The Phnom Penh Post Search

Search form




Logo of Phnom Penh Post newspaper Phnom Penh Post - ត្រីរ៉ស់​បំពង​ស្រួយ​ខ្ញោក​ផ្ទាប់​ក្រសាំង​បុក​ពី​ហាង​ប៉ូរ​ឃ្វី​ហ្ស៊ីន​




ត្រីរ៉ស់​បំពង​ស្រួយ​ខ្ញោក​ផ្ទាប់​ក្រសាំង​បុក​ពី​ហាង​ប៉ូរ​ឃ្វី​ហ្ស៊ីន​

Content image - Phnom Penh Post
ត្រីរ៉ស់​បំពង​ស្រួយ​ស្រឹប​ផ្ទាប់​ក្រសាំង​បុក​រសជាតិ​ឆ្ងាញ់ប្លែក​។ ឈឹម ស្រីនាង

ត្រីរ៉ស់​បំពង​ស្រួយ​ខ្ញោក​ផ្ទាប់​ក្រសាំង​បុក​ពី​ហាង​ប៉ូរ​ឃ្វី​ហ្ស៊ីន​

សៀមរាប: សាច់​ត្រីរ៉ស់​ទទួល​បានការ​និយម​ទទួល​ទាន​ពី​ប្រជាជន​ខ្មែរ​ភាគ​ច្រើន ដោយសារ​តែវា​មិនសូវ​មាន​ក្លិនឆ្អាប​ដូច​ពពួក​​ត្រី​រំអិល​គ្មាន​ស្រកា និង​ម៉្យាង​ទៀតវា​សម្បូរ​លក់​នៅតាម​បណ្ដា​ផ្សារ​ផង​ដែរ។

សប្ដាហ៍​នេះ ភ្នំពេញ ប៉ុស្ដិ៍​ សុំ​បង្ហាញ​នូវម្ហូប​ត្រីរ៉ស់​បំពង​ស្រួយ​ផ្ទាប់​ក្រសាំង​បុក ដែល​លោក​អ្នក​ទំនងជា​ធ្លាប់​ភ្លក្ស​កន្លង​មកហើយ​ដែរ។

ប៉ុន្តែ​អ្វីដែល​ប្លែក​គឺមុខ​ម្ហូបនេះ​ត្រូវបាន​ភោជនីយដ្ឋាន ប៉ូរ​ ឃ្វីហ្ស៊ីន (Por Cuisine) នៅទឹក​ដី​សៀមរាប​អង្គរ​កែច្នៃ​ដោយ​ចៀរ​សាច់ត្រី​ផ្ដាច់​ចេញពី​ក្បាល និង​ឆ្អឹង មុននឹង​យកទៅ​បំពង​ប្រេងឆា​ដោយ​ប្រើភ្លើង​កម្រិត​មធ្យម។

ក្រសាំង​បុក​មានផ្សំ​គ្រឿង​ជាមួយ​អំបិល ទឹកត្រី ម្ទេស ម្សៅស៊ុប និង​ស្ករស។ ត្រីបំពង​ដ៏ស្រួយ​ស្រឹប​លម្អ​ដោយ​ស្លឹក​ខ្ទឹម ជីរ ម្អម​ឈ្ងុយ​ផ្ទាប់​រសជាតិ​ក្រសាំង​បុក បើបាន​ញ៉ាំ​ជាមួយ​បាយ​ក្ដៅរឹត​តែឆ្ងាញ់។

ស្ថិត​នៅម្ដុំ​វត្តបូព៌ ខេត្ត​សៀមរាប ភោជនីយ​ដ្ឋាន ប៉ូរ ឃ្វីហ្ស៊ីន នេះ​មាន​ឈ្មោះ​ល្បីខាង​កែច្នៃ​មុខម្ហូប​ខ្មែរ​ទាំង​ឡាយ​ឲ្យមាន​រសជាតិ​ថ្មីប្លែក​ និង​ប្រកប​ដោយសោភ​ណភាព​ដោយ​ផ្អែក​លើ​គ្រឿងផ្សំ​រូបមន្ត​ប្រចាំ​គ្រួសារ​ម្ចាស់​ហាង​តាំងពី​ឆ្នាំ ១៩៨១។

អ្នកស្រី ចែប លីអ៊ី​ង ម្ចាស់​ហាង​បាន​ឲ្យដឹង​ថា​ដោយសារ​តែ​ឪពុក​របស់​អ្នកស្រី​មាន​កេរ្តិ៍ឈ្មោះ​ជាចុងភៅ​ល្បីម្នាក់​ប្រចាំ​ខេត្ត​សៀម​រាបនា​ទសវត្សរ៍​ ៨០ មក ​ដូច្នេះ​ហើយ​ទើប​អ្នកស្រី​ចង់យក​រូបមន្ត​ប្រចាំ​គ្រួសារ​របស់​អ្នកស្រី​មកច្នៃ​ធ្វើជា​ម្ហូបខ្មែរ​ ដែល​មាន​លក្ខណៈ​ទំនើប​ស្របតាម​ចំណូល​ចិត្ត​ទាំងភ្ញៀវ​ខ្មែរ និង​ភ្ញៀវ​បរទេស៕​

អត្ថបទគួរចាប់អារម្មណ៍