៀង ទាំង​អាំង ឆា ស្ងោរ​ជាដើម។ អ៊ីចឹង​ហើយ​បាន​ជា​យើង​សម្រេច​ចិត្ត​បើក​ហាង​នេះ​ដាក់​ឈ្មោះ​ថា «ទឹកសៀង» តែម្តង​ទៅ។ នៅ​ក្នុង​ហាង​របស់​យើង មុន​ដំបូង​គឺ​ផ្តោត​ទៅ​លើ​ម្ហូប​បែប​កូរ៉េ​ដែល​ល្បី​ឈ្មោះ​ខ្លាំង​គឺ ស៊ុប​គីមឈី​តែម្តង។ មុខម្ហូប​នេះ​មាន​ការ​ពេញ​និយម​កុម្ម៉ង់​ពិសា​ច្រើន​ពី​ភ្ញៀវ បន្ទាប់​មក​បច្ចុប្បន្ន​នេះ​គឺ​យើង​បាន​បន្ថែម​នូវ​ប្រភេទ​គ្រឿង​អាំង គ្រឿង​បំពង​ផ្សេងៗ ក៏​ដូចជា តុំយ៉ាំ​ឈីស​ជាដើម និង​បន្ថែម​រសជាតិ​ស៊ុប ៤ រសជាតិ​ទៀត​ដើម្បី​ឲ្យ​ប្លែក​មាត់»។

គួរ​បញ្ជាក់​ថា ហាង​ទឹកសៀង​បាន​បើក​លក់​អស់​រយៈពេល​ជិត ៣ ឆ្នាំ​មក​ហើយ ជាមួយ​នឹង​មុខម្ហូប​ពិសេស​ប្លែកៗ​ប្រចាំ​ហាង រសជាតិ​បែប​កូរ៉េ ថៃ និង​ខ្មែរ បាន​ធ្វើឲ្យ​អតិថិជន​គាំទ្រ​ខ្លាំង​រហូត​ដល់​បច្ចុប្បន្ន​នេះ។ ដោយសារ​តែ​មាន​ការ​គាំទ្រ​ច្រើន ហាង​ទឹកសៀង បាន​ពង្រីក​សាខា​ខ្លួន​បន្ថែម ដោយ​សាខា​ទីមួយ​ស្ថិត​នៅ​ផ្លូវ​ត្រសក់​ផ្អែម ផ្ទះ​លេខ ១២៤ សាខា​ទី ២ នៅ​ទួល​ទំពូង ផ្ទះ​លេខ ៩៥A និង​សាខា​ទី ៣ ស្ថិត​នៅ​សន្ឋរម៉ុក​ផ្ទះ​លេខ ១២៣A។

អ្នកនាង សុខ គីម បាន​បន្ត​ទៀត​ថា៖ «ដោយសារ​តែ​សព្វ​ថ្ងៃនេះ​យុវវ័យ​ចូលចិត្ត​ទទួល​ទាន​របៀប​ជា​ស៊ុប​ក្តៅ ម្ហូប​ដាក់​នៅ​លើ​បន្ទះ​ដែក ឬ​ក៏ម្ហូប​លាយ​ជាមួយ​នឹង​ឈីស។ ដូច្នេះ​ហើយ​យើង​បាន​បន្ថែម ម្ហូប​ពិសេសៗ​ជាច្រើន​មុខ ដូចជា​តុំយ៉ាំ​ដាក់​ឈីស បាយ​គីម​ឈី ប្រហិត​តូបូគី​បែប​កូរ៉េ មី​ស៊ុប​ប្រហិត តូបូគី មីជីង​ចាំង ព្រមទាំង​ភេសជ្ជៈ​ថ្មី​ឆ្ងាញ់ៗ​ជា​ច្រើន​មុខ​ទៀត។

ដើម្បី​រីករាយ​ឆ្លង​ឆ្នាំថ្មី​ហាង​ទឹកសៀង បាន​ផ្តល់ជូន​ការ​បញ្ចុះ​តម្លៃ​ពិសេស ១៧ ភាគរយ​រាល់​មុខម្ហូប និង​ភេសជ្ជៈ​គ្រប់មុខ​នៅ​គ្រប់​សាខា​ទឹកសៀង តែម្តង​ចាប់​ពី​ថ្ងៃ​ទី ២៥ ធ្នូ​រហូត​ដល់​ថ្ងៃទី ១ ខែ​មករា ឆ្នាំ ២០១៨ ខាងមុខ។

ចង់​ទទួលទាន​តុំយ៉ាំ​ដាក់​ឈីស មីស៊ុប​ប្រហិត តូបូគី​ទេ? លោក​អ្នក​អាច​រក​បាន​នៅ​សាខា​ទី ៣ សន្ឋរម៉ុក ផ្ទះ​លេខ ១២៣A-១២៥B ផ្លូវ​លេខ ១៣២ សង្កាត់​ផ្សារ​ដេប៉ូ ២ ខណ្ឌ​ទួលគោក ទូរស័ព្ទ​លេខ ០១៥ ៧៥៨ ០៥៤៕

Content image - Phnom Penh Post
អតិថិជន​ភ្លក្ស​រស​ជាតិ​ស៊ុប​លាយ​ឈីស​ពី ទឹក​សៀង។ រូបថត ប៉ាន់ រចនា

Content image - Phnom Penh Post
ទិដ្ឋភាព​ហាង ទឹកសៀង បម្រើ​មុខ​ម្ហូប​បែប​កូរ៉េ ថៃ និង​ខ្មែរ ដែល​មាន ៣ ទី​តាំង។ រូបថត ប៉ាន់ រចនា

អត្ថបទគួរចាប់អារម្មណ៍