The Phnom Penh Post Search

Search form

Logo of Phnom Penh Post newspaper Phnom Penh Post - ត្រី​ឆ្ពង់​ចំហុយ​ក្រូច​ឆ្មារ​ពី One More




ត្រី​ឆ្ពង់​ចំហុយ​ក្រូច​ឆ្មារ​ពី One More

Content image - Phnom Penh Post
ម្ហូប​ត្រី​ឆ្ពង់​ចំហុយ​ក្រូច​ឆ្មារ​នៅ​ហាង One More​​។ ឈឹម ស្រីនាង

ត្រី​ឆ្ពង់​ចំហុយ​ក្រូច​ឆ្មារ​ពី One More

ភ្នំពេញ: ទាំង​ម្ហូប​បែប​ស្រុក​ស្រែ​ចម្ការ​របស់​ខ្មែ​រ​​ដ៏​យូរ​លង់ និង​ម្ហូប​សែ​រាជ​វង្ស មាន​បម្រើ​នៅភោជ​នីយដ្ឋាន ​One More។ក្រៅពី​បម្រើ​ម្ហូប​ថៃ ចិន និង​វៀតណាម ម្ហូប​ខ្មែរ​ដែល​ជា​ម្ហូប​ចម្បង​នៅទីនេះ​មាន​លក្ខណពិសេស​ជាង​ហាងដទៃ​ត្រង់​ថា ​ភោជនីយដ្ឋាន​រក្សា​នូវ​រចនាប័ទ្ម និង​រស​ជាតិ​ដើម​របស់​ម្ហូប ដោយ​មិន​កែ​រសជាតិ​តម្រូវ​ជន​បរទេស​ឡើយ​។

សម្រាប់ថ្ងៃ​នេះ ភ្នំពេញ ប៉ុស្ដិ៍​ សូម​លើក​យក​នូវ​ម្ហូប «ត្រី​ឆ្ពង់​ចំហុយ​ក្រូច​ឆ្មារ» ដែល​​គ្រឿងផ្សំ​រួមមាន ត្រី​ឆ្ពង់ ក្រូច​ឆ្មារ ជី​រ​អង្កាម ម្ទេស​ដៃ​នាង ខ្ទឹមស ទឹកត្រី គល់​ស្លឹកគ្រៃ ស្ករស និង​ម្សៅស៊ុប។

វិធី​ចម្អិន​គឺ ដំបូង​យើង​ត្រូវ​ធ្វើ​ទឹក​ត្រី ដោយ​ចិញ្ច្រាំ​ខ្ទឹមស ​រួច​លាយ​ជាមួយ​ទឹក​ត្រី ទឹក​ក្រូច​ឆ្មារ និង​ម្ទេស​ដៃ​នាងហាន់​ល្អិតៗ។ បន្ថែម​ម្សៅស៊ុប និង​ស្ករស​ចូល​ក្នុងទឹក​ត្រី​ហើយ​កូរ​ឲ្យ​សព្វ។ ត្រី​ឆ្ពង់​ត្រូវ​យក​ទៅ​កោស លាង​ទឹក​ឲ្យ​ស្អាត​ទុក​មួយ​អន្លើសិន។

គល់​ស្លឹកគ្រៃ​ត្រូវ​ញាត់​ក្នុង​ពោះ​ត្រី រួច​យក​ទៅ​ចំហុយ ដោយ​ដាក់​អំបិល​បន្តិច​ក្នុង​ទឹក​សម្រាប់​ចំហុយ​នោះ។ នៅ​ពេល​ដែល​ត្រី​ឆ្អិន​ ត្រូវ​រៀប​ជី​រ​អង្កាម​កល់បាត​ចាន រួច​ដាក់​ត្រី​ពីលើ។

ចុង​ក្រោយ​​បន្ថែម​ចំណិត​ក្រូច​ឆ្មារ និង​ស្រូប​ទឹក​ត្រី​ម្ទេស​ជូ​រ​អែម​នោះពី​លើ​ជាការ​ស្រេច។

ស្ថិត​នៅ​តាម​ផ្លូវ​ ៣១៥​ ក្នុង​ខណ្ឌ​ទួល​គោក ​ភោជនីយ​ដ្ឋាន ​One ​More មាន​បម្រើ​ម្ហូប​​ខ្មែរ​នានា​ដូចជា ​ក្តាម​ប្រៃ​ ត្រីកប់ បង្កង​ឈូឈី សម្ល​ម្ជូរ​កូន​ត្រី​កំពឹ​ស ​ស្ងោរ​ជ្រក់​ក្រៅ​ឆ្នាំង​ ​សម្លខួក្តាម ​មាន់​អំាង​អំបិល​ម្ទេស ​សម្លការី​ក្រហម​ម្រះ ប្រហិត​សាច់​ស្រួយ​​អង្រ្កង ​ប្រហិត​ពង​ទា​ប្រៃ​ ជាដើម៕

អត្ថបទគួរចាប់អារម្មណ៍