The Phnom Penh Post Search

Search form




Logo of Phnom Penh Post newspaper Phnom Penh Post - ត្រី​ដុត​អំបិល​ស្វាយ​ខ្ចី​ពី​ចុង​ភៅ​ល្បី​ប្រចាំ​សៀមរាប




ត្រី​ដុត​អំបិល​ស្វាយ​ខ្ចី​ពី​ចុង​ភៅ​ល្បី​ប្រចាំ​សៀមរាប

Content image - Phnom Penh Post
ត្រី​ដុត​អំបិល​ជ្រលក់​ទឹក​ត្រី​ស្វាយ​ខ្ចី ដែល​មាន​រសជាតិ​បែប​ខ្មែរ​ពិតៗ។ ហុង មិនា

ត្រី​ដុត​អំបិល​ស្វាយ​ខ្ចី​ពី​ចុង​ភៅ​ល្បី​ប្រចាំ​សៀមរាប

សៀមរាប: មិន​ខុស​ពី​ស្លាក​ឈ្មោះ របស់​ខ្លួន​នោះ​ឡើយ​ភោជនីយដ្ឋាន​ «ចុង​ភៅ​ខ្មែរ» ទាំង​ការ​តុបតែង​ និង​រសជាតិ​ម្ហូបម្ហា​សុទ្ធ​តែ​ប្រកាន់​​តាម​រូប​មន្ត​ផ្ទះ​បាយ​ខ្មែរ​យ៉ាង​ខ្ជាប់ខ្ជួន។

ថ្លែង​ពី​លក្ខណ​សម្បត្តិ​ពិសេស​របស់​ហាង​លោក អេង អ៊ីម ជា​ថៅកែ​ និង​ចុងភៅ​ផ្ទាល់​នៅ​ទីនោះ​បាន​លើក​ឡើង​ថា៖ «​ចំពោះ​ម្ហូប​ខ្មែរ​បច្ចុប្បន្ន​ហ្នឹង​វា​មាន​លក្ខណៈ​ក្លាយ​ហើយ។ អ៊ីចឹង​ហើយ​បាន​ជា​ខ្ញុំ​សម្រេច​ចិត្ត​បើក​ហាង​របៀប​ខ្មែរ​ដ៏​សាមញ្ញ​មួយ​នេះ ដើម្បី​ផ្សព្វផ្សាយ​ពី​ម្ហូប​ខ្មែរ​ ខណៈ​ហាង​ខ្លះ​ គាត់​ស្ល​ម្ជូរ​គ្រឿង​បែប​ក្លាយ ដើម្បី​បំពេញ​ចិត្ត​ភ្ញៀវ​បរទេស»។

Content image - Phnom Penh Post
មេចុងភៅ ​​អេង អីុម។ ហុង មិនា

ចុងភៅ​ល្បី​ប្រចាំ​ទឹកដី​សៀមរាប​អង្គរ​រូប​នេះ​បាន​បញ្ជាក់​ទៀត​ថា៖ «សម្រាប់​ខ្ញុំ ខ្ញុំ​ធ្វើ​ម្ហូប​រសជាតិ​បែប​ខ្មែរ​ពិតៗ​ ដោយ​មិន​ខ្លាច​បរទេស​មិន​ហ៊ាន​ញ៉ាំ​ទេ គឺ​ខ្ញុំ​ជំរុញ​ឲ្យ​គាត់​ញ៉ាំ​រសជាតិ​ខ្មែរ​យើង​ពិត​តែ​ម្ដង»។

លោក អេង អ៊ីម បាន​អះអាង​ថា៖ «​អ្នក​ខ្លះ​មក​ស្រុក​ខ្មែរ ពិបាក​រក​ហាង​ដែល​មាន​កន្លែង​អង្គុយ​ស្អាត សម្រាប់​ញ៉ាំ​ម្ហូប​ខ្មែរ​ពិតៗ ហើយ​តម្លៃ​សមរម្យ​មែន​ទែន»។

Content image - Phnom Penh Post
ភោជនីយដ្ឋាន​ចុងភៅខ្មែរ ខេត្ត​​សៀមរាប​​​។ ហុង មិនា

ក្រៅពី​ម្ហូប​ត្រី​ដុត​អំបិល​នេះ ​ម្ហូប​ខ្មែរ​រសជាតិ​ឆ្ងាញ់​ៗ​ដែល​ភ្ញៀវ​មិន​គួរ​រំលង​មាន​ដូច​ជា ពោះ​តាន់​ម៉ាំឆៅ ២៥០០០រៀល បុក​ក្រសាំង​ត្រីអាំង ១៥០០០​រៀល សម្ល​ម្ជូរ​ត្រកួន​កូន​ត្រី​ស្រែ ១៦០០០​រៀល សម្ល​ម្ជូរ​គ្រឿង​សាច់​គោ ១៦០០០​រៀល ការី​មាន់​ដំឡូង​ជ្វា​ខ្ទឹម​បារាំង​សណ្ដែក​គួរ ២០០០០​រៀល ម្ជូរ​ត្រី​ឆ្ពិន​ស្លឹក​រមៀត ១៦០០០​រៀល ចៀន​ជួន​ត្រី​តាអោន ២៨០០០​រៀល និង​មាន់​ដុត​ទឹក​ប្រហុក​អង្ក្រង​អន្លក់​ស្រស់​ ៤០០០០រៀល។

ភោជនីយដ្ឋាន ចុង​ភៅ​ខ្មែរ​ ស្ថិត​នៅ​ភូមិ​វត្ត​ដំណាក់ សង្កាត់​សាលា​កំរើក ក្រុង​សៀមរាប៕

អត្ថបទគួរចាប់អារម្មណ៍