The Phnom Penh Post Search

Search form

Logo of Phnom Penh Post newspaper Phnom Penh Post - ត្រីកប់ ម្ហូប​បែប​​ស្រុក​ស្រែ​ចម្ការ​មាន​បម្រើ​នៅ​​ភោជនីយដ្ឋាន One More




ត្រីកប់ ម្ហូប​បែប​​ស្រុក​ស្រែ​ចម្ការ​មាន​បម្រើ​នៅ​​ភោជនីយដ្ឋាន One More

Content image - Phnom Penh Post
ម្ហូប​ត្រីកប់​​ទ្រាប់​ស្លឹក​ចេក អប់​ស្លឹក​ម្រះព្រៅ​ឈ្ងុយឈ្ងប់​នៅ​ហាង One More​​។ ហុង មិនា

ត្រីកប់ ម្ហូប​បែប​​ស្រុក​ស្រែ​ចម្ការ​មាន​បម្រើ​នៅ​​ភោជនីយដ្ឋាន One More

ភ្នំពេញ: ត្រីកប់ ​គឺ​​មុខ​ម្ហូប​មាន​ប្រភព​មក​ពី​អ្នក​ស្រែ​ចម្ការ។ ប៉ុន្តែ​រសជាតិ​ដ៏​ឆ្ងាញ់​នៃ​ម្ហូប​នេះ​បាន​ជ្រួត​ជ្រាប​ដល់​អ្នក​នៅ​ទីក្រុង​​ឲ្យ​នឹក​ចង់​ទទួល​ទាន​​គ្រា​រំឭក​ដល់​ស្រុក​កំណើត​នៅ​​ជនបទ។

អ៊ីចឹង​ហើយ​បាន​ជា​ភោជនីយដ្ឋាន​ One More បាន​រុក​រក​រូបមន្ត​ដើម​យក​មក​ចម្អិន​បម្រើ​ជូន​ភ្ញៀវ​ទាំង​អស់​ដែល​រស់​នៅ​ទី​ក្រុង​ ភ្នំពេញ ​បាន​ភ្លក្ស​នូវរស​ជាតិ​ម្ហូប​ខ្មែរ​បែប​ជន​បទពិតៗ។

ត្រី​កប់​នេះ​ផង​ដែរ​ក៏​​ជា​ម្ហូប​ពិសេស​របស់​ហាង One More តែ​ម្តង​ ដោយសារ​តែ​វា​មាន​រសជាតិ​ឆ្ងាញ់ និង​ឈ្ងុយក្លិន​ភាយ​នៃ​​ស្លឹក​ម្រះ​ព្រៅ។

ចំពោះ​របៀប​ធ្វើ​ត្រី​កប់​នេះ​ គឺ​គេ​យក​កូន​ត្រី​ចង្វាមក​លាង​ទឹក​ឲ្យ​ស្អាត ហើយ​វះ​​ពោះ​សម្អាត​មុន​នឹង​ប្រ​ឡាក់​ជា​មួយ​គ្រឿង​បុក​បន្តិច។

យក​ស្លឹក​ចេក ឬ​ស្លឹក​ឈូក​លាប​ប្រេង​បន្តិច ហើយ​ខ្ចប់​កូន​ត្រី​ដែល​ប្រឡាក់​គ្រឿង​រួច​ជាមួយ ខ្ទឹម​ស ​ខ្ទឹម​ក្រហម​ម្ទេស ​និង​ម្រះ​ព្រៅ មុន​នឹង​យក​ទៅ​អាំង​​​ប្រមាណ​ជា​ ១០ ​នាទី​រួច​ជា​ការ​ស្រេច។

ស្ថិត​នៅ​តាម​ផ្លូវ​ ៣១៥​ ក្នុង​ខណ្ឌ​ទួល​គោក ​ភោជនីយ​ដ្ឋាន ​One ​More ​មាន​​បម្រើ​​​ម្ហូប​​ខ្មែរ​នានា​ដូចជា ​ក្តាម​ប្រៃ​ សម្ល​​ម្ជូរ​កូន​ត្រី​កំពឹ​ស ​ស្ងោរ​ជ្រក់​ក្រៅ​ឆ្នាំង​ ​សម្លខួរ​ក្តាម ​មាន់​​អំាង​អំបិល​ម្ទេស ​សម្លការី​ក្រហម​ម្រះ ប្រហិត​សាច់​ស្រួយ​អង្ក្រង ​ប្រហិត​ពង​ទា​ប្រៃ​ ជាដើម៕

អត្ថបទគួរចាប់អារម្មណ៍